گوجرانوالہ: پولیس اہلکار بھا ئیوں کی غنڈہ گردی،انکوائری میں پیش ہونے سے روکنے کے لئے خاتون کو اس کے دو بیٹوں سمیت شدید تشدد کا نشانہ بنا ڈالا۔تینوں زخمی حالت میں سول ہسپتال منتقل۔

تھانہ فیروز والہ کے علاقہ اپل جاگیر کے رہائشی بشارت کی دو سال قبل اپنے محلے کے رہائشی پولیس اہلکار بھائیوں شوکت اور عبد الحمید سے گلی بنانے کے تنازع پر جھگڑا ہو گیاجس پر شوکت اور عبدالحمید نے تھانہ فیروز والہ میں بشارت کے خلاف ناجا ئز اسلحہ کا مقدمہ درج کروا دیا،جس کے خلا ف بشارت نے اعلی پولیس افسران کو اس مقدمہ کی انکوا ئری کی درخواست دی۔

ڈی ایس پی راشد سندھو نے انکوائری کرتے ہو ئے مقدمہ کو جھوٹا قرار دیا ور بشارت کو بے گنا ہ قرار دیا۔تین روز قبل ایس پی سول لائن نے جھوٹا مقدمہ درج کراونے اور دھمکیاں دینے پر پولیس اہلکاربھا ئیوں کانسٹیبل شوکت اور عبد الحمیدکو معطل کر دیا اور آج دونوں پارٹیوں کو انکوائری کے لیے اپنے افس بلایا ہوا تھا، کہ راستے میں کانسٹیبل شوکت اور اس کے بھائی عبد الحمید نے اپنے دیگر تین ساتھیوں سے مل کر بشارت اس کی والدہ آمنہ بی بی اور بھائی یعسین کو ڈنڈوں اور کلہاڑیوں سے شدید تشدد کا نشانہ بنا یا ،جس سے تینوں ماں بیٹے شدید زخمی ہو گئے،جنہیں بعد ازں طبی امداد کے لیے سول ہسپتال منتقل کر دیا گیا