متحدہ عرب امارات میں جونیئر ایشیاء کپ کھیلنے والی پاکستان انڈر نائنٹین کرکٹ ٹیم وطن واپس پہنچ گئ۔ مینیجر علی ضیا کا کہنا تھا کہ روایتی حریف بھارت سےفائنل میچ میں شکست کے بعد خوبیوں اور خامیوں کا پتہ چل گیا ہے۔

لاہور ائیر پورٹ پر میڈیا سے گفتگو کرتے ہوئے پاکستان انڈر نائنٹین کرکٹ ٹیم کےکپتان سمیع اسلم کاکہناتھا کہ ورلڈ کپ کے لیے ٹیم کی کارکردگی بہتر بنانےکےلئےمحنت کرینگے۔

ان کا کہنا تھا کہ ایشیا کپ سے تمام کھلاڑیوں کے مورال اور حوصلے بلند ہوئے ہیں۔ فائنل میں ٹاس جیت کر بھارت کیخلاف پہلے بولنگ کرنے کا فیصلہ کنڈیشن کے حوالےسے ٹھیک تھا۔ فیلڈنگ میں غلطیاں ہوئیں جسے دور کرنے کی ضرورت ہے۔

اس موقع پر ٹیم مینیجر علی ضیا کا کہنا تھا کہ فائنل میں دونوں ٹیمیں مضبوط تھیں اور تمام کھلاڑیوں کی پرفارمنس بھی اچھی رہی۔ انہوں نے کہا کہ ہمارا اصل مقصد ورکڈ کپ میں جیت ہے ایشیاء کپ سے ٹیم کی تیاری ہوئی ہیں

انیس سو چھیاسٹھ کے عالمی کپ میں سب سے زیادہ گول کرنے والے پرتگال کے لیجنڈ فٹبالر یوسیبیو انتقال کرگئے ہیں۔ پرتگالی فٹبالر کا جسد خاکی آخری رسومات کے لئے لسبن کے لوز اسٹیڈیم پہنچا دیا گیا ہے۔ اس موقع پر لیجنڈ فٹبالر کو خراج عقیدت پیش کرنے کے لئے ہزاروں کی تعداد میں مداح اسٹیڈیم میں موجود تھے۔

یوسیبیوکی موت پر اظہار تعزیت کرنے والوں میں مشہور کھلاڑی کرسٹیانو رونالڈو بھی پیش پیش تھے۔ اکہتر سالہ یوسیبیو گزشتہ روز دل کا دورہ پڑنے کے باعث انتقال کرگئے تھے۔ یوسیبیو نے انیس سو چھیاسٹھ کے ورلڈ کپ میں سب سے زیادہ گول کیے تھے۔

انھیں عالمی سطح پر ہر زمانے کے بہترین کھلاڑی میں سے ایک شمار کیا جاتا ہے۔ یوسبیو بلیک پینتھر کے نام سے بھی مشہور تھے۔ انھوں نے سات سو پینتالیس پروفیشنل میچوں میں مجموعی طور پر سات سو تینتیس گول داغے۔ انھیں ان کے بہترین کھیل کے لیے انیس سو پینسٹھ میں بہترین یورپی فٹبالر کے اعزاز سے نوازا گيا تھا۔

آرمی پولو چیمپیئن شپ راولپنڈی زون نے جیت لی، نیزہ بازی کے مقابلے میں گوجرانوالہ کے کیپٹن نعیم فاتح رہے۔ گھوڑا ڈانس اور آرمی بینڈ کی دھنوں نے اختتامی تقریب میں رنگ بھر دیئے، آرمی پولو چیمپیئن شپ کا فائنل راولپنڈی اور پشاور زون کے مابین لاہور گریژن پولو گراؤنڈ میں کھیلا گیا۔

چیف آف آرمی اسٹاف جنرل راحیل شریف فائنل کے مہمان خصوصی تھے۔ فائنل میچ میں دونوں ٹیمیں ایک دوسرے کو زیر کرنے کیلئے سرتوڑ کوششیں کرتی رہیں، آخری چکر میں راولپنڈی زون کے میجر جنرل اسفند یار نے سکور کر کے اپنی ٹیم کو فتح سے ہمکنار کیا اور ٹیم ہاف گول کی برتری سے جیت گئی۔

راولپنڈی زون نے دوسری بار چیمپیئن ہونے کا اعزاز حاصل کیا ہے۔ چیمپین شپ میں منگلا زون تیسری پوزیشن پر رہا۔ نیزہ بازی کے مقابلوں میں گوجرانوالہ زون کے کیپٹین نعیم فاتح رہے ہیں۔

اختتامی تقریب میں چیف آف آرمی اسٹاف جنرل راحیل شریف نے کھلاڑیوں میں انعامات تقسیم کئے۔ اس موقع پر گھوڑ ڈانس اور ملٹری بینڈ کی خوبصورت دھنوں نے تقریب کو چار چاند لگا دیئے۔