محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم سرد خشک اور مطلع جزوی طور پر ابر آلود رہنے کا امکان ہے ۔تاہم آج شام رات اور پیر کے روز بلوچستان کے جنوب مغربی علاقوں ،مالاکنڈ ،ہزارہ ڈویژن ،کشمیر اور گلگت بلتستان میں چند ایک مقامات پر ہلکی بارش اور پہاڑوں پر ہلکی برفباری کا امکان ہے ۔

آج ملک میں سب سے کم درجہ حرارت استور میں منفی 13 ڈگری سینٹی گریڈ جبکہ ہنزہ ،سکردو منفی 10 ،گوپس منفی 09 ،کالام ،کوئٹہ منفی 08،گلگت ،مالم جبہ منفی 06،قلات منفی 05،راولاکوٹ منفی 04،مری ،بونجی منفی 03،کالام ،گڑھی ڈوپٹہ منفی 02اور بالاکوٹ میں منفی 01ڈگری سینٹی گریڈ ریکار ڈ کیا گیا۔

وطن عزیز میں عوام کیلئے قانون کچھ  اور لیکن معروف ترین قانون دان کیلیے قانون  کچھ اور ہی ہے، اس کی تازہ ترین مثال لاہور ایئرپورٹ پر دیکھنے میں آئی جہاں قومی ایئرلائن کسی مسافر کو پینتالیس  کلو سے زائد وزن نہیں لے جانے دیتی لیکن اکرم شیخ بلا معاوضہ سو کلواضافی  سامان لے گئے۔

معروف قانون اکرم شیخ قومی ایئرلائن کی پرواز پی کے سات پانچ پانچ  سے سعودی عرب روانہ ہوئے، اور جاتے جاتے قومی ادارے کو ہزاروں روپے کا ٹیکہ لگا گئے۔
 
پی آئی اے نے اکرم شیخ کو سو کلو اجافی سامان مفت لے جانے کی اجازت دیدی پی آئی اے قوانین کے مطابق بین الاقوامی پرواز پر کسی مسافر کوپینتالیس  کلو تک سامان مفت لے جانے کی اجازت ہوتی ہے،  لیکن  لاجواب لوگوں کی باکمال سروس نے اکرم شیخ کو سو کلو اضافی سامان لے جانے کی سہولت دیدی۔

  معروف قانون دا ن اکرم شیخ  سابق صدر پرویز مشرف کیخلاف آرٹیکل چھ کے مقدمہ میں وفاق کے وکیل بھی ہیں۔

خورشید شاہ کاکہناہےآمریت کے ادوار میں کیے گئے اقدامات کاخمیازہ آج تک بھگت رہے ہیں کل کے مجاہدین آج کے طالبان اور دہشت گرد بن چکے ہیں۔

قومی اسمبلی میں قائد حزب اختلاف خورشید شاہ کاکہنا ہے جہاں آمروں نے حکومت کی ہو وہ ملک ترقی کیسے کرے گا۔ آمریت نے لسانیت کی بنیاد پرجماعت کی بنیاد رکھی جب کہ ذوالفقار علی بھٹو نے سولی پرچڑھ کرنئی سوچ کوجنم دی۔

خورشیدشاہ پیپلز یوتھ کے زیر اہتمام کنونشن سے خطاب کرتے ہوئےخورشید شاہ کا کہناتھا آمریت کے دورمیں کیے گئےاقدامات کاخمیازہ آج تک بھگت رہے ہیں اور حکمران طالبان سےمذاکرات کی باتیں کررہے ہیں۔

خورشید شاہ کاکہناتھا لیپ ٹاپ بانٹنے سے قوم ترقی نہیں کرے گی بلکہ قوم ترقی اس وقت کرے گی جب جوانوں کے ذہنوں میں جمہوریت کی چپ لگائی جائےکنونشن سے عبدالقادر پٹیل ،سعید سعید غنی اور دیگرنے بھی خطاب کیا۔
   

سابق صدر آصف علی زرداری کاکہناہےکہ جمہوریت کو بچانے کیلئے عام انتخابات میں دھاندلی کو بھی قبول کیا آئندہبھی غیر جمہوری طاقتوں کو روکیں گے۔

اسلام آباد میں پارٹی کے سینئر رہنماؤں سے ملاقات میں سابق صدر آصف زرداری کا کہنا تھا کہ پیپلزپارٹی نے جمہوریت کو بچانے کیلئے عام انتخابات میں دھاندلی کو بھی قبول کیا آئندہ بھی غیرجمہوری طاقتوں کو روکیں گے لیکن اس کے ساتھ ساتھ حکومت کے اقدامات پر کڑی نظر بھی رکھی جائے گی۔

 سابق صدر آصف علی زرداری نے سابق وزیراعظم راجہ پرویز اشرف اور سینیٹر رضاربانی کو بلدیاتی انتخابات کیلئے خیبر پختونخوا کا دورہ کرنے کی ہدایت بھی کی سابق صدر سے ملاقات کرنے والے وفد میں خانزادہ خان،انورسیف اللہ خان،ارباب عالمگیراوردیگر رہنما شامل تھے۔