وزیراعلیٰ سندھ قائم علی شاہ نے کہا ہے کراچی آپریشن پہلے کی طرح جاری رہے گا ،نواب شاہ سانحہ غفلت نہیں جرم ہے۔
دولت پور حادثے میں جاں بحق ہونے والے بچوں کے لواحقین سے تعزیعت کرتے ہوئے وزیر اعلی سندھ کا کہنا تھا
نواب شاہ سانحہ غفلت نہیں جرم ہے ۔
ان کا کہنا تھا سڑکوں پر اوور لوڈڈنگ کی روک تھام کے کیے اقدامات کر رہے ہیں ان کا ایک سوال کے جواب میں کہن اتھا کراچی میں پولیس افسران کے تبادلوں پر رینجرز اور پولیس میں کوئی تضاد نہیں۔
تحریک انصاف کے چئیرمین عمران خان کہتے ہیں طالبان کے ساتھ مذاکرات شروع ہونے سے پہلے ناکام کیسے ہو سکتے ہیں، پیشرفت سے آگاہ کرنے کیلئے آل پارٹیز کانفرنس بلائی جائے۔
عمران خان کاکہناہے طارق ملک کودھمکیاں مل رہی تھیں وہ دباؤ کے باعث مستعفی ہوئے،چیف جسٹس پاکستان معاملے کانوٹس لیں۔
چیئرمین پی ٹی آئی کاکہناتھا ملک کو جنگ میں ملوث رکھنے کیلئے مہم چل رہی ہے امن کی بات کرنےوالے کوطالبان کاحامی قرار دے دیاجاتا ہے ڈائیلاگ پرپیشرفت سے آگاہ کرنے کیلئے اے پی سی بلائی جائےعمران خان کاکہناتھا مذاکرات شروع ہونے سے پہلے ہی ناکام کیسے ہوسکتے ہیں۔
عمران خان نے کہا مدت پوری کرنا حکومت کے اپنے اوپر ہے۔۔انگوٹھوں کی تصدیق نہ کی تواسٹریٹ پاوردکھائیں گے۔
چیئرمین پی ٹی آئی کاکہناتھا پولیو سنجیدہ مسئلہ ہے جلد پولیو کے خلاف مہم شروع کریں گے۔
کراچی میں ایک بار پھر دہشت گردی کا سوئچ آن ہوگیا۔۔۔۔فائرنگ اور پرتشدد واقعات میں چھ افراد جاں کی بازی ہار گئے جبکہ تین افراد زخمی ہوئے۔
کراچی میں آپریشن جاری ہے لیکن ٹارگٹ کلنگ ہے کہ نہیں قابو آرہیہے آج بھی سیاسی بنیادوں پر چار افراد کا قتل عام شہر کی مصروف ترین سڑک شاہراہ فیصل پر ہوا۔
پولیس حکام کے مطابق شارع فیصل لال قلعہ کے قریب نامعلوم موٹرسائیکل سوار ملزمان نے ایک کار پراندھا دھند فائرنگ کردی۔۔۔تین مقتولین کی شناخت مفتی عثمان،رفیق اورمحمد علی کے ناموں سے ہوئی ہے۔مقتولین کا تعلق مولانا سمیع الحق کی جماعت جے یو آئی ایف سے تھا۔
تینوں کی لاشیں جناح اسپتال پہنچائی گئیں۔۔۔ان تین افراد کے علاوہ کٹی پہاڑی، مکا چوک اور لیاری میں تین مزید افراد نامعلوم ٹارگٹ کلرز کا نشانہ بنے۔۔کراچی میں ٹارگٹ کلنگ کا سوئچ ہے کہ روز آن ہوجاتا ہے۔۔رینجرز اور پولیس کےد عوے کے ٹارگٹ کلنگ کم کردی۔۔لیکن نامعلوم دہشت گرد جب چاہتے ہیں جہاں چاہتے ہیں اپنا کام کر جاتے ہیں۔ رینجرز اور پولیس کے پاس لامحدود اختیارات پھر بھی دہشتگردوں کے سامنے بے بس ہیں۔
واقعے کے بعد کراچی کے علاقے گلستان جوہر میں مدرسے کے طلبہ نے مشتعل ہوکت دکانیں بند کرادیں اور سڑک پر احتجاج کرکے ٹریفک کی روانی معطل کردی۔
وزیر اعظم سمیت متعدد سیاسی رہنماوٗں نے جمعیت العلمائے اسلام سمیع الحق گروپ کے رہنما مفتی عثمان کے قتل پر شدید اظہارِ مذمت کیا۔
متحدہ قومی موومنٹ کی رابطہ کمیٹی نے راجن پور میں خوشحال خان خٹک ایکسپریس کے قریب بم دھماکے کی سخت ترین الفاظ میں مذمت کی ہے اور دھماکے کے نتیجے میں متعدد افراد کے جاں بحق و زخمی ہونے پر گہرے دکھ اور افسوس ااظہار کیا ہے۔
ایک بیان میں رابطہ کمیٹی نے کہاکہ کہ دہشت گردی اور بم دھماکوں کے ذریعے معصوم عوام کو خاک و خون میں نہلایاجارہا ہے اور جو سفاک دہشت گرد معصوم و بے گناہ لوگوں کی جان و مال سے کھیل رہے ہیں وہ ملک و قوم کے کھلے دشمن ہیں ۔ انہوں نے بم دھماکے میں شہیدہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہداء کو جنت الفردو س میں اعلیٰ مقام عطا فرمائے۔
لواحقین کو صبرجمیل عطا کرے اور زخمیوں کو جلد ومکمل صحت یابی عطا فرمائے، رابطہ کمیٹی نے صدر مملکت ممنو ن حسین، وزیر اعظم میاں نواز شریف اور وفاق وزیر داخلہ چورہدی نثار علی خان سے مطالبہ کیا ہے کہ وہ راجن پور میں خوشحال خان خٹک ایکسپریس کے قریب بم دھما کہ کا نوٹس لیا جائے، اس میں ملوث دہشت گردوںکے گرفتار کرکے قرار واقعی سزا دی جائے۔
برطانیہ کے فلم بینوں کا انتظار ختم ہونے کو ہے کیونکہ فلم وار سترہ جنوری سے سینما گھروں میں چھانے کے لئے آرہی ہے۔
ایکشن سے بھرپور فلم وار کا وار ایسا چلا کہ چلتا چلا گیا، اے آر وائی فلمز اور مانڈوی والا کی کامیاب پیشکش فلم وار جسے پاکستان کی ابتک کی سب سے کامیاب فلم کا اعزاز حاصل ہے۔
فلم وار نے پاکستان میں دو ملین ڈالرز سے زائد کا ریکارڈ بزنس دیا، پاکستان کی سینما اسکرین پر دھماکہ کرنے کے بعد اسکی شہرت کی دھوم دبئی میں ایسی مچی کہ برطانیہ کے شائقین بے صبری سے انتظار کرنے لگے۔
اب برطانوی فلم بین فلم وار سترہ جنوری سے سینما گھروں میں دیکھ سکیں گے، فلم وار کی کاسٹ شان، عائشہ خان، شمون عباسی، علی عظمت، حمزہ علی عباس میشا علی، فلم کے ڈائریکٹر بلال لاشاری ،اور پروڈیوسر حسن وقاص سب نے اپنے کام کے ساتھ خوب انصاف کیا ہے۔
آل سندھ پرائمری ٹیچرز ایسوسی ایشن کی جا نب سے سکھر پر یس کلب کے سا منے علامتی بھوک ہڑتال کی گئی ،،ٹیچرز کا موقف ہے کہ مطالبات کے پورانہ ہو نے تک احتجاج جا ری رکھیں گے
علا متی بھوک ہڑتال پر بیٹھے قربان منگر یو،عبدالحفیظ گھا نگرواوردیگر کا کہنا تھاکہ پرائمری اسکول کے اساتذہ کو عرصہ درازسے نہ تواپ گریڈ کیا جا رہا ہے نہ ہی ٹیچنگ ، کنوینس الاؤنس اور میڈیکل الا ؤنس سمیت دیگرجائز حقو ق نہیں دیئے جا رہے ہیں جو کہ انکے ساتھ سراسرذیادتی ہے ۔اساتذہ نے حکام با لا سے اپیل کی ہے کہ انکے تمام مطا لبا ت پورے کئے جا ئیں بصورت دیگر وہ احتجاج کا دائرہ وسیع کر یں گے
لاہور میں جی ایس یونیورسٹی کی جانب سے وزیراعظم نواز شریف کو پی ایچ ڈی کی اعزازی ڈگری دی گئی، نواز شریف نے زمانہ علمی یاد کرتے ہوئے کہا کہ وہ ایک مرتبہ پھر گورنمنٹ کالج کا طالبعلم بننے کا خواہشمند ہیں۔
لاہورگورنمنٹ کالج یونیورسٹی میں کانووکیشن کے دوران وزیراعظم نواز شریف نے خطاب کرتے ہوئے کہا کہ گورنمنٹ کالج کی کرکٹ ٹیم کا اہم ممبر ہوا کرتا تھا، چاہتا ہوں گورنمنٹ کالج والے دن واپس آجائیں، دیو آنند نے بھی اسی کالج سے تعلیم حاصل کی ہے۔
نواز شریف کا کہنا تھا کہ ہم نے سوچنا ہے کہ تعلیم کے بعد نوجوان بیروزگار نہ رہیں، نوجوانوں کے لئے روزگار کے مواقع پیدا کرنے ہیں، نواز شریف کا مزید کہنا تھا کہ پہلے کروڑوں اور اربوں روپے لے جانے والے قرض معاف کرالیتے تھے پر اب عام آدمی کی زندگی کو بہتر بنانے کی ضرورت ہے۔
: عالمی ادارہ صحت نے پشاور کو دنیا بھر میں پولیو وائرس کا مرکز قرار دے دیا۔
عالمی ادارہ صحت کے اعلامیہ کے مطابق پاکستان بھر میں پائے جانے والے نوے فیصد پولیو کیسز کا جینیاتی تعلق پشاور سے جاملتا ہے، پاکستان دنیا کا واحد ملک ہے جہاں دو ہزار بارہ کے برعکس دو ہزار تیرہ میں پولیو کیسز کی تعداد میں اضافہ ہوا ہے۔
پولیو وائرس کے حوالے سے قائم علاقائی ریفرنس لیبارٹری کے نتائج کے مطابق پاکستان میں سامنے آنے والے اکیانوے کیسوں میں تراسی کا جینیاتی تعلق پشاور سے ملتا ہے۔
عالمی ادارہ صحت نے بتایا کہ گذشتہ چار سالوں کے دوران پشاور کے مختلف علاقوں سے جمع کیے گئے سیوریج کے چھیاسی نمونوں میں سے بہتر مہلک پولیو وائرس کے نمونے پائے گئے۔
گذشتہ چھ ماہ میں پشاور کے مختلف علاقوں سے جمع کیے گئے سیوریج کے تمام نمونوں میں پولیو وائرس پائے گئے، پشاور میں گذشتہ پانچ سالوں کے دوران پولیو کے پینتالیس کیس سامنے آئے ہیں۔
پشاور اور قبائلی علاقوں میں پولیو وائرس کے تباہ کن پھیلاوٴ کے باعث قبائلی علاقوں میں گذشتہ برس پینسٹھ بچے معذور ہوگئے تھے، عالمی ادارہ صحت نے اس صورتحال کے پیش نظر متواتر بہترین معیار کی پولیو ویکسین مہم چلانے کی ضرورت پر زور دیا ہے، جس کی سخت مانیٹرنگ کی تجویز بھی دی گئی ہے۔
بوہری جماعت کے روحانی پیشوامحمد برہان الدین بھارت کے شہر ممبئی میں انتقال کرگئے۔
محمد برہان الدین کو دل کا دورہ پڑا جو اجان لیوا ثابت ہوا, ان کی عمر ایک سو دو سال تھی، ان کی پیدائش بھی بھارت میں ہوئی تھی، محمد برہان الدین کے انتقال کی خبر بوہری جماعت میں جنگل کی آگ کی طرح پھیل گئی اور بوہری جماعت کے لوگ جماعت خانوں میں جمع ہونا شروع ہو گئے۔
بوہری جماعت نے اعلان کیا ہے کہ محمد برہان الدین کے انتقال کے سوگ میں بوہری برادری کی دکانیں تین دن بند رہیں گی، بوہری جماعت خانے میں لوگوں کی بڑی تعداد جمع ہونے پر بوہری طاہری جماعت خانہ کی سیکورٹی میں اضافہ کر دیا گیا ہے۔
الیکشن کمیشن نے بلوچستان میں ضمنی بلدیاتی انتخابات کرانے کا فیصلہ کرلیا، ایڈیشنل سیکرٹری الیکشن کمیشن شیر افگن کا کہنا ہے کہ انتخابی شیڈول آئندہ کچھ روز میں جاری کردیا جائے گا۔
الیکشن کمیشن نے بلوچستان میں خالی بلدیاتی نشستوں پر ضمنی انتخابات کرانے کا فیصلہ کرلیا ہے، جس کے لئے انتخابی شیڈول آئندہ کچھ روز میں جاری کردیا جائے گا۔
ایڈیشنل سیکرٹری الیکشن کمیشن شیر افگن کا کہنا تھا کہ پانچ سو انسٹھ میں سے تین سو تینتس نشستوں پر کسی امیدوار نے کاغذات داخل نہیں کرائے تھے، جس کے باعث یہاں انتخابات نہیں ہوئے۔
ان خالی نشستوں پر ضمنی انتخابات کروائے جائیں گے، شیر افگن نے کہا کہ خیبر پختونخوا نے بلدیاتی انتخابات کے لئے قانون سازی مکمل کرکے فروری کے پہلے ہفتے میں تفصیلات فراہم کر نے کی یقین دہانی کروائی ہے۔
