اسلام آباد :  مودی سرکار ناکامیاں چھپانے کیلئے اوچھے ہتھکنڈوں پر اتر آئی اور حکومتِ پاکستان کا آفیشل سوشل میڈیا اکاؤنٹ اپنے ملک میں بلاک کردیا۔

تفصیلات کے مطابق پہلگام واقعے کے بعد بھارت بوکھلاہٹ کا شکار ہے اور مودی سرکار ناکامیاں چھپانے کیلئے اوچھے ہتھکنڈوں پر اتر آئی۔

پہلگام میں فالس فلیگ آپریشن کے بعد بھارت کا ایک اور غیرذمہ دارانہ قدم سامنے آیا ، پاکستانی حکومت کا آفیشل سوشل میڈیا اکاؤنٹ بھارت میں بلاک کردیا گیا۔

واضح رہے کہ پہلگام میں فالس فلیگ آپریشن کے بعد بھارت نے پاکستان کے ساتھ سندھ طاس معاہدہ معطل کرتے ہوئے اٹاری واہگہ بارڈر بند کرنے کا اعلان کیا تھا۔

مزید پڑھیں : بھارت کا پاکستانیوں کو 48گھنٹے میں ملک چھوڑنے کاحکم، سندھ طاس معاہدہ معطل

بھارتی وزیراعظم نریندر مودی کی زیرصدارت کابینہ اجلاس میں اٹاری بارڈر بھی بند کرنے کا فیصلہ کیا گیا تھا۔

بھارتی سیکرٹری خارجہ نے بتایا تھا تمام پاکستانیوں کو اڑتالیس گھنٹوں میں بھارت چھوڑنے کا الٹی میٹم دے دیا اور پاکستانی شہریوں کے لیے سارک ویزا استثنیٰ سکیم کو فوری طور پر معطل کر دیا تھا۔

بھارت اسلام آباد سے اپنے تمام دفاعی اتاشی بھی واپس بلائے گا، بھارت اسلام آباد میں بھارتی ہائی کمیشن سے فوجی مشیروں کو واپس بلا رہا ہے اور پاکستانی ہائی کمیشن میں فوجی مشیروں کو ملک چھوڑنے کیلئے ایک ہفتے کا وقت دیا ہے۔

بھارت میں 2003 سے قید 56 بے گناہ پاکستانیوں کو استعمال کرنے کا بھارتی منصوبہ بے نقاب ہوگیا، قیدیوں میں بیشترماہی گیر، غلطی سے ایل اوسی پارکرنیوالے شامل ہیں۔

تفصیلات کے مطابق پہلگام میں فالس فلیگ کے بعد ایک اورمذموم بھارتی منصوبہ بے نقاب ہوگیا، بھارت میں 2003 سے قید 56 بے گناہ پاکستانیوں کو استعمال کرنے کا بھارتی منصوبہ سامنے آیا ، 56 بے گناہ قیدیوں میں بیشترماہی گیر،غلطی سے ایل اوسی پارکرنیوالےشامل ہیں۔

ذرائع نے بتایا کہ بھارت قیدیوں پر تشدد کرکے زبردستی دستی پاکستان کیخلاف زہراگلوا سکتا ہے اور ان قیدیوں کوجعلی ان کاؤنٹرمیں دہشتگرد ظاہرکرکےشہیدکرسکتاہے۔

ذرائع کا کہنا تھا کہ بھارت بالا کوٹ طرز پر نام نہاد دہشت گرد کیمپوں کا بیانیہ بنا کر حملہ کرسکتا ہے۔

ذرائع نے بتایا کہ عبد الرحمن،سجاد بلوچ،وقاص منظور،نویداحمد2015 ، محمد عاطف اور حنظلہ 2016 سے بھارت کی کٹھوا جیل ، عماداللہ ،عبدالحنان ،سلمان شاہ ،حبیب خان 2021 سے بھارتی جیلوں میں قید ہیں۔

اس کے علاوہ ذبیح اللہ 2018 اورمحمد وقار 2019 سے، امجد علی ،نذیراحمد،خالد محمود 1994 سے، عبدالرحیم 1995 اور عبد المتین 1997 سے ، ذوالفقار علی 1998 ،محمد رمضان 1999 اور محمد عارف 2000 سے ،محمد نعیم بٹ 2003 اور محمد ایاز کھوکھر 2004 سےبھارتی جیلوں میں قید ہیں۔

محمدریاض، محمدعبداللہ مکی،تفہیم اکمل ہاشمی ، ظفر اقبال،عبد الرزاق شفیق ،نوید الرحمن ،محمد عباس ، صدیق احمد،محمد زبیر،شاہنواز ،ارشد خان بھی بھارتی جیلوں میں قید ہیں۔

محمد یاسین ،محمد فہد 2006 اور عبداللہ اصغر علی،محمدیونس ، سیف الرحمن ،محمد حسن منیر ،مرزا راشد بیگ اورمحمد عابد 2007 سے اور شہباز اسماعیل ،عمران شہزاد،فاروق بھٹی 2008 سے اتر پردیش کی لکھنئو جیل میں ہیں۔

محمد عادل 2011 ،بہادر علی 2016 اورمحمد عامر 2017 ، خیام مقصود،دلشن،عثمان ذوالفقار،ابو وہاب علی ، محمد ارشاد،محمد یعقوب،قادر بخش بھی بھارت کی جیل میں قید ہیں۔