قہقہوں اور ایکشن سے بھرپورہالی ووڈ فلم رائڈ الانگ کا ٹریلر ریلیز ہوگیا ہے۔

فلم کی کہانی ایک ہائی اسکول سیکیورٹی گارڈ کے گِرد گھومتی ہے، جو ایک ایسی خاتون کی محبت میں گرفتار ہوجاتا ہے، جس کا بھائی پولیس اہلکار ہے، فلم میں مرکزی کردار ہالی وڈ اداکار کیون ہارٹ اور آئس کیوب نبھا رہے ہیں۔

کامیڈی اور ایکشن کا مکس تڑکا لئے یہ فلم آئندہ سال سترہ جنوری کو امریکہ جبکہ سات مارچ کو برطانوی سنیما گھروں میں نمائش کیلئے پیش کر دی جائے گی۔

ہالی ووڈ کی فلمی دنیا میں ہلچل مچ گئی ہے، آسکر ایوارڈز دوہزار چودہ کا ٹریلر ریلیز ہوگیا۔

فلمی دنیا کے سب سے معززایوارڈ آسکر ایوارڈ کا فلمی ستاروں کو شدت سے انتظارہوتا ہے،ابھی آسکرایوارڈ میں دوماہ باقی ہیں مگر آسکرایوارڈز2014 کا شاندار ٹریلر فلمی دنیا میں کھلبلی مچا گیا۔

ٹریلر میں امریکی اداکارہ و ٹی وی میزبان ایلن ڈی جینیرس ڈھائی سو ڈانسرز کے ساتھ گانے"دی والکر" پر جلوے بکھیر رہی ہیں، ایلن آسکر 2014 کی تقریب میں میزبانی کے فرائض بھی انجام دیں گی، اس ٹریلر کو تین جنوری سے امریکا کے سینما گھروں میں چلایا جائے گا۔

گلوکارہ سلینا گومز نے آسٹریلیا کا کانسرٹ کینسل کرکے اپنے مداحوں کو اداس کردیا۔

گلوکارہ سلینا گومز کے نخرے اور ادائیں تو سب ہی پسند ہیں لیکن اب کی بار جس کا مداحوں کو شدت سے انتظار تھا، وہ آسٹریلیا کا ٹور تھا، اپنے ورلڈ ٹور کے بعد سلینا نے اگلے سال جنوری میں آسٹریلیا میں کونسرٹ کرنے کا اعلان کیا تھا۔

کم اینڈ گیٹ اٹ ویڈیو سونگ سے ایم ٹی وی ایوارڈ حاصل کرنے والی پوپ سنگر سلینا گومزکو اداکاری میں مزا آنے لگا ہے، اس لئے فینز سے اچانک ہی معذرت کرلی کہ وہ ابھی کانسرٹ کے لئے ریڈی نہیں، سلینا نے اسٹارز ڈانس میں ایکٹنگ کی تھی۔
       

انیسویں صدی کے ناول نگار چارلس ڈیکنز پر بنی فلم اِن ویزیبل وومن کرسمس کے دن ریلیز ہوگی۔

یہ کہانی ایک لکھاری کی زندگی کی چھپی ہوئی حقیقت پر مبنی ہے، انیسویں صدی میں مقبول عام ناول نگار چارلس ڈکنز اپنے لفظوں کے جادو سے خواتین کے دلوں میں خاص مقام رکھتے تھے، محبت بھری داستانیں لکھتے لکھتے نجانے کب ایک عورت چارلس کی زندگی میں آئی اور دل میں گھر کرگئی۔

چارلس نےاس محبت کو مرتے دم تک دل میں چھپائے رکھا، انیسویں صدی کے خوبصورت ماحول میں پروان چڑھتی پوشیدہ محبت اور ناول نگار کی زندگی پر بنی فلم دی ان وزیبل وومن پچیس دسمبر کو ریلیز ہوگی۔