لبنان کے دارالحکومت بیروت میں ہونے والے دھماکے میں سابق وزیر محمد شطح سمیت چار افراد ہلاک ہو گئے، غیرملکی خبرایجنسی کے مطابق دھماکہ پارلیمنٹ کی عمارت سے چند سو کلومیٹر کے فاصلے پر ہوا۔جس کے بعد پورے علاقے میں دھوئیں کے گہرے بادل چھا گئے۔
لاشوں اور زخمیوں کو اسپتال منتقل کردیا گیا، کسی تنظیم نے واقعےکی ذمہ داری قبول نہیں کی، دھماکے میں سابق وزیراعظم سعد الحریری کے مشیر اور حزب اختلاف کے رہنما محمدشطح بھی ہلاک ہو گئے۔ پولیس نے واقعے کی تحقیقات شروع کردیں۔
بلاول بینظیر بھٹو شہید کی چھٹی برسی پر اپنی تقریرمیں دہشت گردی کے حوالے سے پہلی بار پارٹی کی پالیسی کو کھُل کربیان کیا ۔ اُن کا کہنا تھا کہ دہشت گرد اگر ریاست کی شرائظ نہ مانیں تواُن سے مذاکرات نہ کیئے جائے۔
بلاول بھٹو زرداری نے اپنی تقریرمیں دہشت گردی سے متعلق پارٹی پالیسی کو واضع کرتے ہوئے کہا کہ پیپلزپارٹی اُس وقت تک دہشت گردوں سے بات چیت کی حمایت نہیں کرے گی جب تک وہ ہتھیار نہیں پھینکتے اور آئین کو تسلیم نہیں کرتے ۔
دہشت گردی ڈروں حملوں کا نتیجہ نہیں اُنہوں نے عمران خان کی دہشت گردی کے حوالے سےپالیسی پراُنہیں بھی شدید تنقید کا نشانہ بنایا، اُنہوں نے اپنی تقریر میں نوازشریف کو بھی آڑے ہاتھوں لیا۔
دہشت گردوں کے بارے میں اُن کا کہناتھا، دہشتگرد ملک بدنام کررہے ہیں ۔ عوام ان کیخلاف جہاد کرینگے پاکستان جنگ کیلئے تیار ہے دہشت گردوں کیخلاف جنگ میں پیپلزپارٹی کے تعاون کے بارے میں اُنہوں نے کہا ہمارے قدم پیچھے نیں ہٹیں گے، زرداری نے بچے خطرے میں ڈال یئے بلاول بھٹو نے اپنی تقریر کا اختتام ایک انقلابی نظم پر کیا جس خلاصہ ظلم اور فرسودہ رواجوں سے بغاوت تھا۔
پنجاب میں بلدیاتی انتخابات کے لیے کا غذات نامزدگی جمع کرانے کے لیے الیکشن کمیشن نے وقت میں رات بار ہ بجے تک توسیع کردی ہے، کاغذات نامدگی جمع کرائے جانے کے شیڈول کے مطابق بلدیاتی انتخابات کے لیے بائیس دسمبر سے ستائیس دسمبر کو شام چاربجے تک کاغذات نامزدگی جمع کروائے جانے کا شیڈول دیا گیا تھا۔
تاہم الیکشن کمیشن نے آج کاغذات نامزدگی جمع کرائے جانے کے وقت میں مزید آٹھ گھنٹے کی توسیع کردی ہے جس کے تحت امیدوار آج رات بارہ بجے تک کاغذات نامزدگی جمع کرواسکتے ہیں، ذرائع کے مطابق وقت میں توسیع کا مقصد زیادہ سے زیادہ امیدواروں کو کاغذات نامزدگی جمع کرانے کا موقع فراہم کرنا ہے۔
لاہور ہائیکورٹ نے بلدیاتی انتخابات رکوانے کیلئے دائر درخواست پر اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے 30 دسمبر کو معاونت کیلئے طلب کر لیا ہے۔
جسٹس سید منصورعلی شاہ کی سربراہی میں 3 رکنی بنچ نے بلدیاتی انتخابات رکوانے کیلئے دائر درخواست اور حلقہ بندیوں کیخلاف اپیلوں کی سماعت کی۔ درخواست گزار کی جانب سے عدالت کو بتایا گیا کہ حلقہ بندیوں اور دیگر معاملات پر مختلف اپیلیں عدالتوں میں زیر سماعت ہیں، ان کے فیصلے تک بلدیاتی انتخابات روکے جائیں۔
درخواست گزار کے مطابق الیکشن شیڈول کے اعلان کے بعد حلقہ بندیوں میں ترمیم نہیں کی جا سکتی۔ عدالت نے الیکشن کمشن سے وضاحت طلب کی کہ شیڈول کے اعلان سے پہلے حلقہ بندیوں کے معاملے پرغورکیا گیا یا نہیں۔ اس معاملے پرعدالت نے اٹارنی جنرل اورایڈووکیٹ جنرل پنجاب کو 30 دسمبرکو معاونت کیلئے طلب کرلیا۔
(محمد صلاح الدین)
ٹیکسٹائل کی دنیامیں سب سے بڑی سالانہ نمائش ”ہیم ٹیکسٹائل‘ میں پاکستان ایک فہرست شرکت کنندہ ملک بن گیا ہے،بین الاقوامی نمائش میں پاکستانی ٹیکسٹائل ایکسپورٹرز کے لیئے کامیابی کے امکانات روشن۔
پاکستان میں فرینکفرٹ کے نمائندے اور ڈائریکٹرحاجی صلاح الدین نے اے آر وائی نیوزسے خصوصی گفتگوکرتے ہوئے بتایا کہ جرمنی کے شہرفرینک فرٹ میں چارروزہ ہیم ٹیکسٹائل ایکسپو 2014 کاآغازآٹھ جنوری سے ہوگا جس میں پاکستان کی222 کمپنیاں شرکت کررہی ہیں جس میں ایکسپورٹر، مینوفیکچررز، ریٹیلرز اور ڈیزائنرز کے علاوہ ہوم ٹیکسٹائل، ٹاولز سمیت دیگرٹیکسٹائل مصنوعات کے بڑے مینوفیکچررز شامل ہیں۔انہوں نے بتایاکہ 2013 میں ہونیوالی ہیم ٹیکس ایکسپو میں 62 ممالک کی 2158 کمپنیوں نے شرکت کی جبکہ129 ممالک کے 66ہزار وزٹرز نے تجارتی وبرآمدی معاہدوں کیلیے اس نمائش کا دورہ کیا۔حاجی صلاح الدین نے بتایا کہ ہیم ٹیکس ایکسپو میں ٹی ڈی اے پی نے پاکستان کا ایک علیحدہ پویلین قائم کیاجائے گا اور ٹی ڈی اے پی 45 پاکستانی ٹیکسٹائل کمپنیوں کے ساتھ نمائش میں حصہ لے رہی ہے۔انہوں نے بتایا کہ ہیم ٹیکسٹائل ایکسپو2014 کے تمام اسٹالز پہلے ہی بک ہوچکے ہیں۔انہوں نے توقع ظاہر کی کہ نمائش پاکستانی ٹیکسٹائل کی مصنوعات کے معاہدوں اور ایکسپورٹرکوبڑی تعداد میں برآمدی آرڈرزملنے کے حوالے سے انتہائی کامیاب ثابت ہوگی۔دوسری جانب پاکستان کویورپی یونین میں جی یس پی پلس کادرجہ ملنے کے بعدیکم جنوری 2014سے پاکستا ن کی 3500سے زائدمصنوعات کویورپ کے 27ممالک میں ڈیوٹی فری رسائی مل جائے گی لیکن اس سہولت کے لیئے پاکستان کو26عالمی کنونشنزکی پاسداری کرناہوگی۔
حکومت نے سابق صدر پرویزمشرف کی علیل والدہ کو لانے کے لئے خصوصی طیارہ فراہم کرنے کی پیشکش کر دی۔
وفاقی وزیر اطلاعات پرویز رشید نے کہا ہے کہ وزیراعظم کی جانب سے یہ پیشکش انسانی ہمدردی کے تقاضے کے تحت کی ہے، پرویز مشرف کی والدہ کو لانے کے لئے ایئرایمبولینس بھیجنے کو تیار ہیں۔
انھوں نے کہا کہ حکومت پاکستان سابق صدر کی والدہ کےعلاج کے لئے تمام سہولتیں فراہم کریگی، ان کی والدہ اپنے بیٹے کے ساتھ رہ سکتی ہیں، وزیراطلاعات کا کہنا تھا کہ مشرف کے مستقبل کا فیصلہ پاکستان کی آزاد عدلیہ کرے گی۔
پاکستان کرکٹ بورڈ نے قطر انٹرنیشنل ویمنزکرکٹ چیمپئین شپ کے لئے چودہ رکنی قومی خواتین کرکٹ ٹیم کا اعلان کردیا ہے۔ پاکستان، جنوبی افریقہ اور آئرلینڈ پر مشتممل چیمپئین شپ آٹھ سے پچیس جنوری پر دوہا میں ہو گی۔
ثنا میر کو قومی ٹیم کا کپتان اور بسما معروف کو نائب کپتان برقرار رکھا گیا ہے۔ دیگر کھلاڑیوں میں سیدہ نین فاطمہ عابدی، ندا راشد، جویریہ ودود، ناہیدہ بی بی، سدرہ امین، سیدہ بطول فاطمہ نقوی، اسماویہ اقبال، کانیتا جلیل، سمعیہ صدیقی، سعدیہ یوسف، مرینہ اقبال اور ثانیہ اقبال شامل ہیں۔
عائشہ عشرمینیجر، مہتشم رشید کوچ، ابرار احمد ٹرینر، نمرہ ڈوالفقار فزیو اور ساجد یاسین ہاشمی ویڈیو اینالسٹ ہوں گے۔
الیکشن کمیشن خیبر پختونخوا میں ووٹنگ کے لئے بائیو میٹرک نظام کا تجربہ کل کرے گا، تجربہ کامیاب ہونے پر صوبے میں بلدیاتی انتخابات کے لیے بائیو میٹرک نظام استعمال کیا جائے گا۔
خیبر پختون خوا میں بلدیاتی الیکشن میں حق رائے دہی کے استعمال کے لئے بائیو میٹرک نظام کا تجربہ کیا جائے گا، الیکشن کمیشن کے مطابق تجربہ کامیاب ہونے پر صوبے میں ہونے والے بلدیاتی انتخابات کے لیے بائیو میٹرک نظام استعمال کیا جائے گا۔
بائیو میٹرک سسٹم کے ذریعے کے پی کے کی دو ویلج کونسل بودھائی اور سربی لینڈ پورہ میں نمائشی پولنگ ہوگی، الیکشن کمیشن کے مطابق نمائشی پولنگ کے لیے صبح آٹھ سے چار بجے کا وقت رکھا گیا ہے، چیف الیکشن کمشنر کے علاوہ صوبائی الیکشن کمشنر بھی نمائشی عمل کا جائزہ لیں گے۔
پاکستان ریلوے نے نجی کمپنی کے نادہندہ ہونے پر بزنس ٹرین واپس لینے کا فیصلہ کرلیا، ریلوے بزنس ٹرین کا نام تبدیل کرکے اس کا انتظام خود سنبھالے گی۔
پاکستان ریلوے کے مطابق بزنس ٹرین کی انتظامیہ پچاس کروڑ روپے سے زائد کی نادہندہ ہے، واجبات میں اس حد تک اضافے کے بعد ریلوے نے نجی کمپنی کے ساتھ معاہدہ ختم کرنے کا فیصلہ کرلیا ہے۔
بزنس ٹرین کی انتظامیہ نجی کمپنی ریلوے کو روزانہ معاوضہ دینے کی پابند تھی لیکن وہ ایسا نہ کرسکی، جس کے باعث واجب الادا رقم پچاس کروڑ روپے سے زائد ہو گئی ہے۔
ذرائع کے مطابق نئے سال سے بزنس ٹرین کا کنٹرول ریلوے انتظامیہ سنبھال لے گی اور ٹرین کا نام بھی تبدیل کردیا جائے گا، بزنس ٹرین کا ٹھیکہ نجی کمپنی کو پیپلزپارٹی کے دور میں دیا گیا تھا۔
پی آئی اے کی لندن سے آنے والی پرواز بالاخر تین دن بعد لاہور پہنچ گئی، پرواز کی تاخیر سے کسی کا رشتہ ٹوٹ گیا تو کسی کا جنازہ چھوٹ گیا، باکمال لوگوں نے مسافروں کی چیخیں نکلوادیں۔
لاجواب سروس کی دعویدار پی آئی اے نے مسافروں کو رُلا دیا، شادیوں کا بندھن جڑتے جڑتے رہ گیا، چہروں کی خوشیاں ماند پڑگئیں اور کوئی جاں بحق ہونے والے اپنوں کا آخری دیدار بھی نہ کرسکا۔
لندن سے آنے والی پرواز پی کے 758 باون گھنٹے کی تاخیر کے بالاخر لاہور پہنچ گئی، لندن میں پی آئی اے کے طیارے کے کنٹرول پینل میں خرابی تین دن ٹھیک نہ ہوسکی، جس سے جہاز کے تین سو بیس مسافروں کو شدید ذہنی اذیت کا سامنا کرنا پڑا۔
مسافروں نے معاملے کی تحقیقات کا مطالبہ کردیا ہے، پی آئی اے حکام کا موقف ہے کہ کرسمس کی چھٹیوں کے باعث تاخیر کا ملبہ قومی ائیرلائن پر پڑگیا۔
