مصر کے سابق صدر محمد مرسی کو عدالت میں پیش کئے جانے پر اخوان المسلمون نے حکومت کے خلاف احتجاج کیا۔

سابق مصری صدر محمد مرسی کو عدالت میں پیش کئے جانے پر اخوان المسلمون کے ہزاروں کارکنوں نے دارالحکومت قاہرہ اور ملک کے دیگر شہروں میں فوجی حکومت کے خلاف مظاہرہ کیا اور سابق صدر کی رہائی کے لئے احتجاج کیا۔

مظاہرین کو منتشرکرنے کے لئے سیکورٹی کے سخت انتظامات کئے گئے تھے، سیکورٹی فورسز نے مظاہرین کو منتشرکرنے کے لئے آنسو گیس کی شیلنگ کی جس کے باعث کئی مظاہرین زخمی ہوگئے، سابق صدر پر مقدمہ عبوری حکومت چلارہی ہے جسکوفوج کی مکمل حمایت حاصل ہے۔
   

یونان میں ہزاروں افراد نے یورپی یونین کے اجلاس کے دوران یورپی یونین کی پالیسیوں کے خلاف مظاہرہ کیا۔

ایتھنز میں یونان کو یورپی یونین کی صدارت کی منتقلی کی تقریب کے دوران ہزاروں افراد نے یورپی یونین کو ملک میں جاری معاشی و سماجی بدحالی کا زمہ دار قرار دیتے ہوئے احتجاج کیا۔

مظاہرین نے صدراتی اجلاس کی تقریب میں ہنگامہ کرنے کے لئے پولیس سے مزاحمت کی، جس پر پولیس نے لاٹھی چارج اور آنسو گیس کا استعمال کیا، حکام کی جانب سے ایتھنز میں مظاہروں پر پابندی عائد کی گئی تھی۔

تاہم یورپی یونین کی پالیسیوں کے باعث تین سال سے جاری معاشی بد حالی سے بیزار افراد احتجاج مین شریک ہوئے۔

امریکی سینیٹ نے یوکرائن میں حکومت مخالف مظاہرین کے خلاف طاقت کا استعمال کرنے پر یوکرائن کے خلاف پابندیاں لگانے کی دھمکی دے دی۔

یوکرائن میں حکومت مخالف احتجاج کا سلسلہ جاری ہے، امریکی سینیٹرز نے یوکرائن حکومت کی جانب سے مظاہرین کے خلاف حکومتی طاقت کے استعمال پر سخت موقف اختیار کرتے ہوئے ایک قرارداد کی منظوری دے دی۔

جس میں ویزا پر پابندی اور ذمہ دار افراد کے اثاثے منجمد کرنے کے حوالے سے سخت اقدامات کرنے کو کہا گیا تھا، یوکرائن اور روس پہلے ہی امریکی اقدامات کو روس اور یوکرائن کے اندرونی معاملات میں داخل اندازی کرنے کے مترادف قرار دے چکا ہے۔

یوکرائن میں مظاہروں کا سلسلہ اس وقت شروع ہوا تھا، جب یوکرائن کے صدر وکٹر یانوکووچ نے یورپی یونین کے ساتھ تجارتی معاہدہ کرنے سے انکار کر دیا تھا۔

دنیا بھر میں بے روزگاری کی شرح میں تیزی کے ساتھ اضافہ بڑھ رہا ہے، جس میں اٹلی بے روزگاری کا سینتیس سالہ ریکارڈ توڑتے ہوئے کسی سے پیچھے نہیں رہا۔

اٹلی ایک تحقیقاتی ادراے کی جاری کردہ رپورٹ کے مطابق بے روزگاری کی شرح گزشتہ سال اکتوبر میں بارہ اعشاریہ پانچ تھی، حالیہ سروے کے مطابق بیروزگاری کی شرح ریکارڈ اضافے کے ساتھ بتیس لاکھ سے تجاوز کرچکی ہے جس میں کثیر تعداد میں نوجوان افراد بیروزگار ہیں۔

اٹلی یورو زون کی تیسری بڑی معشیت ہے تاہم ایک دہائی سے ناقص پالیسیوں کے باعث معشیت سست روی کا شکار ہے، اٹلی کی عوام کی جانب سے بیروزگاری میں اضافے کے بعد ملک بھر میں مظاہرے کرنے کا اعلان کیا گیا ہے۔

سابق برطانوی وزیر خارجہ کا کہنا ہے کہ صدر حسن روحانی دنیا میں ایران کا تاثر بہتر بنانے میں کامیاب ہوئے ہیں۔

سابق برطانوی وزیر خارجہ جیک سٹروس نے ایران کے دورے کے دوران حسن روحانی کی کارکردگی کو سراہتے ہوئے کہا کہ حسن کے منتخب ہونے کے بعد امریکہ اور یورپی ممالک میں ایران کا بہتر تاثر اجاگر ہوا ہے۔

ان کا کہنا تھا کہ پر امن مقاصد کے تحت ایران کے جوہری پروگرام کی حمایت کرتے ہیں، وزیر خارجہ جیک سٹروس کی سربراہی میں سفارتی وفد ایران کے دورے پر ہے۔

دورے کا مقصد دونوں ممالک میں باہمی تعلقات کو فروغ دینا ہے، دورے کے دوران برطانوی وفد نے ایران وزیر خارجہ جواد ظریف اور قومی سلامتی کے سربراہ علاؤالدین بروجری سے ملاقات کی۔
    
   

عراق کے شہر فلوجہ اور رامادی میں عسکریت پسندوں کے تسلط خلاف وزیراعظم نوری المالکی نے قبائیلیوں سے اٹھ کھڑے ہونے کی اپیل کی ہے۔

فلوجہ اور رامادی میں عسکریت پسندوں نے سیکورٹی فورسز سے مزاحمت کرتے ہوئےدونوں شہروں کا قبضہ حاصل کرلیا ہے، جس کے بعد پرتشدد کاروائیوں میں سینکڑوں افراد ہلاک ہوئے ہیں۔

وزیراعظم نوری المالکی نے عسکریت پسندوں کو خبردار کرتے ہوئے ہتھیار پھینکنے کی اپیل کی ہے، وزیر اعظم کا کہنا ہے کہ اگر قبائلی عسکریت پسندوں کے خلاف اٹھ کھڑے ہوئے تو فوجی مداخلت نہیں کی جائیگی۔

چند روز میں فلوجہ سے نقل مکانی کرنے والے افراد کی تعداد تیرہ ہزار سے زائد ہوچکی ہے۔

انسان سمندر ہے کے عنوان سے وان گو کی نئی اور متاثرکن پینٹگز اگلے ماہ ساؤتھ بے لندن میں نیلامی کیلئے پیش کردی جائیں گی۔

نیلامی کیلئے نمائش میں رکھی جانے والی ان پینٹنگز کی فروخت سے تیرہ اعشاریہ چودہ ملین امریکی ڈالرز آمدنی متوقع ہے، سائوتھ بے کے ڈائریکٹر سائمن اسٹاک کے مطابق ان پینٹنگز کو دیکھ کر ہر ایک یہی سمجھے گا کہ یہ الہامی ہیں۔

ان پینٹگز میں زیادہ تر جذبات کی عکاسی کی گئی ہے، ان پینٹگز میں سے ایک خاتون کی تصویر ہے، جو بیٹھے بیٹھے سورہی ہے اور اس کی گود میں ایک بچہ بھی سوچکا ہے اس تصویر کو دیکھ کر ایسا محسوس ہوتا ہے کہ یہ کسی کے انتطار میں ہیں۔

پینٹنگز میں ایک ایسے شہر کی بھی منظر کشی کی گئی ہے کہ جس میں لوگوں کو ہجرت کرتے دیکھا جاسکتا ہے، ان تصاویر میں دو چہروں والی خاتون، وائلن بجاتا بکرا اور دیگر نمایاں ہیں، مذکورہ پینٹگز اگلے ماہ فروری کی پانچ اور چھ تاریخ کو سائوتھ بے میں نیلامی کیلئے پیش کی جائیں گی۔