شوبز انڈسٹری کے معروف اداکار عمران عباس نے مداحوں کو دلچسپ مشورہ دے دیا۔

فوٹو اور ویڈیو شیئرنگ ایپ انسٹاگرام پر اداکار عمران عباس نے پوسٹ شیئر کی جس میں وہ مداحوں کو مشورہ دے رہے ہیں کہ کیسے حاسدین سے بچا جاسکتا ہے۔

اداکار نے لکھا کہ کچھ لوگ آپ کو کامیاب ہوتا دیکھتے ہیں تو انہیں آپ کی پوسٹ لائیک کرتے ہوئے حسد ہوتا ہے لیکن ان میں آپ کو ان فالو کرنے کی ہمت بھی نہیں ہوتی۔‘

انہوں نے لکھا کہ ایسے لوگ آپ سے نفرت کرتے ہیں لیکن انہیں آپ کے بارے میں سب کچھ جاننے کی جستجو بھی ہوتی ہے تو آپ نفرت کرنے والوں پر حاوی ہوتے رہیں۔

عمران عباس نے مزید لکھا کہ آپ ایسے لوگوں کو بلاک مت کریں بلکہ انہیں یہ دیکھنے دیں کہ اللہ آپ کو کتنا نواز رہا ہے۔

 

View this post on Instagram

 

A post shared by Imran Abbas (@imranabbas.official)

اس سے قبل عمران عباس نے اے آر وائی ڈیجیٹل کے پروگرام میں انکشاف کیا تھا کہ انہیں بھارتی فلموں عاشقی ٹو، رام لیلا، اور گزارش کی پیشکش ہوئی تھی۔

اداکار نے بتایا تھا کہ فلم ’گزارش‘ میں آدتیہ رائے کپور کا کردار سب سے پہلے انہیں آفر کیا گیا تھا۔

ان کا کہنا تھا کہ اب ہر کوئی دعویٰ کرتا ہے کہ انہیں ’عاشقی 2‘ کی پیشکش ہوئی تھی لیکن آپ مہیش بھٹ اور موہت سوری سے تصدیق کر سکتے ہیں کہ صرف باضابطہ آفر میرے پاس آئی تھی۔

واضح رہے کہ عمران عباس اے آر وائی ڈیجیٹل کے ڈرامہ سیریل ’تھوڑا سا حق‘ سمیت متعدد ڈراموں اور فلموں میں اداکاری کے جوہر دکھا چکے ہیں۔

شوبز انڈسٹری کی معروف اداکارہ صنم سعید نے طلاق کی شرح میں اضافے کی وجہ بیان کردی۔

اداکارہ صنم سعید نے حال ہی میں ایک پوڈ کاسٹ میں شرکت کی جہاں انہوں نے خواتین اور بچوں کی ذہنی صحت کے حوالے سے اظہار خیال کیا۔

انہوں نے کہا کہ آج کل طلاق کی شرح میں اضافے کی ایک وجہ یہ بھی ہے کہ عورتیں مالی طور پر مستحکم ہوگئی ہیں انہیں اب مردوں کے ظلم برداشت کرنے کی ضرورت نہیں رہی۔

اداکارہ نے کہا کہ ماضی میں ایک وقت تھا جب خواتین کی کم عمری میں شادی کر دی جاتی تھی، ان کی تعلیم کو اہمیت نہیں دی جاتی تھی جس کی وجہ سے انہیں اپنے شوہروں کا ظلم برداشت کرنا پڑتا تھا کیونکہ اگر وہ اپنے اوپر ہونے والے ظلم کے خلاف آواز بلند کرتیں تو نتیجے میں بے گھر ہونے کا خطرہ تھا۔

انہوں نے کہا کہ لیکن اب وقت بدل گیا ہے، اب خواتین پڑھ لکھ رہی ہیں، خود مختار ہو رہی ہیں، اس لیے اب وہ کسی کا ظلم برداشت کرنے کے لیے پابند نہیں ہیں، انہیں اب یہ ڈر نہیں ہے کہ اگر وہ اپنے اوپر ہونے والے ظلم کے خلاف آواز اُٹھائیں گی تو انہیں بے گھر کر دیا جائے گا یا ان کے مالی اخراجات کون اُٹھائے گا؟

اداکارہ کے مطابق آج کی خواتین ماضی کے مقابلے زیادہ بہتر انداز میں اپنے حقوق کا دفاع کر سکتی ہیں اور یہی طلاق کی بڑھتی ہوئی شرح کی وجہ ہے، اب مردوں کو سمجھنا چاہیے کہ وہ خواتین کو ظلم کا نشانہ نہ بنائیں۔

صنم سعید کا کہنا ہے کہ ایسی خواتین جو خود مختار اور اپنی ذات سے محبت کرتی ہیں، جو اپنے اوپر ظلم برداشت نہیں کرتیں، ان کی پرورش میں پروان چڑھنے والے بیٹوں اور ایسی خواتین جو کم تعلیم یافتہ اور ظلم و جبر برداشت کرتی ہیں، ان کی گود میں پلنے بڑھنے والے بیٹوں میں زمین آسمان کا فرق ہوتا ہے۔

انہوں نے کہا کہ والدین کے لیے یہ ضروری ہے کہ وہ اپنی بیٹیوں کو اچھی تعلیم دیں اور 15 سال کی عمر میں ان کی شادی کرنے کے بجائے انہیں مالی طور پر خود مختار ہونے دیں۔

واضح رہے کہ صنم سعید نے گزشتہ سال اداکار محب مرزا نے دوسری شادی کی ہے۔

معروف اداکار و ہدایت کار نبیل ظفر کا کہنا ہے کہ شوبز سے تعلق رکھنے والے دوست  طیارے میں پہلی بار سفر کررہے تھے تو انہیں ڈرا دیا تھا۔

اے آر وائی زندگی کے پروگرام دی نائٹ شو ود ’ایاز سموں‘ میں اداکار نبیل ظفر نے شرکت کی اور سیگمنٹ ’پردہ اٹھا دیں‘ میں مختلف سوالات کے جوابات دیے۔

انہوں نے بتایا کہ طیارے میں ہمیں سیٹ نہیں ملی تھیں تو ہم بزنس کلاس میں سفر کررہے تھے اس دوران دوست کو ڈرایا کہ دیکھ لینا یہاں پر کھانا کافی مہنگا ہوتا ہے۔

نام بتانے کے اصرار پر نبیل ظفر نے کہا کہ ان کا شوبز سے ہی تعلق ہے، دبئی کی فلائٹ تھی جب ہمارا کھانا آگیا تو وہ دوست سمجھ گیا کہ ہم مذاق کررہے ہیں۔

انہوں نے کہا کہ پھر اس نے کہا کہ کھانا منگواؤ مجھے بھی بہت بھوک لگ رہی ہے۔

نبیل ظفر نے بتایا کہ حنا دلپذیر سے دوستی تھی ان سے کہا کہ ڈرامے میں میری والدہ کا کردار کریں گی جس پر انہوں نے رضامندی ظاہر کردی تھی اور شروع میں انہیں ایک قسط کے لیے کاسٹ کیا گیا تھا۔

میزبان نے پوچھا کہ پہلے دن سے ہی مومو کا گیٹ اپ یہی تھا یا اس میں تبدیلی کی گئی؟

اداکار نے بتایا کہ شروع سے یہی گیٹ اپ تھا جب حنا دلپذیر نے کہا کہ مجھے چشمہ دے دیں تو اس کے لیے میں اور رانا گئے تھے، ان کے کردار کے لیے موٹا چشمہ لیا گیا جس میں آنکھ موٹی نظر آئے۔

نبیل ظفر نے بتایا کہ چشمہ بن گیا تو وہ مزاحیہ تو لگ رہا تھا لیکن میں نے کہا کہ ٹرائی کرلیتے ہیں جب حنا کو چشمہ دیا تو انہوں نے کہا کہ یہ اچھا تو ہے لیکن میں چلوں گی کیسے؟

انہوں نے بتایا کہ میں نے حنا سے کہا کہ چشمہ لگالو جیسے ہی شوٹنگ ختم ہو تو اتار لینا۔

اداکار نے بتایا کہ ایک قسط کرنے کے بعد حنا نے کہا کہ اتنی اچھی کاسٹ ہے مجھے بھی اس میں مستقل شامل کرلیں پھر اسکرپٹ میں تبدیلی کرکے انہیں شامل کیا گیا۔