آئین کے آرٹیکل چھ کے تحت پاکستان کی تاریخ میں غداری کے پہلے مقدمے کی پہلی سماعت کل اسلام آباد میں ہوگی، پرویزمشرف کی پیشی کے موقع پرسیکیورٹی کے انتہائی سخت انتظامات کیے گئے ہیں۔

آئین کے آرٹیکل چھ کے تحت کسی بھی آمرکےخلاف غداری کے پہلے مقدمے کی پہلی سماعت، جسٹس فیصل عرب کی سربراہی میں جسٹس یاورسعیداورجسٹس طاہرہ پرمشتمل تین رکنی بینچ سماعت کرے گا۔

پیشی کے موقع پر پرویز مشرف کی سیکیورٹی کے لیے خصوصی انتظامات کیے گئے ہیں، مقدمے کی سماعت شریعت کورٹ کےبجائے نیشنل لائبریری کے آڈیٹوریم میں ہوگی جس کے اردگرد بڑی تعداد میں پولیس اور رینجرز کے اہلکار تعینات ہوں گے۔

عدالت میں داخلہ خصوصی پاسز کے ذریعے ہوگا، حکومت کی جانب سے اکرم شیخ ایڈووکیٹ کو پراسیکیوٹر مقرر کیا گیا ہے،اکرم شیخ نے پانچ نکاتی استغاثہ گزشتہ ہفتے خصوصی عدالت میں جمع کرایا تھا جس کا جائزہ لینے کے بعد رجسٹرار خصوصی عدالت نے قرار دیا تھا کہ بادی النظر میں جنرل ریٹائرڈ پرویز مشرف کے خلاف الزامات درست معلوم ہوتے ہیں لہذا پرویز مشرف چوبیس دسمبر کو عدالت میں پیش ہوکر اپنے خلاف الزامات کا دفاع کریں۔

پرویز مشرف نے سمن وصول کرنے کے بعد وکلا کی ٹیم تشکیل دے دی ہے، ٹیم میں ڈ اکٹر خالد رانجھا، بیرسٹر سیف اور احمد رضا قصوری نمایاں ہیں۔
   

پاکستان تحریک انصاف کے چیئرمین عمران خان کا کہنا ہے کہ خیبرپختونخوا میں مدینہ کی روایت سے مساکین کانظام چلے گا،دہشت گردی کیخلاف جنگ پاگل پن ہے، مذاکرات سے امن لانا ہوگا۔

لاہور میں کرسمس تقریب میں عمران خان نے اس خواہش کا اظہار کیا کہ ملک میں میرٹ کا نظام لاسکیں، ساتھ ہی خیبر پختونخوا میں معذوروں، یتیموں اوربیواؤں کیلئے ریاست کی جانب سے امدادی پروگرام کااعلان کردیا۔

مدینہ کی روایت عمران خان کا کہنا تھا کہ دہشتگردی کیخلاف جنگ پاگل پن ہے، امن کیلئے قبائلی عمائدین کو ساتھ لے کر چلنا ہوگا، پاگل پن تحریک انصاف کے چیئرمین عمران خان نے تقریب کے آخر میں  کرسمس کیک بھی کاٹا اور مسیحی برادری کو کرسمس خوشیوں پر مبارکباد دی۔
   

کراچی اور اس کے گرد و نواح میںزلزلے کے جھٹکے محسوس کئے گئے ، ریکٹر اسکیل پر شدت پانچ اعشاریہ دو ریکارڈ کی گئی۔

زلزلہ پیما مرکز کے مطابق کراچی اور اس کے مضافات میں محسو س کئے جانےو الے زلزلے کا مرکز کراچی سے ایک سو سینتیس کلو میٹر دو شمال مغرب میں تھاسطح زمین سے پچا س کلو میٹر نیچے تھا ۔ زلزلے کی شدت ریکٹر اسکیل پر پانچ اعشاریہ دو ریکارڈ کی گئی۔ ،

سندھ ہائی کورٹ نےایم سی بی کے سابق صدر اور موجودہ چیرمین میاں منشا اورایم سی بی کے سابق صدر عاطف باجوہ کے خلاف توہین عدالت کیس میں سات روزمیں جواب جمع کرانےکاحکم دےدیا۔

سندھ ہائی کورٹ میں میاں منشاء، نسیم ایس مرزااور عاطف باوجوہ، کے خلاف توہین عدالت کی درخواست پر سماعت ہوئی، عدالتی حکم عدولی پر توہین عدالت کی درخواست پر سماعت جسٹس نظر اکبر پر مشتمل سنگل رکنی بینچ نے کی، عدالت میں جواب جمع نہ کرانے پرجسٹس نظراکبر نےبرہمی کرتے ہوئے ریمارکس دیے کہ توہین عدالت کے نوٹسز پر بیس دن گزر جانے کے باوجود وکالت نامہ جمع نہیں ہوا۔

آج بھی وکالت نامہ جمع کرایا جارہاہے،جواب نہیں۔مقد مہ انیس سو ستانوے سے التوا کا شکار ہے۔عدالت نے حکم دیا کہ سات روز میں نوٹسز کے جواب جمع کرائیں، جواب داخل نہ کرنے کی صورت سابق صدر اور موجودہ چیرمین میاں منشااورایم سی بی کے سابق صدر عاطف باجوہ کو ذاتی طو رپر پیش ہوکر بیان قلم بند کرانا ہو گا۔