ملک بھر میں سردی نے ڈیرے ڈال لیے ہیں کراچی تا خیبر سرد ہواؤں کا راج ہے جب کہ برفباری سے بالائی علاقوں نے برف کی چادر اوڑھ لی ہے۔

اے آر وائی نیوز  کے مطابق ملک بھر میں سردی نے ڈیرے ڈال لیے ہیں کراچی تا خیبر سرد ہواؤں کا راج ہے۔ بلوچستان سے آزاد کشمیر تک پہاڑی علاقوں میں برفباری شروع ہو گئی ہے اور سیاحوں نے برفباری کے نظاروں سے لطف اندوز ہونے کے لیے تفریحی مقامات کا رخ کر لیا ہے۔

مری میں برفباری ہوئی ہے اور آسمان سے گرتے سفید گالوں نے ملکہ کوہسار کا حسن نکھار دیا ہے۔ اس کے ساتھ ہی دیر اور سوات کے پہاڑ بھی برف باری سے سحر انگیز ہو گئے۔ سیاحوں نے مری کا رُخ کر لیا ہے جس سے ہوٹل مالکان میں بھی خوشی کی لہر دوڑ گئی ہے۔

برف باری سے دیر کی پہاڑیوں نے بھی سفید چادر اوڑھ لی ہے، لواری ٹنل کے اطراف بھی برفباری سے ٹھنڈ بڑھ گئی۔

ناران کاغان کے پہاڑوں  پر بھی برفباری ہوئی ہے اور جھیل سیف اللہ  بھی برف سے ڈھک گئی۔ باٹہ کنڈی، جلکھڈ اور لولوسرجھیل پرچار سے 6 انچ تک برفباری ریکارڈ  کی گئی، برفباری کے باعث بابو سر ٹاپ جانے والی شاہراہ بند ہو گئی تاہم بابو سر ٹاپ اور گئی داس میں پھنسےسیاحوں کو ریسکیو کر لیا گیا۔

دوسری جانب جنوبی مغربی بلوچستان میں بھی برف باری شروع ہو گئی ہے۔ توبہ اچکزئی، کان مہتر زئی، زیارت میں برف باری جب کہ چمن شہرمیں بارش سے سردی کی شدت میں اضافہ ہو گیا ہے۔ چمن میں برفباری کے بعد سردی کی شدت میں اضافہ ہو گیا ہے اور پانی کے پائپوں میں پانی جم گیا ہے جس کے باعث مقامی افراد کی مشکلات بڑھ گئی ہیں۔

دھند کا راج، موٹر ویز بند، مسافر پھنس گئے

شمالی وزیرستان میں بھی طویل خشک سالی کے بعد برفباری کا امکان ہے۔ شوال، رزمک اور دیگر پہاڑی علاقوں پر گہرے بادل چھا گئے ہیں۔ محکمہ موسمیات نے شمالی وزیرستان میں آج رات سے بارش کے ساتھ برفباری کی پیشگوئی کی ہے۔

ملک کے مختلف علاقوں میں دھند کا راج ہے اور موٹر ویز کے کئی سیکشنز بند کر دیے ہیں جس کے باعث مسافر پھنس کر رہ گئے ہیں۔

اے آر وائی نیوز کے مطابق ملک کے مختلف علاقوں میں دھند کا راج ہے اور کئی مقامات پر حد نگاہ انتہائی کم ہو گئی ہے، جس کے باعث موٹر ویز کے کئی سیکشنز بند کر دیے گئے ہیں اور مسافر پھنس کر رہ گئے ہیں جنہیں سردی میں مشکلات کا سامنا ہے۔

ایم ٹو لاہور سے کوٹ مومن تک، ایم تھری فیض پور سے رجانہ تک، ایم فور عبدالحکیم سے پنڈی بھٹیاں تک اور ایم فائیو شیر شاہ سے گدو تک بند کر دی گئی ہے۔

لاہور سیالکوٹ موٹر وے بھی ٹریفک معطل اور ترجمان موٹر ویز کا کہنا ہے کہ موسم سرد ہونے کے باعث شاہراہوں پر دھند کا دورانیہ بڑھ گیا ہے اس لیے شہری غیر ضروری سفر سے گریز کریں۔

لاہور، سیالکوٹ، خانپور، چھانگامانگا، پتوکی، جمبر، کوٹ رادھا کشن، چونیاں، چنیوٹ سمیت کئی شہروں میں شدید دھند اور حد نگاہ انتہائی کم ہوگئی ہے۔ نور پور تھل، پیلو وینس، جمالی بلوچاں اور گرد ونواح میں دھند کے باعث حد نگاہ صفر ہو گئی ہے اور لوگوں کو آمدورفت میں شدید مشکلات کا سامنا کرنا پڑ رہا ہے۔

کراچی کے علاقے لانڈھی میں کار کی ٹکر سے گھر کے باہر کھیلتا 8 ماہ کا بچہ جاں بحق ہوگیا۔

اے آر وائی نیوز کے مطابق کراچی کے علاقے لانڈھی نمبر ایک میں نانی کے ساتھ گلی میں کھیلتا 8 ماہ کا بچہ ولی محمد کار کی ٹکر سے جاں بحق ہوگیا۔

پولیس کے مطابق ڈرائیور بچے کو اسپتال منتقل کرنے کے بعد فرار ہوگیا۔

بچے کے والد پولیس کو بتایا کہ کار سوار شہری نے اپنا نام اویس بتایا، ڈرائیور نے حادثے کے بعد بچے کو اسپتال منتقل کیا اور پھر فرار ہوگیا۔

پولیس کا بتانا ہے کہ لانڈھی ایک نمبر کا رہائشی بچہ گھر کے باہر نانی کی گود میں تھا، بچہ کھیلتا ہوا گود سے اترا اور چلنے کی کوشش کرتے ہوئے گلی میں آگیا۔

تفتیشی حکام کے مطابق گلی سے گزرنے والی کار نے 8 ماہ کے ولی محمد کو کچل دیا۔