ہدایت کار کرن جوہر نے اپنی حالیہ فلم ’روکی اور رانی کی پریم کہانی‘ کے حوالے سے انکشاف کیا ہے کہ یہ بالی وڈ کی مشہور جوڑی سے متاثر ہوکر بنائی گئی ہے۔

ایک انٹرویو کے دوران کئی سالوں بعد ہدایت کاری کرنے والے کرن نے بتایا کہ فلم اندسٹری سے تعلق رکھنے والے اکشے کمار اور ٹوئنکل کھنہ کی مضبوط جوڑی سے انھیں فلم بنانے کے لیے تقویت ملی۔

بالی وڈ کے دونوں اداکاروں کو شادی کے بندھن میں بندھے دو دہائی سے زیادہ عرصہ ہوگیا اور اب تک ان کا تعلق ایک دوسرے کے ساتھ کافی مضبوط ہے۔

انھوں نے کہا کہ شاید لاشعوری طور پر میں ان سے متاثر ہوا، وہ دونوں شادی شدہ ہونے کے باوجود بہترین دوست بھی ہیں۔ ان کے ساتھ گھومنے کے دوران مجھے ایک زبردست قسم کے سکون کا احساس ہوا۔

View this post on Instagram

A post shared by Twinkle Khanna (@twinklerkhanna)

وہ دنوں ہی ایک دوسرے سے بلاجھجھجک ہنسی مذاق کرتے ہیں، تو میں نے محسوس کیا کہ معاشرے کے دو مختلف طبقوں سے تعلق رکھنے والے لوگوں کے لیے حقیقت میں محبت تلاش کرنا ناممکن نہیں ہے۔

کرن جوہر نے وضاحت کرتے ہوئے کہا کہ جب ہم کوئی رشتہ ڈھونڈ رہے ہوتے ہیں تو وہاں جانا پسند کرتے ہیں جہاں ہمارا مزاج ملتا ہو، تاہم آپ نہیں جانتے کہ کل، آپ کو کہیں بھی کسی سے بھی پیار ہوسکتا ہے۔

واضح رہے کہ فلم ’انٹرنیشنل کھلاڑی‘ (1999) کے سیٹ پر پیار ہونے کے بعد اکشے کمار اور ٹوئنکل کھنہ کی شادی 2001 میں ہوئی تھی۔ جوڑے کے دو بچے بیٹا آروو اور بیٹی نیتارا ہیں۔

معروف اداکارہ اور سماجی کارکن جبران ناصر کی زوجہ منشا پاشا سمجھتی ہیں کہ طلاق کی شرح بڑھنے کی وجہ سے بہت سے لوگ ڈر کر شادی ہی نہیں کررہے۔

ایک انٹرویو میں انھوں نے طلاق سے متعلق کھل کر اظہار خیال کرتے ہوئے اپنی پہلی شادی کی ناکامی اور اس کے بعد دوسری شادی پر بھی گفتگو کی۔ انھوں نے کا کہ کبھی سوچا نہیں تھا کہ ان کی شادی کا اختتام ایسے ہوگا جب کہ طلاق کے صدمے سے نکلنے میں پانچ سال کا وقت لگا

اداکارہ کا کہنا تھا کہ شادی سے پہلے انسان آزاد ہوتا ہے لیکن شادی کے بعد اس کی تمام زندگی تبدیل ہوجاتی ہے اور وہ دوسرے شخص کو ذہن میں رکھ کر زندگی گزار رہا ہوتا ہے۔

منشا پاشا کے مطابق بہت سارے لوگ اس لیے شادی نہیں کر رہے کیوں کہ انھیں لگتا ہے جب شادی کے بعد طلاق ہونی ہے تو پھر شادی نہ ہی کی جائے تو بہتر ہے۔

منشا پاشا ذاتی معلومات کو سامنے لانے پسند نہں کرتیں تاہم اکثر لوگوں کو اس بات کا علم ہے کہ ان کی پہلی شادی طلاق پر ختم ہوئی تھی۔ پروگرام میں بات کرتے ہوئے انہوں نے شوہر جبران ناصر سے تعلقات کے حوالے سے بھی بات کی اور بتایا کہ شادی سے قبل ہی ان کے درمیان کئی سال سے دوستی تھی۔

اداکارہ نے بتایا کہ وہ اور جبران سوشل میڈیا پلیٹ فارم پر ایک دوسرے کے دوست تھے،تاہم مشترکہ دوستوں کے ساتھ وہ پہلی بار ملے، جہاں سے ان کے درمیان گہرے تعلقات شروع ہوئے جو بعد میں شادی میں تبدیل ہوگئے۔

منشا پاشا نے بتایا کہ ان کی پیدائش حیدرآباد میں ہوئی، جب کہ ان کے والد نوابشاہ اور والدہ کا تعلق دادو ضلع سے ہے۔

پاکستان کی نامور اداکارہ اقرا عزیز اور ان کے دو سالہ بیٹے کبیر کی مضحکہ خیز ویڈیو سوشل میڈیا پر وائرل ہورہی ہے جو کہ خود یاسر حسین کی جانب سے شیئر کی گئی ہے۔

انسٹاگرام پر شیئر کی گئی ویڈیو میں دیکھا جاسکتا ہے کہ ماں اور بیٹا ایک دوسرے کا کردار نبھا رہے ہیں، کبیر ٹہل ٹہل کر فون پر بات کرتے ہوئے نظر آرہے ہیں جب کہ اقرا نہایت مضحکہ خیز انداز میں بیٹے کی گاڑی پر بیٹھی اسے چلا رہی ہیں۔

یاسر نے پوسٹ شیئر کرتے ہوئے کیپشن میں لکھا کہ ‘‘کردار بدل گئے‘‘ ساتھ ہی انھوں نے مزاحیہ ایموجی بھی بنائی۔

اس ویڈیو میں اداکارہ ایک چھوٹے بچے کی طرح ایکٹنگ کرتی دکھائی دے رہی ہیں اور اپنے بیٹے کی کار پر بیٹھ کر اسے ریموٹ سے آگے پیچھے کررہی ہیں۔

View this post on Instagram

A post shared by Yasir Hussain (@yasir.hussain131)

اسی دوران فون پر ان کا بیٹا کسی فرضی شخص سے بہت سنجیدگی کے ساتھ بات کرتا دکھائی دے رہا ہے۔ وہ اقرا کے پاس آتا ہے اور آگے جانے کے لیے انھیں راستے سے ہٹنے کا کہتا ہے۔

اس ویڈیو کو کچھ ہی گھنٹو میں اب تک 2 لاکھ سے زائد بار دیکھا جاچکا جب کہ صارفین ماں بیٹے کی محبت پر اپنی رائے دیتے بھی نظر آرہے ہیں۔

View this post on Instagram

A post shared by Yasir Hussain (@yasir.hussain131)