ہیملٹن ٹیسٹ میں ویسٹ انڈیز کی ٹیم نے دوسری اننگز میں ہتھیار ڈال دیئے۔ مہمان ٹیم نے نیوزی لینڈ کو جیت کے لئے صرف ایک سو بائیس رنز کا ہدف دے دیا۔

ہیملٹن میں کھیلے جانے والے ٹیسٹ کے تیسرے روز نیوزی لینڈ کی ٹیم پہلی اننگز میں تین سو انچاس رنز بناکر آؤٹ ہوگئی۔

سنیل نرائن نے چھ شکار کئے۔ اٹھارہ رنز کی برتری کے ساتھ ویسٹ انڈیز نے دوسری اننگز شروع کی تو مہمان بیٹنگ لائن کیوی بولرز کے سامنے ریت کی دیوار ثابت ہوئی اور پوری ٹیم صرف ایک سو تین رنز پر ڈھیر ہوگئی۔

ویسٹ انڈیز کے ایک سو بائیس رنز کے ہدف کے تعاقب میں نیوزی لینڈ نے بغیر کسی نقصان کے چھ رنز بنالئے ہیں۔ اور انہیں کامیابی کے لئے مزید ایک سو سولہ رنز کی ضرورت ہے۔

پاکستان ٹیم کے کپتان مصباح کا کہنا ہے کہ ٹیم نے اچھی کارکردگھی دکھائی اگر فیلڈنگ میں رن روک لیتے تو میچ میں کامیابی مل سکتی تھی، دوسری جانب سری لنکن کپتان کا کہنا ہے کہ وہ ٹیم کی پرفارمنس سے بہت خوش ہیں۔

دبئی میں دوسرے ون ڈے میں شکست کے بعد پاکستان ٹیم کے کپتان کے مصباح الحق کا کہنا تھا کہ بلے بازوں نے بہتر کارکردگی دکھائی، بولنگ میں ایک سے دو اوورز خراب گئے جس وجہ سے نتیجہ یمارے حق میں نہیں گیا.

تیسرے میچ میں کم بیک کریں گے، سری لنکن کپتان ایجلو میتھوز کا کہنا تھا کہ کامیابی ٹیم ورک کا نتیجہ ہے،سنگاکارا اور چندی مل نے جیت کی بنیاد رکھی۔ اچھی وکٹ پر پاکستان کو تین سو سے کم پر محدود کرنے میں بولر نے اہم کردارادا کیا –

بہترین کارکردگی پر میتھیوز کو میچ کا بہترین کھلاڑی قراردیا گیا۔ پانچ میچوں کی سیریز کا تیسرا میچ اتوار کو شارجہ میں کھیلاجائے گا۔

پاکستان کرکٹ ٹیم کا مضبوط قلعہ اس کی بولنگ لائن ہے۔ لیکن سری لنکا نے ون ڈے سیریز کے ابتدائی دو میچز میں بتادیا کہ ان کے بیٹسمین دنیا کے بہترین بولرز کا ڈٹ کر سامنا کرنے کی بھرپور صلاحیت رکھتے ہیں۔ سری لنکا نے سیریز میں پاکستان کے لئے خطرے کی گھنٹی بجادی ہے ۔

دبئی ون ڈے میں سری لنکن بیٹسمینوں نے کپتان کے ٹاس جیت کر فیلڈنگ کے فیصلے کی لاج رکھی  اورایک بڑا ہدف حاصل کرلیا۔ سعید اجمل، حفیظ آفریدی اور جنید بھی سری لنکا کو روک نہ پائے۔ پاکستان کرکٹ ٹیم کا مضبوط قلعہ اس کی بولنگ لائن ہے۔  لیکن دنیا کے بہترین اسپن اٹیک کے سامنے سری لنکا نے بھی بتادیا کہ ان کے بلے باز بھی کسی سے کم نہیں ہیں۔

شارجہ میں کھیلے گئے پہلے ون ڈے میں پاکستان کے پہاڑ جیسے ہدف کو پاش پاش کرنے میں حریف بلے بازوں نے کوئی کسر نہیں چھوڑی تھی، لیکن خوش قسمتی سے پاکستان میچ ضرورجیت گیا۔ سیریز اب ایک ایک سے برابر ہے۔

سری لنکن ٹیم نے پاکستان کو بتادیا کہ آئندہ میچز میں ٹاس ان کے لئے اہم نہیں ہوگا۔ پاکستانی ٹیم کو بھی اب مربوط حکمت عملی اپنانا ہوگی۔ اب سیریز میں برتری کے لئے دونوں ٹیمیں ایک بار پھر شارجہ کے میدان میں آمنے سامنے ہوں گی۔