دبئی : پاکستان اور آسٹریلیا کے درمیان تین ون ڈے کی سیریز کا دوسرا میچ کل دبئی میں کھیلا جائے گا، قومی ٹیم کے کپتان مصباح الحق سیریز میں واپسی کے لئے پرعزم ہیں۔
آسٹریلیا کو سیریز میں ایک صفر کی برتری حاصل ہے، پاکستان جیت گیا تو سیریز برابر ہوگی ہار گئے تو سیریز ہاتھ سے نکل جائے گی، گرین شرٹس کے لئے ڈو اینڈ ڈائی میچ ہوگا، بیٹسمینوں کو وکٹ پر جم کر کھیلنا ہوگا۔
ٹی ٹوئنٹی اور پہلے ون ڈے میں پاکستان کی بیٹنگ لائن بری طرح ناکام رہی تھی، وکٹیں انجری کے سبب سیریز سے باہر ہونے والے لیفٹ آرم فاسٹ بولر جنید خان کی جگہ سہیل تنویر کو اسکواڈ میں شامل کیا گیا ہے۔
ادھر پاکستان کو اسپن جال میں پھنسانے کے لئے آسٹریلوی ٹیم میں مچل مارش کی جگہ زیویر دوہرٹی کو جگہ دی گئی ہے، دبئی کی وکٹ اسپنرز کو سپورٹ کرسکتی ہے۔
کپتان مصباح الحق کا کہنا ہے کہ ٹیم کو ایک اچھی اننگز کی ضرورت ہے، جیت کے لئے سردھڑ کی بازی لگا دیں گے۔
