وزیر اعلی سندھ سید قائم علی شاہ نے چوہدری اسلم کے اہل خانہ سے تعزیت کرتے ہوئے چوہدری اسلم کی بیوہ کو دو کروڑ روپے کا چیک پیش کیا ۔
ان کا کہنا تھا کہ اہل خانہ کو مکمل سیکیورٹی دی جائے گی اور نوکری کی عمر تک پہنچتے ہی ایک بیٹے کو پولیس میں نوکری بھی دی جائے گی ۔
وزیر اعلی سندھ کا کہنا تھا کہ چوہدری اسلم بہادرافسر تھے، قوم کو ان پر فخر ہے، بیوہ نورین اسلم نے کہا کہ وہ چاہتی ہیں ہے کہ ایک بیٹا پولیس میں شامل ہوکروالد کے مشن کوجاری رکھے
مفتی محمد نعیم نے کہا ہے سائٹ ایریاکی تباہ صورتحال کیوجہ سے دیگرعوام کی طرح ہم بھی شدید متاثرہیں۔
مختلف سیاسی ومذہبی جماعتوں، لیبرتنظیموں اورسائٹ ایریا کے مکینوں کی جانب سے سائٹ ٹاؤن کی تباہ حال سڑکوں وسیوریج لائنوں کے باعث علاقے میں بڑھتے ہوئے اسٹریٹ کرائم کیوجہ سے سندھ انڈسٹیریل اینڈٹریڈاسٹیٹ لمیٹڈ (سائٹ) کیخلاف کل جمعرات، انیس جنوری کو ہونے والے احتجاج سائٹ ایریا جام“کوڈی سی ویسٹ اوراے ڈی سی ویسٹ کی یقین دہانیوں کے بعدموخرکردیاگیا۔
اس بات کافیصلہ بدھ کوجامعہ بنوریہ عالمیہ میں اے ڈی سی ویسٹ عبدالجباراورچیف انجینئرسائٹ لمیٹڈعبد للہ سومروپرمشتمل وفد اور جامعہ کے متہمم شیخ الحدیث مفتی نعیم کے مابین ہونے والے معاہدے کے تحت کیا گیا۔
الیکشن کمیشن نےپنجاب اورسندھ کی انتخابی فہرستیں غیرمنجمد کردیں، اب ووٹ کا اندارج کر ایا جاسکے گا، بلدیاتی انتخابات سے متعلق الیکشن کمیشن کا اہم اجلاس بھی آج ہورہا ہے۔
پنجاب اورسندھ میں بلدیاتی انتخابات موخر ہونے کےبعدالیکشن کمیشن نےدونوں صوبوں کی انتخابی فہرستیں غیرمنجمدکردیں۔ الیکشن کمیشن کے مطابق پنجاب اور سندھ میں بلدیاتی انتخابات کے شیڈول کی منسوخی کے بعد انتخابی فہرستوں کو منجمند نہیں رکھا جا سکتا۔
نئے شیڈول کے جاری ہونے تک نئے ووٹرز کا اندراج کیا جاسکے گا۔جبکہ ووٹر اپنے ووٹ میں تبدیلی اور منتقلی بھی کر سکتے ہیں۔ الیکشن کمیشن کا کہنا ہے بلدیاتی انتخابات کے نئے شیڈول کے بعد انتخاباتی فہرستیں ایک بار پھر غیر منجمند کر دی جائے گی۔
وزیر ریلوے خواجہ سعد رفیق نے کہا ہے ریلوے کی نجکاری زیر غور نہیں، ریلوے کرائے میں کمی سے خسارے میں کمی آئی ہے۔
اسلام آباد میں میڈیا سے گفتگو میں ن کا کہنا تھا ریلوے کا نظام درست کرنے کے لیے بڑی سرجری کی ضرورت ہے، ریلوے کو کروڑوں کا نقصان ہوا ہے اور ریلوے میں ڈیفالٹر کا بڑا مسئلہ ہے۔
انہوں نے بتایا کہ ریلوے کا نناوے فی صد مواصلات کا نظام ختم ہو چکا ہے، جسکی بحالی کے لیے ساٹھ ارب روپے درکار ہیں، انوہں نے بتایا ریلوے نے اپنے فرسٹ کوارٹرمیں ٹارگٹ سے زیادہ منافع کمایا ۔
ان کا کہنا تھا بزنس ٹرین میں دوستیاں پالی گئیں، بزنس ٹرین کا کیس نیب کو بھیج دیا گیا ہے، ان کا کہنا تھا اٹھاون ریلوے انجن چین سے آرہے ہیں، جس کے بعد ریلوے کی کارکردگی میں مزید بہتری آئے گی ۔
پرویز مشرف کے وکیل احمد رضا قصوری نے کہا ہے کہ پرویز مشرف کو انٹر پول نے نہیں بلایا تھا، وہ خود وطن واپس آئے تھے، نواز شریف کے راستے میں پاک فوج کا ڈسپلن حائل ہے۔
آل پاکستان مسلم لیگ کے مظاہرےسے خطاب کرتے ہوئے احمد رضا قصوری کا کہنا تھا نواز شریف رائونڈ کو دارالخلا فہ بنا نا چا ہتے ہیں، ان کے را ستے میں صرف پاک فوج حا ئل ہے۔
ایک جج نے تا حیات نا اہل قرار دیا تو دوسرے نے ضمانت منسوخ کر دی، پرویز مشرف کے مقدمے کی سماعت جمعرات کو اسلام آباد کی خصوصی عدالت میں ہوگی، جس میں پرویز مشرف کو پیش ہونا ہے۔
عمران خان نے کہا ہے جس دن ملک میں صاف شفاف الیکشن ہوئے تو انقلاب لانے کے لئے بندوق کی ضرورت نہیں پڑے گی۔
خوشاب میں این اے ایک سو انہتر پر ضمنی انتخابات کے سلسلے میں جلسے سے خطاب کرتے ہوئے تحریک انصاف کے سربراہ عمران خان نے کہا کہ ۔کرکٹ کی دنیا میں سب سے پہلے نیوٹرل امپائر لایا۔
الیکشن میں بھی نیوٹرل امپائر چاہتے ہیں ، انھوں نے کہا کہ الیکشن میں دھاندلی کرنے والے پریزائڈنگ اور ریٹرننگ افسران پر بھی مشرف کی طرح آرٹیکل سکس لگتا ہے۔
عمران خان کا کہنا تھا جس دن ملک میں صاف شفاف الیکشن ہوئے تو انقلاب لانے کے لئے بندوق کی ضرورت نہیں پڑے گی ، اس سے پہلے جب عمران خان جلسہ گاہ پہنچے تو ان کا خیر مقدمی نعروں سے شاندار استقبال کیا گیا، جلسے سے تحریک انصاف کے دیگر رہنماؤں نے بھی خطاب کیا ۔
کراچی میں انسداد دہشت گردی کی خصوصی عدالت نے کالعدم تحریک طالبان کے مقامی کمانڈر محمد ہاشم کو چودہ روزہ جسمانی ریمانڈ پر پولیس کے حوالے کردیا۔
تھانہ سائٹ بی کی جانب سے گرفتار کالعدم تحریک طالبان کے مقامی کمانڈر کو انسداد دہشت گردی کی خصوصی عدالت کی جج خالدہ یاسین کے روبرو پیش کیا گیا. پولیس کی استدعا پر عدالت نے ملزم کو 14دن کے جسمانی ریمانڈ پر پولیس کے حوالے کردیا ۔
پولیس کے مطابق ملزم نے تھانہ مومن آباد کی حدود میں 4 اکتوبر 2012کو پولیس کانسٹیبل آصف سہیل کو فائرنگ کرکے قتل کردیا تھا، جبکہ اورنگی ٹاؤن کے مختلف علاقوں میں بھتہ وصول کرکے کالعدم تحریک طالبان کے مرکزی دفتر بھیجتا تھا ۔
ایک دن کی تعطیل کے بعد آج ٹریڈنگ کے دروان کراچی اسٹاک مارکیٹ میں زبردست تیزی دیکھی گئی ، کے ایس ای ہنڈریڈ انڈیکس دو سو پوائنٹس سے زائد کے اضافے کے ساتھ چھبیس ہزار آٹھ سو کی سطح کراس کر گیا۔
عید میلاد نبی کی تعطیل کے بعد آج کراچی اسٹاک مارکیٹ میں ٹریڈنگ کے آغاز سے ہی تیزی کا رجحان دیکھا جاراہا ہے ۔
کراچی اسٹاک مارکیٹ میں پیر کو بھی ریکارڈ تیزی دیکھی گئی تھی تاہم تیزی کے باوجود کسی ممکنہ کریکشن کے خدشے کے پیش نظر سرمایہ کار محتاط نظر آئے جس کی وجہ سے کاروباری حجم میں کمی دیکھی گئی ۔
مارکیٹ تجزیہ کاروں کے مطابق کارپوریٹ نتائج کاسیزن شروع ہونے اور غیر ملکی سرمایا کاروں کے سرگرم ہونے کے باعث مارکیٹ میں تیزی دیکھی جارہی ہے۔
پاکستان کرکٹ بورڈ کی عبوری کمیٹی کا کہنا ہے کہ بنگلہ دیش میں ایشیا کپ اور ورلڈ ٹی ٹونٹی میں شرکت کا انحصار حکومتی فیصلے اور سیکیورٹی وفد کی رپورٹ پر ہے۔
لاہور میں ہونے والے پی سی بی کی عبوری انتظامی کمیٹی کا اجلاس میں سابق ٹیسٹ کرکٹر حنیف محمد کے لیے پانچ لاکھ روپے کی امداد کا فیصلہ کیا گیا ۔
اجلاس میں کہا گیا کہ قومی کرکٹ ٹیم کے کوچ مینیجر اور چیف سلیکٹر کی تعیناتی کا فیصلہ چئیرمین پی سی بی کی تقرری کے بعد کیا جائے گا اور بنگلہ دیش میں ہونے والے ایشیا کپ اور ورلڈ ٹی ٹونٹی میں شرکت کے حوالے سے حکومتی فیصلے اور سیکیورٹی وفد کی رپورٹ کے بعد فیصلہ کیا جائے گا۔
پاکستان اور سری لنکا کے درمیان تیسرا اور آخری ٹیسٹ میچ کل سے شارجہ میں شروع ہوگا۔ مہمان ٹیم کو سیریز میں ایک صفر کی برتری حاصل ہے۔
پاکستان اور سری لنکا کے درمیان پہلا ٹیسٹ ڈرا ہوا جبکہ دوسرے ٹیسٹ میں سری لنکا نے نو وکٹوں سے باآسانی کامیابی حاصل کرلی۔ سیریر بچانے کے لئے قومی ٹیم کو تیسرا ٹیسٹ لازمی جیتنا ہوگا۔
آخری ٹیسٹ کے لئے ٹیم میں چند تبدیلیاں متوقع ہے۔ احمد شہزاد اور راحت علی کی جگہ شان معسود اور عبدالرحمان کو جگہ دی جاسکتی ہے۔ بلاول بھٹی دوسرے ٹیسٹ میں انجری کا شکار ہوگئے تھے ان کی ٹیم میں شمولیت فٹنس سے مشروت ہے، جادوگر اسپنر سعید اجمل کا کہناہے کہ وہ تھکاوٹ کا شکار نہیں ہوئے ۔
ان کا کہنا تھاکہ ابوظہبی اور دبئی کی وکٹوں پر اسپنرز کے لئے کچھ نہیں تھا۔ دوسری جانب سری لنکن ٹیم میں کسی تبدیلی کا امکان نہیں ہے۔ سابق کپتان مہیلا جے وردھنے کا کہنا ہے کہ آخری ٹیسٹ جیتنے کے لئے سر دھڑ کی بازی لگا دیں گے۔ ان کا کہنا تھاکہ پاکستان ٹیم کبھی بھی کم بیک کرسکتی ہے اس لئے کھلاڑیوں کو محتاط ہوکر کھیلنا ہوگا۔
