سکھوں کی عبادت گاہ گولڈن ٹیمپل پر انیس سو چوراسی میں ہونے والے حملے میں برطانیہ نے مدد کی تھی، جس میں تین ہزار سے زائد سکھوں کو ہلاک کیا گیا تھا۔

برطانوی میڈیا کے مطابق برطانوی وزیراعظم ڈیوڈ کیمرون نے ان اطلاعات پر تحقیقات کاحکم دیا ہے، جن کے مطابق انیس سو چوراسی میں امرتسر میں سکھوں کی عبادت گاہ گولڈن ٹیمپل پر بھارتی فوج کے حملے کی منصوبہ بندی میں برطانوی اسپیشل فورسز نے بھارت کی مدد کی تھی۔

برطانوی رکنِ پارلیمان ٹام واٹسن تیس کے سال کا عرصہ گزرنے کے بعد حال ہی میں منکشف ہونیوالی دستاویزات ان کے دعوے کی تائید کرتی ہیں کہ برطانیہ نے اس آپریشن میں بھارت کی مدد کی تھی، گولڈن ٹیمپل پر حملے کے وقت برطانیہ میں مارگریٹ تھیچر وزیرِاعظم کے عہدے پر فائز تھیں جب کہ بھارت میں اندرا گاندھی برسرِ اقتدار تھیں۔

یمن میں سینکڑوں افراد نے معاہدے کی خلاف ورزی پر حکومت کے خلاف وزیراعظم کے دفترکے باہر مظاہرہ کیا اور ریلی نکالی۔

عرب میڈیا کی رپورٹس کے مطابق مظاہرین نے الزام عائد کرتے ہوئے کہا کہ حکومت ملک میں جاری تنازعات اور مسائل کے حل میں سنجیدہ نہیں، مظاہرین کا کہنا تھا کہ شمالی علاقوں کے مسائل پر بھی توجہ نہیں دی جا رہی ہے، وہاں لوگوں کے ساتھ امتیازی سلوک کیا جارہا ہے۔

ریلی کےشرکاء نے اس موقع پر حکومت کی برطرفی کا مطالبہ بھی کیا، یاد رہے کہ یمن میں دوہزار گیارہ کے بعد سے سیاسی بے چینی بڑھ گئی ہے، جس سے علیحدگی پسند تحریکوں کو تقویت ملی ہے۔

اسرائیلی وزیر دفاع موشے یالون نے امریکی احتجاج پر امریکی وزیر خارجہ جان کیری سے معافی مانگ لی، امریکہ نے اسرائیلی وزیر دفاع کے بیان پر شدید ردعمل ظاہر کیا تھا۔

امریکی وزارت خارجہ نے اپنے قریبی حلیف اسرائیل کے وزیر دفاع موشے یالون کی سرزنش کرتے ہوئے کہا کہ اسرائیلی وزیر موشے یالون کا امریکی وزیر خارجہ جان کیری کے بارے میں بیان انتہائی ناگوار اور نامناسب ہے۔

امریکی وزارتِ خارجہ کی ترجمان جان پسیکی کیجانب سے جاری بیان میں کہا گیا کہ اگر اسرائیل کے نزدیک اس کے وزیر دفاع کا بیان ٹھیک ہے تو یہ انتہائی نامناسب ہے۔

اسرائیلی وزیر دفاع نے ایک اخبار کو انٹرویو میں کہا تھا کہ مشرق وسطی کے بارے میں کیری کی پالیسی مسیحی یا نہ تھی کیونکہ اس بار جب وہ اسرائیل آئے تو انھوں نے کچھ چیزیں ذہن پر حاوی کر رکھی تھیں۔

ایسا لگتا تھا کہ جان کیری امن کے بے جان اور ناقابل عمل منصوبے پر اسرائیل کو راضی کرنا چاہتے ہیں، انکا کہنا تھا کہ امریکی وزیرِ خارجہ انہیں مسئلہ فلسطین کے بارے میں کچھ سکھا نہیں سکتے، امریکی دباؤ کے بعد اسرائیلی وزیر دفاع نے جان کیری سے اپنے بیان پر معافی مانگ لی۔
   

فرانسیسی صدر فرانسس اولاند نے کہا ہے کہ کسی کی بھی شخص کی نجی زندگی کو میڈیا پر اچھالنے کے بجائے اس کا احترام کیا جانا چاہیے.

پیرس کے صدارتی محل میں خطاب کرتے ہوئے فرانسس اولاند کا کہنا تھا کہ ہر شخص کی ذاتی زندگی کا احترام دوسرے شخص پر لازم ہے۔

انہوں نے کہا کہ میڈیا پر ان کی نجی زندگی حوالے سے نشر ہونے والی خبروں سے نہ صرف وہ پریشان ہیں بلکہ ان کی اہلیہ بھی ذہنی دباؤ کا شکار ہو کر اسپتال پہنچ گئی ہیں تاہم انہوں نے نہ ہی میڈیا سے اپنے معاشقے کے حوالے سے بات کی اور نہ ہی اس کی تردید کی۔
   

جنوبی پیرو میں مٹی کا تودہ گرنے سے ملبے تلے دبے چار افراد کی لاشیں نکال لی گئیں، شدید بارشوں کے باعث انتظامیہ نے ساٹھ دنوں کے لیے ایمرجنسی نافذ کردی۔

میڈیا رپورٹس کے مطابق انتظامیہ کی جانب سے کوزو میں پیش آنے والے واقعے کے بعد ملبے کی صفائی کا کام جاری ہے، دوسری جانب کوزو جانیوالی سڑک سیاحوں کے لئے بند کر دی گئی۔

ریسکیو ذرائع کے مطابق ہلاک افراد کا تعلق ایک ہی خاندان سے ہے جب کہ دوسری جانب شدید بارشوں کے باعث ریاست کے گورنر نے ساٹھ دنوں کیلئے ایمرجنسی نافذ کردی ہے۔

چلی کے دارالحکومت سان تیاگو کے جنگلات میں لگی آگ پر ایک ہفتے گذرنے کے باوجود بھی قابو نہ پایا جاسکا۔

سانتیاگو کے قریبی جنگلات میں گذشتہ ایک ہفتے سے لگی آگ نے اب تک چالیس خاندانوں کو علاقہ چھوڑنے پر مجبور کر دیا ہے جبکہ آگ پانچ سو ساٹھ ایکڑ اراضی پر پھیل گئی ہے۔

آگ بجھانے کیلئے رضاکاروں کیجانب سے ہیلی کاپٹروں کی مدد بھی لی جارہی ہے جبکہ علاقائی ریسکیو سربراہ کے مطابق درجہ حرارت میں نمی کی کمی اور ہواؤں کے باعث آگ کو وسیع رقبے پر پھیلا دیا ہے۔

ریسکیو سربراہ نے امید ظاہر کی کہ دو سے تین روز میں اس آگ پر قابو پالیا جائے گا۔
    
   

برازیل میں تشدد کی لہر برقرار ہیں، فائرنگ کے مختلف واقعات میں بارہ افراد ہلاک ہوگئے۔

برازیل کے دارلحکومت ساؤ پالو میں چند گھنٹوں کے دوران فائرنگ اور پرتشدد واقعات میں مزید بارہ افراد ہلاک ہوگئے ہیں، پولیس کا کہنا ہے کہ ساؤ پالو کے شمالی علاقے میں نامعلوم مسلح افراد نے تین گھنٹے کے دوران ایک ہی طریقہ کار سے بارہ افراد کو موت کے گھاٹ اتار دیا ہے۔

پولیس کا کہنا ہے کہ مارنے والوں کی عمریں سترہ سے تیس سال کے درمیان ہیں، پولیس نے خدشہ ظاہر کیا ہے کہ ہلاک شدگان کا ملزمان سے لین کا دین کا معاملہ معلوم ہوتا ہے، تاہم مقتولین کے اہلحہ خانہ پولیس کے بیان پر سخت احتجاج کرتے ہوئے کہا ہے کہ حکومت اور پولیس جرائم پر قابو پانے میں بری طرح ناکام ہوگئی ہیں۔
    
   

امریکی ریاست میں ٹیکساس پل پر میٹ اولسن نامی سائیکل اسٹنٹ رائیڈر نے اپنی رائیڈنگ کے جوہر دکھائے۔

ڈیکو بی ایم ایکس کے پیشہ وارانہ ماہر میٹ اولسن نے اپنے ہیلمٹ پر کیمرہ لگا کر ٹیکساس کے نئے پل کے آخری کنارے پر زندگی اور موت کا جان لیوا کھیل دکھایا، جس نے وہاں موجود لوگوں کی دل کی دھڑکنیں ساکت کر دیں، اس جان لیوا کھیل سے وہاں موجود لوگ بہت لطف اندوز ہوئے۔