سیکنڈ سیڈ سربیا کے نوواک جوکووچ اور سرینا ولیمز نے آسٹریلین اوپن ٹینس ٹورنامنٹ کا فاتحانہ آغاز کردیا، اٹلی کی سارا ایرانی اپ سیٹ شکست کے بعد ایونٹ سے باہر ہوگئیں۔

میلبورن میں جاری سال کے پہلے گرینڈ سلم ایونٹ کے میز سنگلز کے پہلے راؤنڈ کے میچ میں سیکنڈ سیڈ سربیا کے نوواک جوکووچ نے سلواکیہ کے لوکاس لیکو کو اسٹریٹ سیٹس میں شکست دے کر دوسرے راؤنڈ کے لئے کوالیفائی کرلیا۔

سرب کھلاڑی کی فتح کا اسکور چھ تین، سات چھ اور چھ ایک رہا، ویمنز سنگلز میں عالمی نمبر ایک امریکہ کی سرینا ولیمز نے آسٹریلیا کی ایشلگ بارٹی کو زیر کرکے ایونٹ کا فاتحانہ آغاز کردیا۔

سرینا نے چھ دو اور چھ ایک سے حریف کھلاڑی کو قابو کیا، سینوتھ سیڈ اٹلی کی سارہ ایرانی کو پہلے راؤنڈ میں جرمنی کی جولیا جورجز نے اپ سیٹ شکست دے کر ٹورنامنٹ سے باہر کردیا۔

ارجنٹائن میں جاری ڈاکار ریلی کے آٹھویں مرحلے کے اختتام پر اسپین کے مارک کوما اور نینی روما کی مجموعی برتری برقرار ہے۔

ڈاکار ریلی بولیویا کے بعد چلی میں داخل ہوگئی ہے، آٹھویں مرحلے میں قطر کے نصیر العطیہ نے دلچسپ مقابلے کے بعد میدان مارلیا، نصیر ال عطیہ نے مقررہ فاصلہ دو گھنٹے بتیس منٹ اور ستاون سیکنڈز میں طے کیا، اسپین کے نینی روما کو ریس میں مجموعی برتری حاصل ہے، موٹربائیک ریس میں بھی اسپین کی برتری برقرار ہے۔

فرانس کے سائرل ڈیسپریس آٹھواں مرحلہ جیتنے کے باوجود ریس میں مجموعی برتری حاصل نہ کرسکے، ڈیسپریس نے مقررہ فاصلہ پانچ گھنٹے تئیس منٹ اور بیس سیکنڈز میں طے کیا، اسپینش رائڈر مارک کوما لیڈ کررہے ہیں۔

پاکستان کرکٹ ٹیم کے اسٹار آف اسپنر سعید اجمل کا کہنا ہے کہ ما یوس نہیں، اچھی کارکردگی دکھاکر سیریز کا میچ جیتنے کی کوشش کرینگے۔

شارجہ میں میڈیا سے گفتگو کرتے ہوئے آف اسپنر سعید اجمل کا کہنا ہے کہ خراب کارکردگی پر مایوس نہیں اچھی کارکردگی دکھاکر سیریز کے تیسرا جیت کر سیریز برابر کرنے کی کوشش کرینگے۔

سعید اجمل کا کہنا ہے کہ چھ سال سے یو ے ای میں کرکٹ کھیل رہا ہوں لیکن کبھی ایسی وکٹ نہیں دیکھی، جس سے اسپنرز کو مدد نہ ملے، زیادہ کرکٹ کھیلنے یا توقعات پر پورا اترنے کو کوئی بوجھ نہیں ہے۔ سری لنکن بلے باز میری گیندوں کو نہایت احتیاط کے ساتھ کھیل رہے ہے۔

پاکستان کرکٹ بورڈ نے آسٹریلیا کو رواں سال اکتوبر میں تین ٹیسٹ کے بجائے دو میچز کی سیریز کھیلنے کی تجویز دی ہے۔

آئی سی سی فیوچر ٹور پروگرام کے تحت آسٹریلیا کو رواں سال اکتوبر میں پاکستان کے خلاف تین ٹیسٹ کی سیریز کھیلنی ہے، پی سی بی نےآسٹریلیا کو سیریز میں ردوبدل کی تجویز دی ہے جس میں تین ٹیسٹ کے بجائے دو میچز کی سیریز کرانے اور اور ون ڈے اور ٹی ٹوئنٹی کا انعقاد شامل ہے۔ آسٹریلیا کے چیف ایگزیکٹو جیمز سدرلینڈ نے بھی شیڈول میں تبدیلی کا خیال ظاہر کیا ہے۔

ان کا کہنا ہے کہ میچز میں تبدیلی کے حوالے سے پاکستان کی تجویز پر غور کیا جارہا ہے۔ سیریز کے میچز متحدہ عرب امارات میں ہونے کا امکان ہے، پاکستان اور آسٹریلیا کی ٹیمیں دوہزار دس کے بعد سے طویل دورانیئے کی کرکٹ میں آمنے سامنے نہیں آئیں۔

پرتگال کے اسٹار کھلاڑی کرسٹیانو رونالڈو نے فیفا فٹبال پلئیر آف دی ائیر کا ایوارڈ جیت لیا۔ رونالڈو نے دوسری مرتبہ یہ ایوارڈ اپنے نام کیا ہے۔ سوئٹزرلینڈ کے شہر زیورخ میں ہونے والی تقریب میں پرتگال اور ریال میڈرڈ کے اسٹار کھلاڑی کرسٹیانو رونالڈو کو سال دوہزار تیرہ کے بہترین فیفا فٹبال پلئیر آف دی ائیر کے ایوارڈ سے نوازا گیا۔

فیفا کے صدر سیپ بلیٹر نے رونالڈو کو ٹرافی پیش کی۔ جنرل ساؤنڈ ارجنٹائن کے لائنل میسی مسلسل پانچویں مرتبہ ایوارڈ حاصل کرنے سے محروم رہے۔ رونالڈو ایک ہزار تین سو پینسٹھ پوائنٹس کے ساتھ فیفا فٹبال آف دی ائیر قرار دیئے گئے۔ ایوارڈ ملنے پر رونالڈو بہت خوش دکھائی دیئے۔

اس موقع پر ان کا کہنا تھا کہ جب تک سب کا ساتھ نہ ہوتا وہ یہ ایوارڈ کبھی بھی حاصل نہیں کرسکتے تھے۔ اٹھائیس سالہ رونالڈو نے کیرئیر میں دوسری مرتبہ یہ ایوارڈ جیتا ہے۔ رونالڈو نے سیزن میں ریال میڈرڈ کی جانب سے اٹھائیس گول اسکور کئے۔

ورلڈٖ کپ پلے آف ٹائی میں رونالڈو نے سوئیڈن کے خلاف ناقابل فراموش ہیٹرک بھی بنائی تھی۔ جرمنی کی گول کیپر نیدین اینگرر ویمنز پلئیر آف ائیر قرار پائیں۔ برازیل کے لیجنڈ کھلاڑی پیلے کو لائف ٹائم ایچیومینٹ ایوارڈ دیا گیا۔