ہر بارکی طرح اس بار بھی لاہورشہر میں بسنت کا تہوار پورے جوش و خروش کے ساتھ منایا جائے گا، لاہور ریلوے حکام کی جانب سے بسنت کے موقع پر خصوصی ٹرینیں چلانے کا فیصلہ کیا گیا ہے۔
اکیس فروری سے پانچ مارچ تک ٹرینوں کو چھانگا مانگا کے اسپیشل اسٹاپ دئیے جائیں گے۔ بسنت کے دنوں میں تمام ٹرینیں 3 سے پانچ منٹ تک چھانگا مانگا ریلوے اسٹیشن پر رکیں گی۔
وزیر اعظم نواز شریف کہتے ہیں توانائی بحران سے نمٹنے کے لئے حکمت عملی پر عمل پیرا ہیں اسلام آباد میں وفاقی کابینہ کے اجلاس کی صدارت کرتے ہوئے وزیر اعظم نواز شریف نے کہا کہ معیشت کی بحالی اولین ترجیح ہے ماضی کی غلط پالیسیوں کی وجہ سے بجلی بحران کا سامناہےوزیر اعظم نے کہا کہ لائن لاسزکم اورترسیل کانظام بہتر بنانے کیلئے اقدامات کررہےہیں۔
وفاقی کابینہ کے خصوصی اجلاس میں بریفنگ دیتے ہوئے وزیر خزانہ نے بتایا کہ پینتالیس اداروں کو اخراجات میں کمی کی ہدایت کی گئی ہے، انہوں نے بتایا کہ ملک میں اسلمی بینکاری کے لئے کمیتی قائم کر دی گئی ہے، جبکہ سماجی شعبے میں مستحق افراد کی امداد کے لئے پچھتر ارب روپے مختص کئے گئے ہیں
خیبرپختونخواہ کے بیشترعلاقے شدیدسردی کی لپیٹ میں ہیں جبکہ آئندہ چوبیس گھنٹوں میں بالائی علاقوں میں سردی کی شدت میں اضافے کاامکان ہے۔
محکمہ موسمیات کے مطابق پشاورمیں درجہ حرارت صفرڈگری سینٹی گریڈ، تیمرگرہ میں صفر، سید وشریف میں منفی ایک ہےدیرمیں منفی تین،کالام میں منفی نو،میرکنی میں منفی ایک سینٹی گریڈ جبکہ دروش میں منفی چھ، کاکول میں منفی تین سینٹی گریڈریکارڈ کیا گیا۔
پہاڑوںپر برف باری کے بعد لوگ خیبرپختونخواہ کے سیاحتی مقامات کارخ کررہے ہیں، دوسری جانب سردی کی شدت میں اضافے سے گیس کا پریشر کم ہونے سے گھریلوصارفین پریشانی کاشکارہیں۔
پاکستان نے سری لنکا کیخلاف پہلے ٹیسٹ کے دوسرے روز بیٹسمینوں کی شاندار پرفارمنس کی بدولت میچ میں اپنی پوزیشن مضبوط کرلی ہے، یونس خان اور کپتان مصباح الحق نے سنچریاں اسکور کیں۔
ابو ظہبی ٹیسٹ کے دوسرے میں پاکستانی بلے بازوں نے کیا کمال۔ قومی ٹیم نے پہلی نامکمل اننگز ایک کھلاڑی آؤٹ چھیالیس رنز پر شروع کی تو محمد حفیظ کی صورت میں پاکستان کو پہلی وکٹ سے ہاتھ دھونا پڑا، احمد شہزاد اڑتیس کے انفرادی اسکور پر پویلین لوٹ گئے۔
تراسی رنز پر تین کھلاڑیوں کے آؤٹ ہوجانے کے بعد تجربہ کار یونس خان نے کپتان مصباح الحق کے ساتھ مل کر ٹیم کو سہارا دیا اور چوتھی وکٹ کے لئے دو سو اٹھارہ رنز جوڑ ے، یونس خان نے کیرئیر کی تیسویں سنچری بناتے ہوئے پاکستان کو سری لنکا پر برتری دلوائی، یونس خان ایک سو چھتیس رنز پر آؤٹ ہوئے۔
دوسری جانب مصباح الحق ڈٹے رہے اور بولر زکا جم کر سامنا کررتے ہوئے کیرئیر کی پانچویں سنچری داغ ڈالی، یونس اور مصباح کے سامنے سری لنکن بولرز بے بسی کی تصویر بنے رہے دوسرے روز کھیل کے اختتام پر مصباح الحق ایک سو پانچ اور اسد شفیق بارہ رنز کے ساتھ کیریز پر موجود ہے، پاکستان کو سری لنکا پر ایک سو تیئس رنز کی برتری حاصل ہے اور اس کی چھ وکٹیں اب بھی باقی ہے۔
گزشتہ دو ہفتوں سے اسلام آباد میں گیس کی لوڈ شیڈنگ کے باعث گزشتہ روز عوام دفعہ ایک سو چوالیس کی خلاف ورزی کرتے ہوئے روڑ پر نکل آئے اور احتجاج کیا، دفعہ ایک سو چوالیس کی خلاف ورزی پر تھانہ آبپارہ نے ایک سو دس مرد و خواتین مظاہرین کیخلاف مقدمہ درج کرلیا۔
دوسری جانب مظاہرین کا کہنا تھا کہ گزشتہ دو ہفتوں سے سیکٹر آئی ٹین، سیکٹر جی ٹین، سیکٹر جی سیون سمیت متعدد علاقوں میں گیس لوڈشیڈنگ جاری ہے اور اسلام آباد کے درجہ حرارت میں مسلسل کمی کے باعث سردی سے بے حال ہوچکے ہیں مظاہرین نے وزیر اعظم نواز شریف اور صدرممنون حسین سے اپیل کی ہے کہ لوڈشیڈنگ کا خاتمہ کیا جائے ۔
صاحبزادہ حامد رضا کا کہنا ہے ربیع الاول میں کوئی ناخوشگوار واقعہ پیش آیا تو مقدمہ وزیر اعلی پنجاب ،وزیر قانون کے خلاف درج کرائیں گے۔
سنی اتحاد کونسل اور مجلس وحدت المسلمین نے اسلام آباد میں مشترکہ پریس کانفرنس کی، چیئرمین سنی اتحاد کونسل صاحبزاد حامد رضا نے الزام عائد کیا کہ فرقہ وارانہ دہشت گردی کی ذمہ داری وزیر قانون پنجاب رانا ثنا اللہ پرعائد ہوتی ہے۔.
فیصل رضا عابدی کاکہناتھا ربیع الاول میں کوئی ناخوشگوار واقعہ ہوا اس کی ذمہ داری پنجاب حکومت پرعائد ہوگی۔
ان کاکہناتھا مذاکرات کانتیجہ طالبان کی شریعت کانفاذ کی صورت میں نکلے گا، فیصل رضا عابدی کاکہنا تھا طالبان سے مذاکرات طالبان کے ذریعے کرائیں جارہے ہیں، فیصل رضا عابدی نے ایم کیوایم ،پیپلز پارٹی اور اےاین پی سے اپیل کی کہ وہ اے پی سی سے باہر آجائیں۔
پاکستان کی ایک سیاسی جماعت نے اپنا نام تبدیل کرکے عام آدمی پارٹی رکھ لیا، الیکشن کمیشن نے ڈاکٹر عبدالقدیر خان کی جماعت تحریک تحفظ پاکستان تحلیل کرنے کی بھی منظوری دے دی۔
پاکستان میں عامی آدمی پارٹی منظرعام پرآگئی۔۔۔مہاجرلیگ نے اپنا تبدیل کرکے عام آدمی پارٹی رکھ لیا، الیکشن کمیشن آف پاکستان نے نئے نام کی منظوری دے دی۔
الیکشن کمیشن نے ڈاکٹر عبدالقدیر خان کی جماعت تحریک تحفظ پاکستان تحلیل کرنے کی بھی منظوری دے دی، ایک جماعت تحلیل ہونے کے باوجود سیاسی جماعتوں کی تعداد کے حوالے سے پاکستان دنیا میں بدستورپہلے نمبرپر ہے۔
اب بھی پاکستان میں رجسٹرڈ سیاسی جماعتوں کی تعداد دو سو اکیاسی ہے، الیکشن کمیشن نے چھ سیاسی جماعتوں کو انتخابی نشانات بھی الاٹ کردیئے ہیں۔
صدر ملکت نے بجلی چوری ختم کرنے کے لئے آرڈیننس منظور کرلیا، خبردار جو اب کسی نے بجلی چوری کرنے کا سوچا بھی اور اگر کوئی بجلی چوری کرتا ہوا پکڑا گیا تو اس کو بھرنا ہوگا دس لاکھ روپے سے ایک کروڑ تک جرمانہ اور اگر جج سخت ہوا تو جیل کی ہوا بھی کھانی پڑ سکتی ہے، جس کی مدت دو سے سات سال رکھی گئی ہے۔
صدر نے مدتوں سے جاری بجلی کی چوری ایک آرڈیننس سے روک دی، اب کوئی چوری نہیں کر سکے گا، لیکن ایک شرط ہے، اس آرڈینسس کا حال پچھلے آرڈیننسوں جیسا نہ ہو اور بجلی کے محکمہ والے بھی انصاف پسند ہو جائیں، نئےسال سے امیدیں تو بہت ہیں، لیکن کیا نیا سال سرکاری حکام کو بھی بدل سکے گا۔
وزیر اطلاعات سندھ شرجیل انعام میمن کا کہنا ہے کہ دہشتگردوں سے برآمدہونےو الا اسلحہ شیعہ اورسنی عالموں کے قتل میں استعمال ہواہے، چیف جسٹس سندھ ہائیکورٹ تاخیر کے شکار مقدمات نمٹانے کے لئے ایکشن لیں۔
کراچی میں پریس کانفرنس سے خطاب میں شرجیل میمن نےکہا کہ ایک ہی طرح کے گینگ نے شیعہ اورسنی علماکاقتل کیا،انہوں نے بتایا کہ غیرقانونی سمزکی تصدیق ہوئی تو انکے اپنےنام پرسات سمیں نکلیں، شرجیل میمن نے کہا کہ حکومت سندھ پولیس کو بلٹ پروف جیکٹس اورہیلمٹ دے رہی ہے۔
انکا کہنا تھا کہ ہائی پروفائل مقدمات نمٹانے کے لئے پرائیوٹ وکیل کی خدمات بھی لی جاسکتی ہیں، وزیراطلاعات نے کہا کہ اشتہاری ملزمان کے سرکی قیمت جلدمقررکی جائیگی،مطلوب دہشتگردوں کی گرفتاری کیلئے اشتہاردیاجائیگا۔
انہوں نے کہا کہ سابق وزیراعلیٰ سندھ ارباب غلام رحیم کے دورمیں چھوڑے گئے قیدیوں کودوبارہ گرفتارکیاجائیگا، انتہائی خطرناک قیدیوں کودوسرے صوبوں کی جیلوں میں منتقل کیاجائیگا۔
شرجیل میمن کا کہنا تھا کہ پیرول پررہاکیے گئے ملزمان کودوبارہ گرفتار کیا جائیگا، ان کا کہنا تھا کہ وہ کسی سیاسی جماعت کانام نہیں لیں گا تاہم 45ملزمان میں سے کئی کاتعلق سیاسی جماعتوں سے ہے۔
وفاقی وزیر داخلہ چوہدری نثار علی خان نے کہاہے کہ فاٹا کے عوام امن چاہتے ہیں اور وفاقی حکومت فاٹا میں امن و امان کے لئے اپنی کوشیش جاری رکھے گی۔
اسلام آباد میں جمعیت علمائے اسلام کے امیر مولانا فضل الرحمان سے ملاقات میں وفاقی وزیر داخلہ کا کہنا تھا کہ حکومت طالبان کے ساتھ مذاکرات سے مسئلے کا حل نکالنا چاہتی ہے۔
چودھری نثار کا کہنا تھاکہ کچھ طالبان مذاکرات عمل کے حق میں نہیں ، حکومت کی کوشش ہے کہ اس ذہنیت کو تبدیل کیاجائے ، وفاقی وزیر داخلہ سے مولانا فضل الرحمان کی ملاقات میں دیگر اہم ملکی امور پر بھی بات چیت کی گئی ۔
