مذاکراتی عمل شروع ہونے کے باوجود اسرائیلی افواج کی جارحیت جاری ہے، فائرنگ سے تین فلسطینی زخمی ہوگئے۔

میڈیا رپورٹس کے مطابق غزہ اسرائیلی فوج کی جانب سے فصلوں کو تباہ کرکے شاہراہ بنانے کے خلاف احتجاج کرنے والے مظاہرین پر فائرنگ کی گئی، جس کے باعث تین فلسطینی زخمی ہوگئے۔

زخمی ہونے والے مظاہرین کو فوری طورپر قریبی اسپتال بھیج دیا گیا، یاد رہے کہ تین روزقبل بھی اسرائیلی فضائیہ نے پانچ مختلف مقامات پر فضائی حملے کئے تھے، جن میں پانچ افراد زخمی ہوگئے تھے، جن میں تین بچے بھی شامل تھے۔
    
   
   

امریکی شہر لاس اینجلس کی مقامی عدالت نے نادیہ سلمان کو عدم ثبوت پر غبن کے الزام سے بری کردیا۔

دوہزار نو میں آٹھ بچوں کو ایک ساتھ جنم دے کر ملک گیر شہرت حاصل کرنے والی نادیہ سلمان پر فلاحی ادارے کی جانب تیس ہزار امریکی ڈالر خرد برد کرنے کا الزام عائد تھا۔

استغاثہ کی جانب سے چودہ بچوں کی ماں پر الزام عائد کیا گیا تھا کہ بچوں کی کفالت کے حوالے سے غلط بیانی سے کام لیتے ہوئے نادیہ نے مخلتف این جی او سے امداد کی مد میں کثیر رقم ہتیائی ہے۔

تاہم ثبوت کی عدم فراہمی پر نادیہ سلمان کو بری کردیا گیا ہے، جرم ثابت ہونے پر نادیہ کو پانچ سال آٹھ ماہ کی سزا بگتنا پڑتی۔
   

بھارت میں ایک اور غیر ملکی خاتون کے ساتھ اجتماعی زیادتی کی گئی،غفلت برتنے پر ایک پولیس آفیسر کو معطل کردیا گیا۔

بھارت میں پولیس کی ناقص تفتیش کے باعث غیرملکی خواتین کے ساتھ اجتماعی زیادتی کے واقعات میں تیزی سے اضافہ ہورہا ہے، دو روز قبل نئی دہلی میں ڈینش خاتون کے ساتھ اجتماعی زیاتی کیس میں پولیس کی ناقص تفتیش کے بعد عوام سڑکوں پر نکل آئی اور پولیس انتظامیہ کے خلاف نعرے بازی کی۔

عوام کے احتجاج پر شہری ترقی کے وزیر منیش سودیا نے تفتیش میں غفلت برتنے پر پولیس افسر کو معطل کرکے نئے سرے سے تفتیش کے احکامات جاری کرتے ہوئے دو دن میں رپورٹ طلب کرلی ہے، یاد رہے کہ اکاون سالہ ڈینش خاتون کو نئی دلی میں چھ افراد نے اجتماعی زیادتی کا نشانہ بنایا تھا۔

بھارت کے انسانی وسائل کے وزیر ششی تھرور کی اہلیہ سونندا پُشکر دہلی کے ایک ہوٹل میں پراسرار طور پر مردہ پائی گئیں ہیں سونندا کی موت مبینہ طور پر خودکشی کا واقعہ ہے۔ 

سونندا پشکر نے اپنے شوہر ششی تھرور پر الزام عائد کیا تھا کہ ان کے پاکستانی صحافی مہر تارڑ کے ساتھ تعلقات ہیں سونندا نے یہ الزام عائد کیا تھا ششی تھرور کے عاشقانہ ٹویٹس کو بنیاد بنا کر، جس  کے بعد ششی تھرور نے اعلان کیا کہ ان کا ٹوئٹر اکاونٹ ہیک ہوگیا ہے۔ 

لیکن سونندا تھرورکی جانب سے کہا گیا تھا کہ ٹویٹس انہوں  نے خود کیے ہیں، مہر تارڑ  نے اپنے ٹویٹ میں کہا ہے کہ وہ  سونندا کی موت کی خبر سن کر سکتے میں آ گئی ہیں ، انہوں نے کہا ہے کہ انہیں سمجھ نہیں آ رہا کہ کیا کہیں۔