پاکستان کے شاہد آفریدی ون ڈے میں تیز ترین سینچری کے ریکارڈ سے محروم ہوگئے، نیوزی لینڈ کے کورے اینڈرسن نے ویسٹ انڈیز کے خلاف ون ڈے کی تیز ترین سینچری کا نیا عالمی ریکارڈ بنا ڈالا۔

شاہد آفریدی کی وہ دھواں دھار اننگز جس نے دنیائے کرکٹ میں ان کی منفرد پہنچان بنائی اور وہ بوم بوم کے نام سے مشہور ہوگئے لیکن شاہد آفریدی کا یہ ریکارڈ اب نیوزی لینڈ کے کھلاڑی نے توڑ دیا ہے۔ 

سال دو ہزار چودہ کا پہلا دن اور پہلا نیا عالمی ریکارڈ قائم ہوگیا، نیوزی لینڈ کے کورے اینڈرسن نے سترہ سال بعد ون ڈے کی تیز ترین سینچری کا نیا ریکارڈ بنا ڈالا۔

اینڈرسن نے ویسٹ انڈیز کے خلاف کوئنز ٹاؤن میں کھیلے جانے والے ون ڈے میں چھتیس گیندوں پر سینچری بنائی، اینڈرسن نے چھتیسویں گیند پر چھکا لگا کر شاہد آفریدی کی تیز ترین سینچری کا ریکارڈ توڑا۔

اینڈریسن کی شاندار سینچری بارہ چھکوں اور چار چوکوں سے سجی تھی، شاہد آفریدی نے انیس سو چھیانوے میں نیروبی کے میدان میں سینتیس گیندوں پر ایک روزہ کرکٹ کی تیز ترین سینچری بنائی تھی، آفریدی کی سینچری میں گیارہ چھکے اور چھ چوکے شامل تھے۔
       

     کورے اینڈرسن کی ریکارڈ ساز سینچری اور جیسے رائڈر کی دھواں دھار بیٹنگ کی بدولت نیوزی لینڈ نے ویسٹ انڈیز کو پہلے ون ڈے میں ایک سو انسٹھ رنز سے شکست دے دی۔

کوئنز ٹاؤن میں ویسٹ انڈین کپتان کے ٹاس جیت کر پہلے فیلڈنگ کے فیصلے کی بولرز لاج نہ رکھ سکے، بارش کے سبب میچ اکیس اوورز فی اننگز تک محدود کردیا گیا۔

میزبان ٹیم کے نوجوان لیفٹ ہینڈڈ بیٹسمین کورے اینڈرسن اور جیسے رائڈر نے ویسٹ انڈین بولرز پر جم کر برسے، دونوں کھلاڑیوں نے خوب لاٹھی چارج کیا۔

اینڈرسن نے ون ڈے کی تیز ترین سینچری بنائی، تو دوسری جانب جیسے رائڈر بھی نیوزی لینڈ کی جانب سے تیز ترین سینچری بنانے والے دوسرے بیٹسمین بن گئے۔

اینڈرسن نے چھتیس اور رائڈر نے چھیالیس گیندوں پر سینچریاں بنائیں، جواب میں ویسٹ انڈیز کی ٹیم پہاڑ جیسے ہدف کے آگے مقررہ اوورز میں پانچ وکٹوں پر ایک سو چوبیس رنز ہی بناسکی۔
       

ایشین کرکٹ کونسل انڈر نائنٹین کپ میں پاکستان نے روایتی حریف بھارت کو دو وکٹوں سے شکست دے دی۔

دبئی میں کھیلے جانے والے میچ کا ٹاس بھارت نے جیت کر پہلے بیٹنگ کا فیصلہ کیا، بھارتی بلے بازوں نے اننگز کا پر اعتماد آغاز کیا اور مقررہ پچاس اوورز میں سات وکٹوں پر دو سو پچاس رنز بنائے۔

کرامت علی نے چار کھلاڑیوں کو آؤٹ کیا، جواب میں پاکستان نے مطلوبہ ہدف سمیع اسلم کی شاندار سینچری کی بدولت آخری اوور میں آٹھ  وکٹوں کے نقصان پر حاصل کرلیا، سمیع اسلم نے ایک سو آٹھ رنز کی اننگز کھیلی، کامران غلام نے پچپن رنز بنائے۔

پاکستان نے سری لنکا کیخلاف کے پہلے روز کھیل کے اختتام پر ایک وکٹ کے نقصان پر چھیالیس رنز بنالئے، سری لنکا کی ٹیم پہلی اننگز میں دو سو چار رنز بناکر آؤٹ ہوگئی۔

ابوظہبی ٹیسٹ میں پاکستان نے ٹاس جیت کر فیلڈنگ کا فیصلہ کیا اور دی احمد شہزاد اور بلاول بھٹی نے ٹیسٹ کیپ اور پاکستانی بولرز نے نئی گیند اور نئی وکٹ کا خوب فائدہ اٹھایا۔

سنگاکارا ہو یا جے وردھنے کوئی بھی جنید خان اور بلاول بھٹی کی تیز گیندوں سے نچ نہ سکا، پاکستانی بولر کی تباہ کن بولنگ نے لنکن ٹائیگرز کا شکارکیا لیکن اینجلو میتھوز اپنی ٹیم کے لئے ڈھال بنے اور سری لنکا کو ایک اچھی پوزیشن پر پہنچایا لیکن میتھوز بھی اکیانوے رنز پر ہار گئے۔

جنیدخان اور بلاول بھٹی کی بولنگ کے سامنے لنکن بیٹسمین بے بسی کی تصویر بنے رہے، جودوگر اسپنر سعید اجمل نے دو وکٹیں لے کر ہاتھ صاف کیا اور پوری ٹیم کو دو سو چار رنز ہر آؤٹ کردیا، جنید نے کیرئیر میں چوتھی مرتبہ چار اور ڈیبیو میچ کھیلنے والے بلاول کے حصے میں تین وکٹیں آئیں۔

پاکستان نے اننگز کا آغاز تو محتاط انداز میں کیا لیکن دن کے آخری اوورز میں خرم منظور اور احمد شہزاد کے درمیان غلط فہمی نے خرم منظور کا کام تمام کیا، خرم اکیس رنز بناکر آؤٹ ہوئے، احمد شہزاد پچیس رنز پر ناٹ آؤٹ موجود ہے، پاکستان کو سری لنکا کی برتری ختم کرنے کے لئے مزید ایک سو اٹھاون رنز درکار ہے۔