اسلام آباد: سیلاب سے متاثرہ علاقوں میں امدادی سرگرمیوں کا سلسلہ جاری ہے، فوج کی جانب سے متاثرین سیلاب میں اشیاء خودونوش کی تقسیم جاری ہے۔
پنجاب میں حالیہ بارشوں کے باعث آنے والے سیلاب نے تباہی کی ان سنی داستان رقم کردیں، ایسے میں پاک فوج کی خدمات متاثرین سیلاب کیلئےزورو شور سے جاری ہے، مصیبت کی اس گھڑی میں فوجی جوان سیلاب زدگان میں پینتیس ہزار ٹن اشیائے خوردونوش تقسیم کر چکے ہیں، جن میں دودھ، کھجور، بسکٹ اوردوسری اشیاء شامل ہیں۔
آئی ایس پی آر کے مطابق پاک فوج کا جھنگ کے سیلاب زدہ علاقوں سمیت اٹھارہ ہزاری،احمد پور سیال میں ریلیف آپریشن جاری ہے، فوج کی جانب سے ریلیف آپریشن میں سات ہیلی کاپٹراورایک سوکشتیاں استعمال کی جارہی ہیں۔
آئی ایس پی آرکا کہنا ہے کہ اب تک سیلاب زدہ علاقوں سے چارہزارلوگوں کو محفوظ مقام پر منتقل کردیا گیا ہے۔
