ایم کیو ایم کے قائد الطاف حسین نے کہا ہے کہ پرویزمشرف کے خلاف آرٹیکل چھ کے تحت غداری کے مقدمے پر عاصمہ جہانگیر کا اصولی اور جراتمندانہ موقف قابل تعریف ہے۔

انسانی حقوق کی رہنما اور سپریم کورٹ بار کی سابق صدر عاصمہ جہانگیر سے ٹیلی فون پر گفتگو میں الطاف حسین نے پرویز مشرف کے معاملے پر جراتمندانہ موقف اختیار کرنے پر انھیں بہادر خاتون قرار دیا اور خراج تحسین پیش کیا۔

الطاف حسین نے کہا کہ اس وقت سب کو سچ بولناچاہیےاورحقیقت پسندانہ سوچ وفکر اختیار کرنا چاہیے۔ عاصمہ جہانگیر کا کہنا تھا کہ یہ بات سمجھنا ہوگی کہ انتقام کاطرزعمل اختیارکرکے ملک کوکہاں لے جایا جارہا ہے۔

وفاقی وزیربرائے مذہبی امور سردار محمد یوسف کا کہناہے پاکستانی ریاست کسی کے آگے سرنڈر نہیں کرےگی، تمام مکاتب فکر کے علماء پر مشتمل کونسل بنا رہے ہیں جو دہشت گردی کے خاتمے اور مکاتب فکر میں ہم آہنگی کیلئے کام کریگی۔

کراچی میں جامعہ بنوریہ سائٹ ٹاؤن کے دورے کے موقع پر وفاقی وزیر برائے مذہبی امور سردار محمد یوسف نے کہا کہ پاکستانی ریاست کسی کے آگے سرنڈر نہیں کرے گی ۔ دہشتگردوں کا مقابلہ کریں گے، ملک بھر میں کسی قسم کی دہشت گردی قابل قبول نہیں اس کی ہر سطح پرمذمت کرنی چاہئے۔

سردار محمد یوسف کا کہنا تھا کہ تمام مذاہب اورمکاتب فکر کو تحفظ فراہم کرنا حکومت کی ذمہ داری ہے ، تمام مکاتب فکر کے علماء پر مشتمل کونسل بنا رہے ہیں جو ملک میں جاری دہشت گردی کے خاتمے اورتمام مکاتب فکر میں ہم آہنگی کیلئے کام کریگی۔

متحدہ قومی موومنٹ کے قائد الطاف حسین نے مسلم لیگ (ن) کے رہنما امیر مقام کے قافلے پر حملے کی سخت ترین الفاظ میں مذمت کی ہے۔

 الطاف حسین نے کہاکہ دہشتگرد ملکی سالمیت کے درپے ہیں اور مسلح افواج ، سیکورٹی فورسز اور عوام کوکھلی دہشت گردی کا نشانہ بنا رہے ہیں ایسی سنگین صورتحال تمام سیاسی ومذہبی جماعتوں اور ان کے رہنماؤں کو متحد و منظم ہوکر دہشت گردی کے خلاف نبرد آزما ہونے کا عندیہ دے رہی ہے ۔

انہو ں نے بم دھماکوں میں شہید پولیس اہلکاروں کے سوگوار لواحقین سے دلی تعزیت وہمدردی کااظہارکیا۔ا لطاف حسین نے صدر مملکت ممنون حسین ، وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ مسلم لیگ ن کے رہنما امیر مقام کے قافلے پر بم دھماکوں کا سختی سے نوٹس لیاجائے اور اس میں ملوث سفاک دہشت گردوں کو گرفتار کرکے قرار واقعی سزا دی جائے ۔
   

ملک بھر میں جشن عید میلادالنبی ﷺ مذہبی عقیدت و احترام سے منانے کی تیاریاں عروج پر پہنچ گئیں ،گلی محلوں کو سجا دیا گیا ہے

ملک بھر میں جشن عیدمیلاالنبی ﷺ کی تیاریاں مذہبی جوش وجذبے سے جاری ہیں ۔۔۔ملک بھر میں سرکاری و نجی عمارتوں ،گلی محلوں کو برقی قمقموں اور سبز جھنڈے اور جھنڈیوں سے سجاد یا گیا ہے ۔

محافل نعت و حسن قرات کا سلسلہ بھی جاری ہے، کراچی ،لاہور ،اسلام آباد ،ملتان ،فیصل آباد،گوجرانوالا ،پاکپتن ،پیر محل ،کوئٹہ،جعفر آباد شہر شہر گلی گلی ہرجانب برقی قمقموں کی بہار نظر آ رہی ہے اور خوبصورت روشنیوں سے تزئین و آرائش کی گئی ہے ۔

ملک بھر میں عاشقان رسول ﷺ ریلیاں نکال رہے ہیں ، دودھ ، شربت اور پانی کی سبیلیں لگائی جا رہی ہیں اور لنگر تقسیم کیا جارہا ہے، حیدر آباد ،سکھر ،سانگھڑ ،نوابشاہ سمیت چھوٹے بڑے شہروں میں جشن عیدمیلاد النبی ﷺ کے سلسلے میں جھنڈیوں اور بیجز کی خریداری جاری ہے، جشن عیدمیلاالنبی ﷺ کے سلسلے میں کوٹلی ،آزاد کشمیر کو رنگ برنگی جھنڈیوں اور لاٹئس لگا کر سجا دیا گیا ہے ۔
   

حکومت نے چیئرمین نادرا طارق ملک کےمستعفی ہونے کے باعث خالی ہونےوالی اسامی کومیڈیا میں مشتہر کرنے کا فیصلہ کرلیا۔تاکہ تا کہ امیدواروں سے درخواستیں وصول کی جا سکیں۔

ذرائع کے مطابق نئے چئیر مین کے لئے درخواستوں کی وصولی، انٹرویوز اور شارٹ لسٹنگ کے بعد تین منتخب نام وزیراعظم میاں نواز شریف کو بھجوائے جائیں گے،جبکہ اس اہم ترین اسامی کے لئے آئی ٹی ماہر کو ترجیح دینے کا فیصلہ کیا گیا ہے۔

ذرائع کا کہنا ہے کہ بھرتی کا عمل تین ماہ میں مکمل ہونے کی توقع ہے اس سے پہلے قائم مقام چیئرمین کا انتخاب بھی ہوگا، اس وقت چیئرمین نادرا کا اضافی چارج ایڈیشنل سیکریٹری داخلہ امتیازتاجور کے پاس ہے۔
    
   

ذرائع کے مطابق فیصلہ سیکیورٹی اور دہشتگردی خدشات کے باعث کیا گیا، مسلح افواج کی پریڈ دو ہزار آٹھ میں پرویز مشرف دور میں آخری بار منعقد کی گئی۔

ذرائع کا کہنا ہے پیپلز پارٹی کے پانچ سالہ دور میں ایک بار بھی پریڈ منعقد نہ کرائی جا سکی اور اب ن لیگ کے دور حکومت میں پریڈ مؤخر کئیے جانے کا یہ پہلا موقع ہے۔