ملواکی: سابق امریکی صدر ڈونلڈ ٹرمپ نے صدارتی الیکشن کے لیے ریپبلیکن پارٹی کی نامزدگی باضابطہ طور پر قبول کرلی۔

ملواکی میں منعقد ہونے والی ریپبلیکن نیشنل کنونشن میں گزشتہ ہفتے قاتلانہ حملے میں بچ جانے کے بعد ڈونلڈ ٹرمپ نے پہلی بار عوام سے خطاب کیا، اس دوران ٹرمپ نے ریپبلکن صدارتی نامزدگی قبول کرنے کا اعلان بھی کیا۔

ڈونلڈ ترمپ نے کہا کہ عظیم مستقبل کے حصول کیلئے قوم کو موجودہ ناکام قیادت سے نجات دلانی ہوگی، موجودہ امریکی حکومت میں ہم زوال کا شکار قوم ہیں اور یہ تبدیلی کا وقت ہے، موجودہ امریکی انتظامیہ کو مزید 4 سال برقرار نہیں رکھ سکتے۔

ٹرمپ کا کہنا تھا کہ موجودہ انتظامیہ کا پیدا کردہ ہر عالمی بحران ختم کروں گا، امریکی معاشرے میں انتشار اور تفریق کا خاتمہ ہونا چاہیے اور میں اس پیغام کے ساتھ سب کے سامنے یہاں کھڑا ہوں۔

ٹرمپ نے خود پر ہونے والے قاتلانہ حملے کا ذکر کرتے ہوئے کہا کہ خود پر حملے سے متعلق بتانا حقیقت میں بہت تکلیف دہ ہے، آخری لمحے میں سر ہلایا نہیں ہوتا تو قاتل کی گولی نشانے پر لگتی، مجھے جو گولی لگی وہ سر سے ایک چوتھائی انچ کے فاصلے سے ہوتی ہوئی گزری۔

سابق امریکی صدر نے کہا کہ مجھے آج یہاں نہیں ہونا چاہیے تھا صرف خدا کے فضل سے آپ کے سامنے کھڑا ہوں، خون بہہ رہا تھا مگر پھر بھی بہت محفوظ محسوس کررہا تھا کیوں میرے ساتھ خدا تھا۔

انہوں نے کہا کہ میں اپنے ملک کے لوگوں کیلئے جمہوریت کو بچا رہا ہوں، ڈیموکریٹ پارٹی اپنے سیاسی مخالفین کو جمہورت کا دشمن قرار نہ دے، ہم صدارتی الیکشن ہر حال میں جیتیں گے، اب سے 4 ماہ بعد ہمیں ایک ناقابل یقین فتح حاصل ہوگی، جیت کے ساتھ ہم امریکا کی تاریخ کے 4 عظیم ترین سالوں کا آغاز کریں گے۔

ٹرمپ نے کہا کہ ہر نسل، مذہب اور رنگ کے شہریوں کیلئے تحفظ، خوشحالی اور آزادی کا نیا دور شروع کرینگے، ہم ملکر امریکا کو عظمت کی نئی بلندیوں تک لے جائیں گے، ہماری قیادت میں امریکا کو دنیا بھر میں دوبارہ عزت ملے گی، ہماری قیادت میں کوئی دشمن امریکا کی طاقت پر شک نہیں کرے گا۔

سابق امریکی صدر نے کہا کہ ہماری سرحدیں مکمل طور پر محفوظ ہوں گی، معیشت اٹھے گی، پوری دنیا میں امن، استحکام اور ہم آہنگی کو بحال کریں گے، عظیم مستقبل کے حصول کیلئے قوم کو ناکام قیادت سے نجات دلانی ہوگی۔

ان کا کہنا تھا کہ موجودہ امریکی حکومت میں ہم زوال کا شکار قوم ہیں، امریکا میں مہنگائی کا بحران ہے جو زندگی کو ناقابل برداشت بنا رہا ہے، غیر قانونی امیگریشن نے بدحالی، جرائم، غربت، بیماری اور تباہی پھیلادی ہے۔

انہوں نے اپنے خطاب میں کہا کہ یورپ اور مشرق وسطیٰ میں جنگ سے عالمی بحران کا سامنا ہے، تائیوان، کوریا، فلپائن اور پورے ایشیا میں تنازعات بڑھ رہے ہیں، دنیا تیسری جنگ عظیم کے دہانے پر کھڑی ہے، مہنگائی کے تباہ کن بحران کو فوری طور پر ختم کروں گا، شرح سود کو نیچے اور توانائی کی قیمتوں میں کمی لاؤں گا، دیوار مکمل کر کے امریکی سرحد کو بند اور غیر قانونی امیگریشن ختم کروں گا۔

سابق امریکی صدر نے مزید کہا کہ روس اور یوکرین کے درمیان جاری جنگ کو ختم کروں گا، اسرائیل پر حملے سے شروع ہونے والی جنگ ختم کروں گا۔

پڑوسی کو قتل کرنے کے لیے آنے والے حملہ آور کی جانب سے فائرنگ کے بعد بہادر ماں نے اپنے بچوں کی حفاظت کےلیے فوری اقدام کیا۔

انگلینڈ کے شہر مرسی سائیڈ میں ایک افسوسناک واقعہ پیش آیا ہے جہاں کرکبی کے علاقے کیوریسائیڈ ڈرائیو میں 36 سالہ شخص کو قتل کردیا گیا، اس دوران پڑوس میں موجود ماں نے گولیوں کی آوازیں سن کر چیخ کر اپنے بچوں کو ’فرش پر لیٹ جانے‘ کے لیے کہا تاکہ وہ محفوظ رہیں۔1

سیکیورٹی حکام نے اب تک مرنے والے شخص کا نام ظاہر نہیں کیا، تاہم جاسوسوں نے سی سی ٹی وی، ڈور بیل یا ڈیش کیم فوٹیج رکھنے والے افراد سے اپیل کی ہے کہ وہ آگے آئیں اور اس کیس کو نمٹانے میں مدد کریں تاکہ یہ پتا چل سکے کہ کون اس واقعے میں ملوث ہے۔

دو چھوٹے بچوں کی ماں نے بتایا کہ جس گھر پر حملہ ہوا میں اس کے ساتھ والے گھر میں رہتی ہوں، میں باہر باغ میں کام کرنے گئی تھی، اگلے ہی لمحے میں نے زوردار دھماکوں کی آوازیں سنی۔

خاتون نے بتایا کہ میں جان چکی تھی کہ دھماکے کیسے ہیں، اس لیے میں نے اپنے بچوں سے کہا کہ وہ فرش پر لیٹ جائیں میں صرف یہ یقینی بنانا چاہتا تھا کہ وہ ٹھیک ہیں، پھر میں اپنی بیٹی کو لے کر گھر سے باہر نکل گئی۔

پولیس کا کہنا ہے کہ قتل ہونے والے شخص کے قریبی رشتے داروں کو مطلع کر دیا گیا ہے، ڈیٹیکٹیو سپرنٹنڈنٹ نے کہا کہ المناک واقعے کے بعد قتل کی تحقیقات جاری ہیں جس میں ایک شخص جان لیوا گولی لگنے کے بعد اپنی جان سے ہاتھ دھو بیٹھا ہے۔

پولیس نے کہا کہ ہم ابھی تحقیقات کے ابتدائی مراحل میں ہیں اور یہ معلوم کرنے کی کوشش کر رہے ہیں کہ یہ واقعہ کیوں پیش آیا اور اس میں کون ملوث تھا۔