اے آروائی نیوز کے پروگرام’’سرعام‘‘نے مریضوں کولگائے جانے والے خون میں پانی کی ملاوٹ کاانکشاف کیا ہے، سرعام کے چشم کشا انکشاف کے بعد بلڈبینکس کی رجسٹریشن اورلائسنس منسوخی کیلئے کارروائی شروع کر دی گئی پروگرام سرعام آج شام سات بج کرپانچ منٹ پرنشر ہوگا۔
اے آروائی نیوز کا پروگرام سر عام ۔معاشرے کی برائیاں بے نقاب کرنا جس کا خاصہ ہے سرعام کی ٹیم نے کی منفرد نوعیت کی تحقیق جس نے لاکھوں لوگوں کو بے موت مرنے سے بچا لیا۔
اشیائے خوردونوش میں ملاوٹ تو عام سی بات ہے لیکن یہ بات شاید کسی کے وہم گمان میں بھی نہیں ہوگی کہ اسپتالوں میں مریضوں کو لگائے جانے والے خون میں بھی ملاوٹ ہوسکتی ہے سرعام کی ٹیم کی آنکھیں اس وقت کھلی کی کھلی رہ گئیں جب ان پر خون میں نمک ملے پانی کی ملاوٹ کاا نکشاف ہوا۔
سرعام کی ٹیم نے بہت سے بلڈبینکس سے خون کے نمونے لیے اور انتظامیہ کی نگرانی میں ٹیسٹ کرائے توخون کاخون اورپانی کاپانی الگ ہوگیا سر عام کی ٹیم انسانی زندگیوں سے کھیلنے والےسفید خون کے حامل مکروہ چہرے بے نقاب کر دئے۔
اس چشم کشا انکشاف کے بعد ایسے بلڈبینکس کے خلاف چھاپوں کاآغاز کردیاگیا ڈی سی ساؤتھ اور سینٹرل نے عباسی، سول اور جناح اسپتال کے اطراف قائم بلڈ بینکس کوسربمہرکردیا۔
واقعے کاعلم ہونے پربلڈ ٹرانفیوژن اتھارٹی سندھ حرکت میں آئی اور ایسے بلڈ بینکس کی رجسٹریشن اورلائسنس کی منسوخی کیلئے کارروائی شروع کردی۔۔
