ایپل انتظامیہ کےمطابق نیا اسمارٹ ائیر ٹوفون پنسل سے زیادہ سلم ہے،یہ آئی پیڈچھ اعشاریہ ایک ملی میٹرموٹا ہے اور آئی پیڈ صارف کے فنگر پرنٹس شناخت کرسکے گااس کےعلاوہ اس میں پہلی بار اینٹی ریفلیکٹیو کوٹنگ استعمال کی گئی ہے جودن کی روشنی میں بھی سکرین کوسہولت سے دیکھنے میں مدد دیتی ہے۔
ائیر ٹو میں آٹھ میگا پکسل کا کیمرا نصب کیا گیا ہے جو سلو موشن ویڈیو بنا سکتا ہے، دلکش فیچرز اور خصوصیات کے باعث اس کی قیمت چارسو ننانوے ڈالرز مقرر کی گئی ہے۔
تھیٹر شو”اون دی ٹاؤن” اورکیسٹرا،ڈانس،گلوکاری اورمزاح سے بھرپور ہے جسے انیس سو چالیس میں عوام میں بے پناہ مقبولیت حاصل ہوئی،تھیٹرشو میں پیش کی جانے والی کہانی محبت کی تلاش میں نکلنے والے سیلرز پرمبنی ہے۔
تھیٹرمیں نمایاں اداکاری کرنے والے سیلر کا کردار انیس انچاس میں بننے والی فلم سے مقبول ہوا،تھیٹر شو میں موسیقی کی بیس دُھنیں شامل کی گئیں جبکہ فنکاروں نے شاندار پرفارمنس،ڈانس اورطنزومزاح پر شائقین سے وصول کی،ستر سال پیش بعد کیے جانے تھیٹر شوکوعوام نے بے پناہ سراہا۔
میڈیا رپورٹس کے مطابق نائیجرین شدت پسند تنظیم بوکو حرام نے دوسو سے زائد طالبات کی رہائی کے بدلے جیل میں قید ساتھیوں کی رہائی کا مطالبہ کررکھا تھا، حکومت نے بوکو حرام کے ساتھ معاہدے کی تصدیق کی ہے تاہم معاہدے کی تفصیلات بتانے سے انکار کردیاہے،حکومتی ترجما ن کا کہنا تھا کہ باغیوں اورحکومت کے درمیان جنگ بندی کا معاہدہ طے پایا ہے اور بوکو حرام نے یقین دلایا ہے کہ وہ اغوا کی گئی طالبات کو چھوڑ دیں گے۔
شاہد آفریدی کافی عرصے سے اپنی بیٹنگ کو لےکر پریشان ہیں،خراب بیٹنگ کے سبب وہ ہمیشہ تنقید کی زد میں رہتے ہیں،گزشتہ دنوں سابق چئیرمین پی سی بی اعجاز بٹ نے بھی انہیں تنقید کا نشانہ بنایا تھا،تاہم شاہد افٓریدی نے ان کی بات کا بلکل برا نہیں مانا۔
بوم بوم افریدی نے اے آر وائی نیوز سے خصوصی بات کرتے ہوئے کہا کہ وہ اعجاز بٹ کے بیان پر کوئی تبصرہ نہیں کرنا چاہتے،ان کا کہنا تھا کہ بیٹنگ کی خامیوں کو دور کرنے کے کیلئے انہوں نے فرسٹ کلاس کرکٹ میں واپسی کا فیصلہ کیا ہے،آفریدی سیزن میں اپنی ڈیپارٹیمنٹل ٹیم کی نمائندگی کریں گے،بوم بوم بطور کپتان کھیلیں گےیا کھلاڑی یہ فیصلہ نہیں ہوا ہے،آفریدی نے آخری مرتبہ ڈومیسٹک کرکٹ دوہزار دس میں کھیلی تھی۔
ویسٹ انڈین پلیئرز ایسوسی ایشن اور بورڈ کے درمیان پیسوں کا تنازعہ شدت اختیار کرگیا ہے،جس نے ویسٹ انڈین ٹیم کو دورہ بھارت ادھورا چھوڑنے پر مجبورکردیا، کرکٹ بورڈ سے مالی معاملات حل نہ ہونے کہ وجہ سے ویسٹ انڈیز ٹیم نے بھارت کے خلاف سیریز کے بقیہ میچز کھیلنے سے انکارکردیا ہے۔
دونوں ٹیموں کے درمیان چوتھا ون ڈے دورے کا آخری میچ ہوگا،ویسٹ انڈیز اور بھارت کے درمیان اب مزید ایک ون ڈے،ایک ٹی ٹوئنٹی اورتین ٹیسٹ میچز اب نہیں ہوں گے۔
ویسٹ انڈیز کے متبادل کے طور پر بی سی سی آئی نے سری لنکن بورڈ سے رابط کیا،جس کا مثبت جواب دیتے ہوئے سری لنکا نے بھارت سے پانچ ون ڈے میچز کھیلنے کی حامی بھرلی۔
کراچی: پیپلز پارٹی کے سربراہ بلاول بھٹو زرداری کو جلسہ گاہ لانے کیلئے بینظیر بھٹو شہید کا خصوصی ٹرک تیار کر لیا گیا۔ بلاول بھٹواس ٹرک پر آئے اور مختصر خطاب میں کہا اپنی والدہ کے نامکمل سفر کو مکمل کرنے جا رہے ہیں۔
بلاول بھٹو زرداری کو جلسہ گاہ لانے کیلئے جو ٹرک تیار کیا گیا ہے یہ وہی ٹرک ہے جس میں سات سال پہلے بے نظیر بھٹو شہید نے جلا وطنی ختم کرکے وطن واپسی پر کراچی ایئرپورٹ سے کارساز تک سفر کیا تھا، اس ٹرک کا نام کاروان جمہوریت رکھا گیا ہے۔
پاکستان پیپلز پارٹی کے سربراہ بلاول بھٹو زرداری نے کہا ہے کہ کل میں مزار قائد پر پہنچ رہا ہوں اور بے نظیر اور نصرت بھٹو کی طرح میں بھی شہیدوں کا وارث بننے جا رہا ہوں اور اس قوم کے حقوق کی جنگ لڑنے والا ہوں, میں نے نظیر بھٹو کے نامکمل مشن کو مکمل کرنے آ رہا ہوں۔
مختصر خطاب میں انہوں نے ایک نظم ’میرا نام بلاول ہے‘بھی سنائی جس میں انہوں نے قوم کو پیغام دیا کہ یہ دھرتی شہیدوں کی ہے اور میں شہیدوں کا وارث ہوں، میں اس دھرتی کا رکھوالا ہوں۔
پیپلزپارٹی کے سربراہ بلاول بھٹو زرداری اٹھارہ اکتوبر کو اپنے سیاسی سفر کا آغاز بھی اسی ٹرک سے کریں گے، بلاول اسی ٹرک پر جلسہ گاہ جائیں گے, وہ تاریخی ٹرک پر ہی جلسے میں جائیں گے اور خطاب بھی اسی ٹرک سے کریں گے، پیپلزپارٹی کے جھنڈے۔ نعروں اور رہنماؤں کی تصاویر سے مزین ٹرک نہ صرف بلٹ پروف بلکہ بم پروف بھی ہے، اس میں سی سی ٹی وی کمیرے بھی نصب ہیں۔
فیصل آباد: پاکستان عوامی تحریک کے سربراہ ڈاکٹر طاہر القادری کا کہنا ہے کہ ڈیل کی خبروں میں کوئی صداقت نہیں، دیت لینی ہوتی تو تیس لاکھ روپے کی پیشکش قبول کرلیتے۔،
ڈاکٹر طاہر القادری کا کہنا تھا کہ دھرنے والے مقام پر پہنچ کر مشاورت ہوگی اور پھر 19 اکتوبر کے لاہور میں جلسے کے بعد آئندہ کی حکمت عملی کا اعلان کیا جائیگا، طاہرالقادری کا کہنا تھا کہ جاوید ہاشمی نے دھرنوں بارے جو الزامات لگائے انہیں اس کا نقصان اٹھانا پڑا ، بے بنیاد لندن پلان کی باتیں کیں اور جاوہد ہاشمی عوام کی نبض نہ سمجھ سکے۔
ان کہنا تھا کہ سب کی امید سے بڑھ کر جلسہ کیا، لوگ کہتےہیں انقلاب مارچ نےلوگوں کی سوچ بدل دی، ڈیل کی خبریں جھوٹی ہیں،دیت لینی ہوتی تو30لاکھ کی پیشکش قبول کرلیتے، میں اس الزام کو مسترد کرتا ہوں، دھرنا کرنااور ختم کرنا ہمارا اپنا فیصلہ ہوگا۔
اسلام آباد: الیکشن کمیشن آف پا کستان نے اپنی رپورٹ میں کہا ہے کہ دوہزار تیرہ کے عام انتخا بات میں ملک بھر میں کم از کم بیس حلقوں میں بھر پور یا جزوی دہاندلی کی گئی ۔
الیکشن کمیشن آف پاکستان نے اپنی رپورٹ میں کہاہے کہ ملک کے بیس حلقوں میں دو ہزار تیرہ کے عام انتخا بات میں منظم یا جزوی دھاندلی ثابت ہوگئی، تسلیم شدہ دھا ندلی زدہ حلقوں میں قومی اسمبلی کے سات، اور صوبائی اسمبلیوں کے تیرہ حلقے شامل ہیں الیکش کمیشن نے بیس میں سے پانچ میں دوبارہ پولنگ اورایک حلقے میں دوبارہ گنتی کا حکم دیا ہے، دھا ندلی کرنے پر جن امیدواروں کو نا اہل قرار دیا گیا ہے ان میں مسلم لیگ نواز کے دیوان عاشق حسین ،پیپلز پا رٹی کے عبدالستار راجپڑ اور آزاد امیدوار چو ہدری یوسف جو بعد ن لیگ کا حصہ بنے شامل ہیں۔
یہ رپورٹ ایسے موقع پر سامنے آئی ہے جب پی ٹی آئی دھا ندلی کیخلاف اسلا م آباد میں دھرنا اور پو رے ملک میں احتجا جی جلسے کر رہی ہے، اب الیکشن منعقد کرانے کے ذمہ دار ادارے کی جانب سے جا ری جا ری رپورٹ پی ٹی آئی کی دہا ندلی کیخلاف تحریک کوجلا بخشنے میں ایندھن کاکم کرے گی وہیں اس بات کا بھی قوی امکان ہے کہ حکمران اسے بھی مٹی پاو تےروٹی کھاو کے آزمودہ نسخے پر عمل کر یں گےاور نئی قانونی مو شگا فیوں کا سہا را لیتے ہو ئے معاملہ التوا میں ڈا لنے اپنی سی بھر پور کو شش کریں گے۔
کراچی : پیپلزپارٹی کے رہنماء خورشید شاہ کا کہنا ہے کہ میرے بیان کو سمجھنے میں غلطی ہوئی، مہاجر لفظ کو گالی نہیں کہا، اگر کسی کی دل آزاری ہوئی ہے تو معافی مانگتا ہوں۔
ایم کیو ایم کی رابطہ کمیٹی نے لفظ مہاجر کو گالی قرار دینے کی مذمت کی ، رابطہ کمیٹی نے پریس کانفرنس کرتے ہوئے پیپلزپارٹی کے رہنماء خورشید شاہ سے الفاظ واپس لینے کا مطالبہ کیا تھا۔
ابھی یہ پریس کانفرنس جاری ہی تھی کہ خورشید شاہ نے موقع کی نزاکت کا احساس کرتے ہوئے کہاکہ اگر کسی کو ان کے الفاظ سے تکلیف ہوئی ہے تو وہ معافی چاہتے ہیں۔
ان کا کہنا تھا کہ حضرت محمد ﷺ مکہ سے ہجرت کر کے مدینہ آئے تو بعد میں کافی سارے مہاجرین مدینہ میں ہی آباد ہوئے اس لئے مہاجر نہیں رہے تھے، لیکن پھر بھی سندھ قوم میں سب سے پرانا مہاجر تو میں خود ہوں کیونکہ میرے آباءو اجداد بھی عرب سے ہجرت کر کے آئے تھے۔
رابطہ کمیٹی تک خورشید شاہ کی معافی پہنچی تو حیدرعباس رضوی کاکہنا تھاکہ شاہ صاحب آپ اپنے اجداد کی عزت تو رکھ لیں،اور اگر مگر سےبات نہیں بنے گی معافی مانگنی ہے تو سیدھی طرح سے اپنے الفاظ واپس لے کر معافی مانگ لیں۔
مند: پاک ایران سرحدی علاقےمند میں ایرانی فورسز کی فائرنگ سے ایف سی کا ایک صوبیدار شہید جبکہ تین اہلکار زخمی ہوگئے۔
ترجمان ایف سی کے مطابق ایرانی فورسز نے سرحدی حدود کی خلاف ورزی کرتے ہوئےچھ گھنٹےبلا اشتعال فائرنگ کی، ایرانی فورسزکی فائرنگ سے ایف سی کی گاڑی مکمل طور تباہ ہوگئی ۔۔ترجمان ایف سی کے مطابق ایف سی اہکار چوکاب میں شرپسندوں کا تعاقب کر رہے تھے ،آئی جی ایف سی نے واقعےکی مذمت کرتے ہوئے کہا ہے کہ ایرانی جارحیت کا بھرپور جواب دینے کی صلاحیت رکھتے ہیں۔
