کراچی: آئی جی سندھ نے سی ویو پر تیس سے زائد افراد کے ڈوبنے کی تحقیقات کیلئے کمیٹی قائم کردی ہے، ڈی ایس پی اور ایس ایچ او درخشاں کو لاپرواہی برتنے پر معطل کر دیا گیا ہے۔
کراچی کے ساحل سی ویو پر تیس سے زائد افراد کے ڈوبنے پر آئی جی سندھ نے واقعہ کی تحقیقات کیلئے کمیتی قائم کر دی ہے، کمیٹی میں ڈی آئی جی کراچی جنوبی ، ڈی آئی جی شرقی اورایس ایس پی سیکیورٹی شامل ہیں۔
ایڈیشنل آئی جی تحقیقاتی کمیٹی کی سربراہی کریں گے، تحقیقاتی کمیٹی کو ہدایت کی گئی ہے کہ وہ اپنی رپورٹ آئندہ چوبیس گھنٹے میں مکمل کر کے پیش کرے، آئی جی سندھ نے عوامی جانی نقصان پر غفلت برتنے پر درخشاں تھانے کے ڈی ایس پی اور ایس ایچ او کو معطل کر دیا ہے۔
