پاکستانی کھلاڑیوں کی رواں سال ون ڈے کرکٹ میں کارکردگی سب سے نمایاں رہی۔ قومی ٹیم کے کپتان مصباح الحق اور سعید اجمل سال دوہزار تیرہ میں سب سے آگے رہے۔  پاکستان میں بین الاقوامی کرکٹ نہیں ہورہی لیکن اس کے باوجود کھلاڑیوں کی غیر ملکی سرزمین پر عمدہ کارکردگی کا سلسلہ جاری رہا۔

پاکستانی کپتان مصباح الحق نے سال دوہزار تیرہ میں ناقدین کو اپنی پرفارمنس سے خاموش کرادیا۔ وہ رواں سال سب سے زیادہ رنز بنانے والے بیٹسمین بن چکے ہیں۔  مصباح نے پچپن کی اوسط سے تیرہ سو بائیس رنز بنائے ہیں۔ جس میں سب سے زیادہ چودہ نصف سینچریاں بھی شامل ہیں۔

بولنگ کی بات کریں تو پاکستانی آف اسپنر سعید اجمل ون ڈے میں سب سے زیادہ وکٹیں لینے والے بولر بن گئے۔ اجمل نے اکتیس میچز میں چھپن شکار کئے۔ پاکستانی آل راؤنڈر شاہد آفریدی نے بولنگ میں کمال دکھایا۔ آفریدی نے ویسٹ انڈیز کے خلاف سات وکٹیں حاصل کیں جو کسی بھی بولر کی جانب سے ایک میچ میں بہترین بولنگ ہے۔ 

پاکستانی بیٹسمینوں نے موجودہ سال کی دوسری، چھٹی اور آٹھویں وکٹ کی بہترین شراکت بھی بنائی۔ محمد حفیظ پاکستان کی جانب سے سب سے زیادہ چار سینچریاں بنانے والے بیٹسمین رہے۔ پاکستان کو سری لنکا کے خلاف متحدہ عرب امارت میں ابھی مزید دو ون ڈے میچزاور کھیلنے ہیں۔ قومی کھلاڑی سال کی پرفارمنس کو اور بھی بہتربناسکتے ہیں۔

پاکستان ٹیم کے کپتان مصباح الحق کا کہنا ہے کہ محمد حفیظ اور احمد شہزاد نے شاندار کارکردگی دکھائی، سری لنکن کپتان کا کہنا ہے کہ ٹیم کی پرفارمنس مایوس کن رہی، بڑے ہدف کے تعاقب میں ٹیم کو اچھا آغاز درکار ہوتا ہے جو نہ مل سکا
شارجہ میں میچ جیتنےپر پاکستان ٹیم کے کپتان مصباح الحق کا کہنا تھا کہ ٹیم کی کارکردگی پر بہت خوش ہوں، احمد شہزاد اور محمد حفیظ نے شاندار کھیل پیش کیا۔ عمر گل نے عمدہ کم بیک کرکے ثابت کردیا کہ وہ ایک اچھا بولر ہے۔  مصباح الحق سری لنکن کپتان ایجلو میتھوز کا کہنا تھا کہ ٹیم کی کارکردگی مایوس کن رہی، بڑے ہدف کے تعاقب میں ٹیم کو اچھا آغاز درکار ہوتا ہے جو نہ مل سکا، اگلے میچ میں کم بیک کریں گے ۔ پاکستان نے سری لنکا کو تیسرے ون ڈے میں ایک سو تیرہ رنز سے شکست دے کر سیریز میں دو ایک کی برتری حاصل کرلی ہے۔ عمر گل کو تین وکٹیں حاصل کرنے پر اے آر وائی گولڈ بار دی گئی

پاکستان نے سری لنکا کو تیسرے ون ڈے میں ایک سو تیرہ رنز کے بڑے مارجن سے شکست دے کر پانچ میچوں کی سیریز میں دو ایک کی برتری حاصل کرلی، شاندار کم بیک پر عمر گل کو اے آر وائی گولڈ بار دی گئی۔

شارجہ میں ایک بار پھر جیت پاکستانی شاہینوں نے لنکا ڈھا دی، تیسرے ون ڈے کا ٹاس سری لنکن کپتان اینجلو میتھوز نے جیتا اور کیا فیلڈنگ کا فیصلہ جو پڑ گیا مہنگا، پاکستانی بلے بازوں نے بھر پور فائدہ اٹھانے ہوئے سری لنکن بولرزکو لیا آڑے ہاتھوں اور کی جم کر دھلائی ، احمد شہزاد اور پروفیسر حفیظ نے لگائے ایسے چوکے چھکے کے سری لنکن بولرز بے بسی کی تصویر بن گئے۔

بدقسمتی سے احمد شہزاد اکیاسی رنز بنا کررن آؤٹ ہوگئے، لیکن پروفیسر نے ابتداء میں مالنگا کے کیچ چھوڑنے کا پورا پورا فائدہ اٹھاتے ہوئے سری لنکن ٹائیگرز پر لاٹھی چارج کر نے میں مصروف رہے۔ انھوں نے سیریز کی دوسری اور کیرئیر کی آٹھویں سنچری بناڈالی، مصباح الحق اور عمر اکمل نے بھی جارحانہ انداز اپناتے ہوئے بولرز پر خوب اچھی طرح ہاتھ صاف کیے۔ 

تین سو ستائیس رنز کے تعاقب میں سری لنکن بلے باز آغاز سے مشکلات میں نظر آئے۔ عمر گل نے شاندار کم بیک کرتے ہوئے ابتدائی دو وکٹیں حاصل کرکے سری لنکن ٹیم کی پیش قدمی کو بریک لگایا اور پاکستان کی جیت کی بنیاد رکھی۔

جلد وکٹیں گرنے کے باعث سری لنکن ٹیم سنبھال نہ سکی اور وقفے وقفے سے وکٹیں کھوتی رہی، سعید اجمل ، جنید خان اور محمد حفیظ سب ہی نے دو دو سری لنکن بیٹسمینوں کو پویلین کی راہ دکھائی اور تین وکٹیں لینے والے عمر گل نے پوری ٹیم کو دو سو تیرہ رنز پر پویلین پہنچا دیا ۔ محمد حفیظ کو آل راؤنڈ کارکردگی پر میچ کا بہترین کھلاڑی قرار دیا گیا۔

جوہانسبرگ میں کھیلے گئے بھارت اور جنوبی افریقہ کے درمیان پہلا ٹیسٹ ہار جیت کے فیصلے کے بغیر ختم ہوگیا، پروٹیاز نے شاندار کھیل کا مظاہرہ کرتے ہوئے یقینی شکست سے بچ نکلا۔ بھارت کے چار سو اٹھاون رنز کے تعاقب میں جنوبی افریقی بلے بازوں نے عمدہ کھیل پیش کیا۔

اے بی ڈی ویلیئز نے ایک سو تین اور فاف ڈوپلسی ایک سو چونتیس رنز کر نمایاں رہے، جنوبی افریقہ کو میچ جیتنےکے لئے آخری چار اوورز میں صرف بیس رنز درکار تھے، لیکن ڈوپلسی کے آؤٹ ہونے بعد جنوبی افریقی بیٹسمینوں نے میچ میں کامیابی کی بجائے اے ڈرا کرنا بہتر سمجھا، میزبان ٹیم نے مقررہ وقت ختم ہونے تک سات وکٹ پر چار سو پچاس رنز بنائے، جبکہ اسے میچ جیتنے کے لئے مزید آٹھ رنز درکار تھے۔