تحریک انصاف کے رہنما تیمور سلیم جھگڑا نے کہا ہے کہ الیکشن کمیشن نے جو فارم 45 جاری کئے ان میں ٹمپرنگ کی گئی ہے۔

اسلام آباد میں پریس کانفرنس سے خطاب کرتے ہوئے انہوں نے کہا کہ الیکشن کی شام کو جب پی ٹی آئی کا ووٹ نظر آنے لگا تو اسکرینیں بند کر دی گئیں، فارم 45 میں واضح ٹیمپرنگ کی گئی ہے اپلوڈ کیےگئےفارم 45 میں بڑے پیمانے پر بےضابطگیاں ہیں ان کے نمبروں میں ہیرپھیر کی گئی ہے، پنجاب میں 100نشستوں کےنتائج پر بےضابطگیاں ہوئی ہیں۔

سلمان اکرم راجا نے گفتگو کرتے ہوئے کہا کہ اگر 4،3 فارم 45 دیکھیں تو معلوم ہو جاتا ہےکس طرح دھاندلی کی گئی جہاں میرے مدمقابل کو جتوایا گیا وہاں ٹرن آؤٹ کم یا زیادہ کیا گیا۔

ان کا کہنا تھا کہ میرےحلقے کے ایک پولنگ اسٹیشن کا نتیجہ تبدیل کر کے مخالف کے ووٹ بڑھا دیئے گئے ایک ہی علاقے میں پولنگ اسٹیشن پر ٹرن آؤٹ کیسے زیادہ یا کم ہو سکتا ہے انتہائی بھونڈے طریقے سے دھاندلی کی گئی۔

سلمان اکرم راجہ نے مزید کہا کہ الیکشن کمیشن نے نتائج شائع کیے تو پوری قوم نے دیکھا کس طرح دھاندلی کی گئی سب کو بتانا چاہتے ہیں اس طرح یہ ملک نہیں چلےگا۔

لاہور: پنجاب پولیس لیہ نے ہیڈ نرس سے ڈکیتی اور گینگ ریپ میں ملوث ملزمان گرفتار کر لیے۔

تفصیلات کے مطابق ہیڈ نرس سے ڈکیتی اور اجتماعی زیادتی کیس میں اہم پیش رفت ہوئی ہے۔ پولیس نے کارروائی کرتے ہوئے نامزد ملزمان کو گرفتار کر لیا ہے۔

ترجمان پنجاب پولیس کا کہنا ہے کہ ملزمان فیاض، منظور حسین اور عمران کو گرفتار کر کے پابند سلاسل کر دیا گیا ہے ملزمان نے گھر میں گھس کر اسلحہ کے زور پر ڈکیتی اور ہیڈ نرس کو گینگ ریپ کا نشانہ بنایا تھا۔

ایڈیشنل آئی جی ساؤتھ پنجاب کامران خان متاثرہ خاتون کے گھر لیہ پہنچے اور متاثرہ خاتون کو مکمل انصاف کی فراہمی کی یقین دہانی کرائی۔

ایڈیشنل آئی جی ساؤتھ پنجاب کا کہنا تھا کہ سفاک ملزمان کو سخت سے سخت سزا دلائی جائے گی۔

پی ٹی آئی رہنما لطیف کھوسہ کا کہنا ہے کہ بشریٰ بی بی کو کچھ ایسا کھلایا گیا کہ ان کی طبیعت غیر ہوگئی۔

اے آر وائی نیوز کے مطابق پی ٹی آئی رہنما لطیف کھوسہ نے میڈیا سے گفتگو کرتے ہوئے کہا کہ انتظامیہ سے کہا ہے کہ اس کا نوٹس لیں اور ڈاکٹر معائنہ کریں۔

پی ٹی آئی رہنما نے کہا کہ کم ظرف لوگ سمجھتے ہیں کہ وہ بنی گالا میں کسی ڈیل کے تحت ہیں جبکہ وہاں میں خود دیکھ کر آیا ہوں پورے کمرے سیلڈ ہیں۔

لطیف کھوسہ کے مطابق بشریٰ بی بی نے بتایا کہ کھانے میں وہ سمجھیں کہ مرچیں تیز ہیں لیکن اس کے بعد انہیں الٹیاں ہوئیں اور ابھی تک سینے میں جلن ہوتی ہے وہ سات دن سے کھانا نہیں کھا پا رہی ہوں۔

انہوں نے کہا کہ بانی پی ٹی آئی کی صحت سے متعلق علیمہ خان کچھ کہہ رہی ہیں تو سنجیدگی سے لینا چاہیے۔

لطیف کھوسہ کسی بھی قیدی کی صحت اور دیگر چیزوں کا خیال رکھنا جیل عملے کا کام ہے۔