چین : فلپائن کے بعد چین میں سمندری طوفان رماسن نے بڑے پیمانے پر تباہی مچادی، سمندری طوفان سے لاکھوں افراد بے گھر اور سو سے زائد افراد ہلاک ہوگئے۔
تیز آندھی کیساتھ سمندر میں اٹھنے والے راماسن طوفان نے فلپائن کے بعد جنوبی چین کو اپنی لپیٹ میں لے لیا، دوسو سولہ کلو میٹر فی گھنٹہ کی رفتار سے آنے والا طوفان چین کے ہینان جزیرے سے ٹکرایا، جس کے نتیجے میں پچاس سے زائد افراد ہلاک اور دو لاکھ سے زائد افراد بے گھر ہوگئے۔
طوفان کے باعث ہونے والی تیز بارش نے شہر کے بجلی اور مواصلاتی نظام کو درہم برہم کر کے رکھ دیا جبکہ پروازوں کا شیڈول بھی بری طرح متاثر ہوا، جس کے باعث سیکڑوں مسافروں کو آمدورفت میں شدید مشکلات کا سامنا ہے، متاثرہ علاقوں میں امدادی کارروائیاں جاری ہیں۔