پاکستان کرکٹ بورڈ کے چیئرمین اور انتخابات کے حوالے سے اسلام آباد ہائی کورٹ اپنا فیصلہ محفوظ کرچکی ہے اور آئندہ چند روز میں کوئی بھی حیران کن فیصلہ سامنا آسکتا ہے۔
قانونی ماہرین کے مطابق اسلام آباد ہائی کورٹ پی سی بی کے سابق چیئرمین چوہدری محمد ذ کاء اشرف کو بحال کر سکتی ہے یا پھر پی سی بی کے انتخابات کا حکم نامہ بھی جاری ہسکتا ہے، دونوں صورتوں میں نجم سیٹھی کا پی سی بی چیئرمین کی حیثیت سے مستقبل تاریک نظر آرہا ہے۔
راولپنڈی کے علاقے ڈھوک سیداں میں موٹرسائیکل پر سوار دہشت گردوں کی فائرنگ سے امام بارگاہ کے باہر ڈیوٹی پر مامور دو پولیس اہلکار جاں بحق جبکہ ایک پولیس اہلکار اور ایک راہ گیر شدید زخمی ہوگیا۔
راولپنڈی کے علاقے ڈھوک سیداں میں واقع امام بارگاہ قصر شبیر کے باہر پولیس اہلکار سیکیورٹی پر معمور تھے کہ موٹر سائیکل سوار نامعلوم افراد نے ان پر فائرنگ کر دی، فائرنگ کے نتیجے میں دو پولیس اہلکار جاں بحق جبکہ ایک اہلکار اور راہگیر زخمی ہوگیا۔
آر پی او عمر اختر لالیکا نے اے آر وائی نیور سے بات کرتے ہوئے بتایا کہ سکیورٹی خدشات کے پیش نظر پولیس کے چار جوان امام بارگا ہ کے باہر ڈیوٹی پر معمور تھے، جن پر فائرنگ کی گئی، جاں بحق ہونے والوں میں پولیس کانسٹیبل عمران اور ظہیر عباس شامل ہیں، واقعے کے بعد جڑواں شہروں میں سکیورٹی ہائی الرٹ کر دی گئی۔
سابق صدر پرویز مشرف کے فارم ہاؤس کے قریب سے آج پھر دھماکا خیز مواد اور پانچ راکٹ برآمد ہوئے، جسے بم ڈسپوزل اسکواڈ نے ناکارہ بنادیا۔
پولیس کے مطابق اسلام آباد کے چک شہزاد میں سابق صدر پرویزمشرف کے فارم ہاؤس کے قریب پارک روڈ کے گرین بیلٹ سے بارودی مواد کے پانچ پیکٹ برآمد ہوئے، پولیس نے فوری طور پر بم ڈسپوزل اسکواڈ کو طلب کرلیا اور بارودی مواد کو ناکارہ بنایا گیا۔
اس واقعے کے بعد پرویز مشرف کے فارم ہاؤس کی سیکیورٹی مزید سخت کردی گئی ہے، اس سے قبل بھی پرویز مشرف کے فارم ہاؤس کے اطراف سے متعدد بار دھماکا خیز مواد برآمد ہوچکا ہے۔
بلدیاتی انتخابات کے حوالے سے سندھ ہائیکورٹ کے فیصلے پر ردعمل سامنے آنا شروع ہوگیا، قائم علی شاہ کا کہنا ہے کہ وکلاء سے مشاورت کےبعد فیصلے کو چیلنج کریں گے جبکہ ایڈووکیٹ جنرل سندھ نے انتخابات ملتوی ہونے کا عندیہ دے دیا۔
سندھ ہائیکورٹ کے لوکل ایکٹ گورنمنٹ ایکٹ سے متعلق فیصلے پرسندھ حکومت اور اپوزیشن جماعتوں کا ردعمل سامنے آگیا، سکھرایئرپورٹ پر صحافیوں سے گفتگو کرتے ہوئے وزیراعلی سندھ قائم علی شاہ نے کہا کہ تفصیلی فیصلہ آنے کے بعد وکلاء سے مشاورت کے بعد سپریم کورٹ سے رجو ع کریں گے، الیکشن ملتوی نہیں ہوں گے تاریخ میں توسیع کا امکان ہے۔
دوسری جانب متحدہ وقومی موومنٹ سمیت دیگر اپوزیشن سیاسی و سماجی جماعتوں نے فیصلے پر خوشی اور اطمینان کا اظہارکیا ہے، ایم کیو ایم کے وکیل بیرسٹرفروغ نسیم نے فیصلے کے بعد صحافیوں سے گفتگو کرتے ہوئے کہا کہ عدالت نے من پسند حد بندیاں کالعدم قرار دی دیں اور عدالت نے حکم دیاہے کہ پرانی حدبندیوں کے تحت انتخابات اٹھارہ جنوری کو ہی کرائے جائیں، شکار پور میں فنکشنل لیگ کے رہنما امیتازشیخ نے کہا کہ عدالتی فیصلے کو تسلیم کرتے ہیں، پیپلزپارٹی کو فرارکا راستہ نہیں دیں گے۔
وزیراطلاعات سندھ شرجیل میمن نے سکھر ایئرپورٹ پر میڈیا سے بات چیت کرتے ہوئے کہا کہ قانون بنانا اور اس میں ترامیم ارکان اسمبلی کا حق ہے، سندھ ہائی کورٹ کا تفصیلی فیصلہ آنے کے بعد حکمت عملی طے کریں گے، بلدیاتی انتخابات اٹھارہ جنوری کو کرانا ناممکن ہوگئے۔
شرجیل میمن کا کہنا ہے کہ بلدیاتی الیکشن پر سندھ ہائی کورٹ کے فیصلے کے خلاف سپریم کورٹ سے رجوع کریں گے، قائم علی شاہ سندھ ہائی کورٹ کا تفصیلی فیصلہ آنے کے بعد وزیراعلی سینئر وکلا پینل سے مشورہ کریں گے۔ سندھ کے بلدیاتی الیکشن ملتوی تو نہیں ہوں گے، تاہم تاریخ میں توسیع ہوسکتی ہے۔
سندھ ہائی کورٹ کے فیصلے کے بعد الیکشن کمیشن نے بلدیاتی انتخابات کے حوالے سے اہم اجلاس کل طلب کرلیا، پرنٹنگ کارپوریشن نے سندھ کے لئے بیلٹ پیپرزکی طباعت کے لئے پندرہ دن کی مہلت مانگ لی۔
بلدیاتی انتخابات کے حوالے سندھ ہائی کورٹ کے فیصلے کی بعد کی صورت حال اور تیاریوں کا جائزہ لینے کے لئے الیکشن کمیشن نے کل اہم اجلاس طلب کرلیا، اجلاس میں سندھ میں انتخابات کے مقررہ تاریخ اور نئی حدبندیوں کے تحت جمع کرائے گئے نامزدگی فارم سے متعلق امور پر بات چیت ہوگی۔
اجلاس میں خیبر پختونخوا میں بائیو میٹرک سسٹم متعارف کرانے نکے فیصلے سمیت پنجاب کیلئے بیلٹ پیپرز کی چھپائی اور دیگرانتظامی امور کا بھی تفصیلی جائزہ لیا جائے گا، دوسری جانب پرنٹنگ کارپوریشن نے اٹھارہ جنوری تک سندھ کے لئے بیلٹ پیپرزکی طباعت سے معذوری ظاہر کرتے ہوئے مزید پندرہ دن کا وقت مانگ لیا ہے۔
ٹی ٹوئنٹی اور ون ڈے سیریز میں دلچسپ مقابلوں کے بعد پاکستان اور سری لنکا کی ٹیمیں طویل دورانیئے کی کرکٹ میں ٹکرائیں گی۔ ٹی ٹوئنٹی سیریز ڈرا رہی جبکہ ون ڈے میں پاکستان نے میدان مارا۔ یو اے ای کی وکٹوں پر اسپنرز کا کرداراہم ہوگا۔ پاکستانی ٹیم آف اسپنر سعید اجمل پر انحصار کرے گا۔.
ادھرسری لنکن ٹیم بیٹنگ میں پاکستان کے لئے مشکلات کھڑی کرسکتے ہیں۔ سری لنکا کے پاس مہیلا جے وردھنے اور سنگاکارا جیسے دنیا کے بہترین بیٹسمین موجود ہیں جو اسپنرز کو بھرپور مہارت سے کھیلنے کی صلاحیت رکھتے ہیں۔
قومی ٹیم جولائی دوہزار بارہ کے بعد سری لنکا کے خلاف ٹیسٹ میچ میں مدمقابل آرہی ہے۔ پاکستان کو گزشتہ سال دورہ سری لنکا میں تین میچز کی ٹیسٹ سیریز میں ایک صفر سے ناکامی کا سامنا کرنا پڑا تھا۔ دونوں ممالک کے درمیان مجموعی طور پر تینتالیس ٹیسٹ کھیلے گئے ہیں، پاکستان سولہ اور سری لنکا دس میں سرخرو رہا
کراچی میں پولیس نے کاروائی کرتے ہوئے دو ٹارگٹ کلرز گرفتار کرلئے، دوسری جانب رینجرز نے تین اغوا کاروں کو گرفتار کرکے مغوی بازیاب کرا لیا۔
جرائم کے خاتمے کے لئے پولیس اور رینجرز کی کوششیں جاری ہیں، شارع نور جہاں پولیس کی کاروائی میں دو ٹارگٹ کلرز گرفتار ہوئے، جن سے اسلحہ برآمد ہوا، پولیس کے مطابق ملزمان کا تعلق سیاسی جماعت سے ہے،
لیاری کے علاقے گلستان کالونی میں رینجرز نے کاروائی کرتے ہوئے تین اغوا کاروں کو گرفتار کرکے مغوی کو بازیاب کرالیا، ملزمان کا تعلق لیاری گینگ وارسے ہے، مغوی شادمان ٹاؤن میں بیکری کا مالک ہے۔
ملک بھرمیں شدید سردی کی لہر جاری ہےکوئٹہ میں درجہ حرارت منفی بارہ ہوجانے سےلائنوں میں پانی جم گیا جبکہ کراچی میں درجہ حرارت چار سینٹی گریڈ رہنے کا امکان ہے، شمالی وزیرستان میں پانچ سال بعد پہلی برفباری ہوئی۔
ملک کے مختلف شہروں میں شدید سردی کی لہر جاری ہے، کوئٹہ سمیت بلوچستان میں سردی کی شدت میں اضافہ ہوگیا کوئٹہ میں درجہ حرارت منفی بارہ اور قلات میں منفی پندرہ ریکارڈ کیا گیا کوئٹہ میں سردی کی شدت کے باعث پانی کی لائنوں اور ٹنکیوں میں پانی برف بن گیا، سردی سے بچنے کے لئے شہری الاؤ تاپ رہے ہیں تو کچھ لوگ اس سردی کو انجوائے کرنے فوڈ اسٹریٹ پہنچے ہوئے ہیں۔
شہریوں کا کہنا ہے شدید سردی میں گرما گرم کھانوں کا لطف ہی الگ ہے، کوئٹہ کی یخ بستہ ہواؤں نے کراچی سمیت سندھ کے متعدد شہروں کو اپنی لپیٹ میں لے رکھا ہے، کراچی میں آج درجہ حرارت چار سینٹی گریڈ رہنے کا امکان ہے، شمالی وزیرستان کا رخ کریں تو پانچ سال بعد پہلی بار برف باری نے لوگوں کے چہرے خوشی سے کھلا دیئے۔
خیبر پختونخوا میں بالائی علاقوں میں پہاڑوں پر برف باری جاری ہے، محکمہ موسمیات کے مطابق شمالی بلوچستان سمیت ملک کے بالائی علاقے آئندہ چند روز تک شدید سردی کی لپیٹ میں رہیں گے جبکہ آج پنجاب، مالاکنڈ، پشاور ڈویژن میں چند مقامات پر ہلکی بارش اور گلگت بلتستان میں برف باری کا امکان ہے۔
دنیا بھر میں نئے کے استقبال کی تیاریاں مکمل کرلی گئی ہیں، تمام ممالک کے لوگ اپنی اپنی روایات کے مطابق نئے سال کو خوش آمدید کہیں گے۔
دنیا بھر میں نئے سال کے جشن کی تیاریاں آخری مراحل میں ہیں، امریکی ریاست نیویارک میں نئے سال کوخوش آمدید کہنے لوگ ٹائمز اسکوئر پر پہنچ گئے ہیں، شدید سردی میں ہزاروں لوگوں نے سال نو کی تیاریوں کی پریکٹس اسپائڈر مین کے ساتھ کی۔
سال نو کے استقبال کیلئے ٹائمز اسکوئر پر نصب کیا گیا ایل ای ڈی لائٹوں سے سجا کرسٹل بال جسکو اکتیس دسمبر پر روشن کیا جائیگا، ڈھائی ہزار سے زائد ایل ای ڈی لائٹوں سے بنی کرسٹل بال کی رونمائی کی تقریب میں لاکھوں افراد شرکت کرینگے۔
برازیل کے شہر ریو ڈی جنیرو میں نئے سال کی آمد کے موقع پر ہزاروں افراد ساحل سمندر پر پہنچ گئے، جہاں پرستش کرنے کا خصوصی انتظام کیا گیا ہے۔
