اسلام آباد: پاکستان تحریکِ انصاف اور حکومت کے درمیان مزاکرات کا تیسرا دور آج ہوگا۔
تحریکِ انصاف اور حکومت کے درمیان مذاکرات کا آغاز جمعے کو ہوا تھا اور اس سلسلے میں اتوار کو دونوں جماعتوں کے رہنماؤں کی اسلام آباد میں ملاقات ہوئی، ملاقات میں حکومت کی جانب سے وزیرِ خزانہ اسحاق ڈار اور وفاقی وزیرِ ترقی و منصوبہ بندی احسن اقبال اور تحریکِ انصاف کے رہنماء جہانگیر ترین اور اسد عمر شامل تھے۔
ملاقات میں فریقین نے ایک دوسرے کو اپنے اپنے مطالبات سے آگاہ کیا، حکومت کی مذاکراتی کمیٹی کے رکن اسحاق ڈار نے کہا کہ برف پگھل چکی ہے اور حکومت خلوصِ نیت سے مذاکرات کا سلسلہ آگے بڑھانا چاہتی ہے ۔
دوسری جانب تحریکِ انصاف کے رہنماء جہانگیر ترین نے کہا کہ بات چیت میں پیش رفت سے ہی مسائل حل ہوں گے۔
