شام کے شمالی علاقے بیانون میں بشارالاسد کی فوج پسپا ہونے پر مجبور ہو گئی۔ باغیوں نے علاقے پر کنڑول حاصل کرلیا۔

غیرملکی خبررساں ادارےکےمطابق بشارالاسد کے حامی فورسز اور باغیوں میں کئی روز سے جاری مسلح تصادم کے بعد سرکاری فورسز کو بیانون میں پسپائی اختیارکرنا پڑی ہے جس کےبعدباغیوں نےعلاقے پر مکمل کنٹرول حاصل کرلیا ہے۔

سماجی رابطے کی ویب سائٹ پر جاری فوٹیج میں باغیوں کوگاڑی پرعلاقے کا گشت کرتے اور خوشی سے نعرے بازی کرتے دکھایا گیا ہے۔ یاد رہے کہ گذشتہ روز ایک برطانوی رپورٹ میں دعویٰ کیا گیا تھا کہ علاقےمیں گذشتہ ایک ہفتےسےجاری مسلح تصادم میں پانچ سوسےزائد افراد ہلاک ہوئے۔

امریکہ کے نیشنل زو میں خاص مہمان باؤ باؤ کی آمد ۔۔ اٹھارہ جنوری سے عوام خاص مہمان کو چڑیا گھر میں دیکھ سکیں گے۔

واشنگٹن نیشل زومیں آجکل مہمان پانڈاکی خاص آؤ بگھت کی جا رہی ہے۔ تئیس اگست دو ہزار تیرہ کو چین میں پیدا ہونے والے پانڈے کا نام چینی زبان میں باؤ باؤ رکھا گیا جس کے معنی قیمتی یا بہش بہا خزانے کے ہیں۔ باؤ باؤ کو خصوصی مہمان کے طور پر نیشل زو لایا گیا ہے۔

زو انتظامیہ کا کہنا ہے کہ دنیا میں پانڈے کی نسل تیزی سے زوال پذیر ہے جس کے تحفظ اور عوام میں شعور اجاگر کرنے باؤ باؤ کو خصوصی مہمان کے طور پر لایا گیا ہے۔ انتظامیہ کا کہنا ہے عام پبلک اٹھارہ جنوری سے باؤ باؤ کی معصومانہ اٹکھلیاں دیکھکر محظوظ ہوسکیں گی۔ نیشنل زو کی انتظامیہ چار سال تک باؤ باؤ کی مہمان نوازی کریگی۔ جس کے بعد باؤ باؤ دوبارہ چین منتقل ہو جائے گا۔
   

بھارتی شہر جئے پور میں بھارتی نژاد امریکی آرتھوپیڈک سرجن نے گوگل چشمہ پہن کر اپنے مریض کے پاؤں اور ٹخنے کا کامیاب آپریشن کر ڈلا۔

اس موقع پر بھارتی ڈاکٹروں کی خصوصی ٹیم نے بھی اس آپریشن کو براہ راست کمپیوٹر پر مانیٹر کیا۔ جی پاریکھ نے گوگل چشمہ کی افادیت پر روشنی ڈالتے ہوئے کہا کہ گوگل چشمہ دوران آپریشن ناصرف ایکسرے مشین کا کام سرانجام دیتا ہے بلکہ اس کے ذریعے مریض کے دوست احباب رشتہ داروں سے بھی آپریشن روم سے باہر بات کی جاسکتی ہے، ڈاکٹر کا مزید کہنا تھا کہ اس ڈیوائس کے ذریعے ڈاکٹر بغیر نرس کے بھی مریض کو باآسانی آپریٹ کر سکتا ہے۔

نئی دلی کےصدر بازارمیں ہولناک آتشزدگی سے متعدد دکانیں تباہ ہو گئیں اور کڑوروں روپے کا سامان جل کر خاکستر ہوگیا۔

پولیس حکام کے مطابق نئی دلی کے مین صدر بازار کی ہول سیل مارکیٹ میں رات گئے اچانک آگ بھڑک اٹھی جس نے دیکھتے ہی دیکھتے متعدد دکانوں کواپنی لپیٹ میں لےلیا۔

واقعے کی اطلاع ملتے ہی فائر بریگیڈ کے تیس زائد فائرٹیندرجائےوقوعہ پرپہنچ گئےاورپانچ گھنٹےکی جدو جہد کے بعدآگ پرقابو پالیاتاہم گلیاں تنگ اوررکاوٹیں ہونے کی وجہ سے فائر بریگیڈ کوسخت مشکلات کاسامنا کرنا پڑا۔

فائربریگیڈ حکام کہنا ہےکہ آتشزدگی کاواقعہ شارٹ سرکٹ کےباعث پیش آیا۔ آتشزدگی کے نتیجے میں کڑوروں روپے مالیت کا سامان جل کر راکھ ہوگیا۔ پولیس نے واقعےکی رپورٹ درج کرکے تفتیش شروع کردی ہے۔
    
   

جنوب مغربی چینی صوبے یوننان کے قدیم قصبے میں آتشزدگی کے واقعے کے نتیجے میں سوکے قریب قدیم گھروں کو بری طرح نقصان پہنچا۔

مقامی حکومت کے ترجمان کے مطابق واقعے کی اطلاع ملتے ہی امدادی کارروائیاں شروع کر دی گئیں۔ دس گھنٹوں کے بعد آگ پر قابو پا لیا گیا، آگ سےجل جانیوالےتمام گھرتقریبا لکڑی کے بنے ہوئے تھے۔

مقامی خبر رساں کے مطابق واقعے میں کوئی جانی نقصان نہیں ہوا، آگ لگنے کی تحقیقات شروع کردی گئیں ہیں، علاقےسےرہائشیوں اورسیاحوں کونکال لیاگیا ہے۔
   

یوکرائن میں انقلابی لیڈر لینن کا مجسمہ گرانے والے تین افراد کے خلاف عدالت کی جانب سے سزا سنائے جانے کے بعد یوکرائن میں ہنگامے پھوٹ پڑے۔

دارالحکومت کیف میں پولیس اور سینکڑوں شہریوں کے درمیان جھڑپیں اس وقت شروع ہوئیں جب عدالت کیجانب سے لینن کا مجسمہ تباہ کرنے والےتین افراد کو چھ سال قید کی سزا سنائی گئی جس کے خلاف سینکڑوں شہری کیف کی سڑکوں پر نکل آئے۔

پولیس نے مظاہرین کو منتشر کرنے کے لئے آنسو گیس اور لاٹھیوں کا بھرپور استعمال کیا جس پر مظاہرین نے بھی پولیس کے خلاف بھر مزاحمت کی، پولیس نے متعدد مظاہرین کو حراست میں لے لیا۔ جھڑپ میں دس مظاہرین زخمی ہوئے۔
   

اسپین میں ہزاروں افراد نے علیحدگی پسند قیدیوں کی حمایت میں ریلی نکالی۔ مارچ پر پابندی کے عدالتی فیصلے کی بھی شہریوں نے پرواہ نہیں کی۔

میڈرڈ میں علیحدگی پسند قیدیوں کے حامی ہزاروں افراد شہرمیں جاری مظاہرے میں شریک ہونا شروع ہوگئے ہیں۔ مظاہرین کا مطالبہ ہے کہ قیدیوں کو ان کے شہروں میں منتقل کرتے ہوئے بنیادی ضروریات فراہم کی جائیں۔

مطالبات پر عملدآمد کے لیے مظاہرین کی جانب سے مارچ کا اعلان کیا گیا تھا جس پر عدالت نے پابندی عائد کی تھی تاہم قیدیوں کے حامی افراد نے عدالتی فیصلے کی پرواہ کیے بغیرمظاہرے میں شرکت جاری رکھی۔ جیل میں میں قیدباغیوں پر پچاس سالہ مزاحمت کے دوران آٹھ سو افراد کے قتل کی فرد جرم عائد ہے۔
   

تھائی لینڈ کے فوجی سربراہ نے تھائی لینڈ میں ہنگامے ختم نہ ہونے پر فوجی بغاوت کا عندیہ دیتے ہوئے تمام فریقوں پر زور دیا کہ وہ ملکی مفاد کے لئے فوری سیاسی حل تلاش کرلیں۔

بچوں کے قومی دن کے موقع پر ایک تقریب سے خطاب کرتے ہوئے فوج کے سربراہ نےتمام فریقوں پر زور دیتے ہوئے کہا کہ وہ ملکی صورتحال کے پیش نظرقیام امن کیلئےفوری اقدامات کریں۔

انکا کہنا تھا کہ ملک میں سیاسی بحران اورہنگاموں کا سلسلہ فوری نہ روکا اور اس کاسیاسی حل تلاش نہ کیا گیاتوفوج ملک کانظام اپنےہاتھ میں لےسکتی ہے۔

مظاہرین نے وزیر اعظم ینگ لک شیناواترا کا تختہ الٹنے کے لئے مظاہروں کا سلسلہ تاحال جاری رکھا ہوا ہے، دوسری طرف مظاہرین نےجمہوری حکومت کے خلاف پیرسے فیصلہ کن احتجاج کےلئے تیاریاں شروع کردی ہیں، مظاہرین کا کہنا ہے کہ وہ وزیراعظم کے مستعفی ہونے تک احتجاج جاری رکھیں گے۔