لاہور: پی آئی اے ملازمین نے تنخواہوں میں اضافہ نہ کرنے پرٹاؤن آفس میں ہڑتال اورتالہ بندی کردی جبکہ پی آئی اے کے بکنگ آفس بھی بند کرادئیے گئے ہیں۔
ذرائع کے مطابق پی آئی اے کے دیگر دفاتر بھی جزوی طور پر بند ہیں ، ایئرلیگ کے رہنماؤں کا کہنا ہے پی آئی اے مینجمنٹ نے عید پرپندرہ فیصد الاؤنس دینے اورتنخواہوں میں اضافے کا وعدہ کیا تھا جو پورا نہیں کیا گیا۔ اس لئے پی آئی اے ملازمین ہڑتال کررہے ہیں ۔
مگرپی آئی اے انتظامیہ کے ذرائع کا کہنا ہے کہ ایئر لیگ کا پی آئی اے حکام کے ساتھ کچھ افسران کے تبادلے کے معاملے پراختلاف ہے۔ اس کے علاوہ اووربلنگ پرایک نجی ہوٹل کو پی آئی اے پینل سے ہٹانے دیا گیا تھا جسے بحال کرانے کے لیے ہڑتال کرکے انتظامیہ پردباؤ ڈالا جارہا ہے
