ملک بھر کے مختلف شہروں میں جشن عید میلاد النبی ﷺ کی تیاریاں مکمل کرلی گئی، شاہراہیں، عمارتیں اور مساجد سج گئیں۔

جشن عید میلاد النبی ﷺ کی تیاریاں کراچی سے پشاور اور آزاد کشمیر تک مکمل کرلی گئی ہیں، ملک کےمختلف شہروں میں سرکاری اور نجی عمارتوں شاہراہوں اور مساجد کو برقی قمقموں سے روشن کردیا گیا ہے۔

اس کے علاوہ گلی کوچوں میں خوبصورت داخلی دروازے بھی لگائے گئے ہیں، بازاروں میں اسٹالوں پرسبز جھنڈیوں کیساتھ نعلین پاک، درود شریف اوردیگر تبرکات کی فروخت جاری ہے۔

اس کے علاوہ اسٹیل کے بنے ہوئے برقی قمقموں سے سجے سبز گنبد اور محرابوں کی مانگ میں بھی اضافہ ہو گیا ہے، دوسری جانب شب بھر میلاد کی محافل بھی سجائی جارہی ہیں۔

علماء ومشائخ نے حکومت سے درخواست کی ہے کہ گیارہ اور بارہ ربیع الاول کو لوڈ شیڈنگ نہ کرنے کا اعلان کیا جائے اور سیکیورٹی کو فول پروف بنایا جائے۔
    
   

اپنے ایک بیان میں انہوں نے کہاکہ ایس ایس پی سی آئی ڈی چوہدری اسلم پاکستان میں دہشت گردی کابازارگرم کرنے والے کالعدم تنظیموں کے دہشت گردوں کے خلاف سرگرم تھے اورانہوں نے کالعدم تنظیموں کے دہشت گردوں اور دیگرجرائم پیشہ عناصرکے خلاف بڑ ی جرات و بہادری سے کارروائیاں کیں۔

الطاف حسین نے کہاکہ چوہدری اسلم کی شہادت سے کراچی پولیس ہی نہیں بلکہ پاکستان ایک انتہائی بہادر ، نڈراور جرات مند افسرسے محروم ہوگیا ہے اوریہ پاکستان کانقصان ہے۔ یہ ایک بڑاسانحہ ہے اورکراچی کے امن پسند باسی اس المناک سانحہ پرافسردہ اوراشکبار ہیں۔

الطاف حسین نے چوہدری اسلم کی شہادت پر ان کے تمام ساتھیوں،شہید کی بیوہ اورتمام لواحقین سے دلی تعزیت کااظہارکرتے ہوئے اس المناک سانحہ پر مجھ سمیت کراچی کے تمام شہری آپکے غم میں برابرکے شریک ہیں۔

الطاف حسین نے حکومت سے مطالبہ کیاکہ چوہدری اسلم کی شہادت کے المناک سانحہ میں ملوث دہشت گردوں کوفی الفور گرفتارکیاجائے اور جوسفاک دہشت گردپولیس وسیکوریٹی فورسز اورپاکستان کے معصوم شہریوں کے خون سے ہولی کھیل رہے ہیں ان دہشت گردوں کاقلع قمع کیاجائے ۔

چئیرمین تحریک انصاف عمران خان نے کہا ہے کہ چوہدری اسلم کی شہادت قومی دھچکا ہے ، ملک میں قانون نام کی کوئی چیز موجود نہیں ۔

لاہور میں میڈیا سے گفتگو کرتے ہوئے عمران خان کا کہنا تھا کہ ہربار آپریشن سے طالبان گروپوں میں اضافہ ہوا ، جو گروپ مذاکرات چاہتے ہیں ان سے بات کی گئی ہوتی تو دہشت گردی میں واضح کمی ہوجاتی ، مولانا سمیع الحق طالبا ن سے مذاکرات کرتے ہیں تو انہیں سپورٹ کیا جائے گا ۔

عمران خان نے کہا کہ پرویز مشرف کے ساتھ کیا سلوک ہوگا نہیں جانتا مگر یہ حقیقت ہے کہ قانون طاقتور کے لیے کبھی مسئلہ نہیں رہا، جن کے اربوں روپے باہر پڑے ہیں انہیں کوئی نہیں پوچھتا۔ شامت صرف پٹواری کی ہی آتی ہے