حضرت امام حسین رضی اللہ عنہ اور شہدائے کربلا کے چہلم کے موقع پر پنجاب اورخیبرپختونخوا میں سیکورٹی کے سخت انتظامات کیے جا رہے ہیں۔

حضرت امام حسین کے چہلم، داتا گنج بخش کے عرس اور کرسمس کے موقع پر لاہور سمیت پنجاب بھر میں امن و امان کا جائزہ لینے کیلئے وزیراعلی شہباز شریف کی صدارت میں اعلی سطح کا اجلاس ہوا۔

سیکرٹری داخلہ اور انسپکٹر جنرل پولیس نے وزیراعلی کو سکیورٹی انتظامات کے حوالے سے بریفنگ دی، اجلاس کے شرکاء سے خطاب میں وزیراعلی شہباز شریف کا کہنا تھا کہ عوام کے جان و مال کے تحفظ کیلئے تمام وسائل بروئے کار لائے جائیں۔ اشتعال انگیز تقاریر اورلاﺅڈ اسپیکر پر پابندی کے قانون پر ہر صورت عملدرآمد کرایا جائے

چہلم کے موقع پر ملتان میں سیکورٹی پلان کو حتمی شکل دے دی گئی ہے، ترجمان ملتان پولیس کے مطابق مرکزی جلوس کی گزرگاہوں پر سی سی ٹی وی کیمرے نصب کر دیئے گئے ہیں، موٹرسائیکل کی ڈبل سواری پر پابندی ہو گی اور دفعہ ایک سو چوالیس نافذ رہے گی۔

حالات کے پیش نظر موبائل فون سروس بند کی جا سکتی ہے، پشاورمیں محکمہ داخلہ میں چہلم امام حسین کے جلوسوں اور مجالس کی سیکیورٹی کے لیے کیے گئے اقدامات پرغور کیا گیا، اجلاس میں دیگر اقدامات کے علاوہ اسلحہ فیکٹری اور اسلحہ ڈیلرز کی دکانیں بھی بند رکھنے کا فیصلہ کیا گیا۔

عدالت عالیہ نے ا سٹیبلشمنٹ ڈویژن سے جاری کردہ 18دسمبر کے نوٹیفکیشن کو معطل کردیا ہے۔ اسلام آباد ہائی کورٹ میں اکاؤٹنٹ جنرل طاہر محمود نے اپنی بر طرفی کو چیلیجز کیا ۔

طاہر محمود کے وکیل اورنگزیب ایڈووکیٹ نے عدالت میں موقف اختیار کیا کہ قواعد و ضوابط کے خلاف جنرل طاہر محمود کو معطل کیاگیا۔ قانون کے مطابق اسٹیبلشمنٹ اکاؤٹنٹ جنرل اکیس گریڈ کے آفیسر ہیں انھیں معطل نہیں کیاجاسکتا ۔

اکاؤنٹنٹ جنرل کیخلاف اسٹیبلشمنٹ ڈویژن نے اگر کارروائی کرنی ہے توآڈیٹر جنرل کے ذریعے کارروائی کی جاسکتی ہے ۔ عدالت نے د لائل سننے کے بعد سکیریٹری اسٹیبلشمنٹ ڈوبژن ، سکیر یٹری فنانس اور ایڈیٹر جنرل کو نوٹس جاری کرتے ہوئے 15دن میں جواب طلب کر لیا ۔