بنگلہ دیش کی سابق وزیر اعظم شیخ حسینہ کا کہنا ہے کہ وہ ایک دن ضرور اپنے ملک واپس جائیں گی اور اپنی سیاسی جماعت عوامی لیگ کے ارکان و کارکنوں کو نشانہ بنانے والوں کو انصاف کے کٹہرے میں لائیں گی۔

میڈیا رپورٹس کے مطابق شیخ حسینہ بنگلہ دیش میں اپنے خلاف ملک گھیر احتجاج کے بعد بھارت فرار ہوگئی تھیں اور تب وہ وہیں ہیں۔ انہوں نے سوشل میڈیا پر پارٹی رہنماؤں کے اہل خانہ کے ساتھ گفتگو میں کہا کہ اللہ نے مجھے کسی وجہ سے زندہ رکھا اور وہ دن آئے گا جب انصاف لایا جائے گا۔

بنگلہ دیش کی عبوری حکومت کے چیف ایڈوائزر محمد یونس کو نشانہ بناتے ہوئے انہوں نے کہا کہ وہ ایسا شخص ہے جس نے کبھی عوام سے محبت نہیں کی۔

یہ بھی پڑھیں: محمد یونس نے مودی سے ملاقات میں شیخ حسینہ کی حوالگی کا مطالبہ کیا، مودی کا انکار

انہوں نے کہا کہ محمد یونس نے بہت کم شرح سود پر قرض دیا اور اس رقم کو بیرون ملک شاہانہ زندگی گزارنے کیلیے استعمال کیا، تب ہم اس کے دوغلے پن کو نہیں سمجھ سکے اس لیے ہم نے اس کی بہت مدد کی، اس نے اپنے لیے اچھا کیا پھر اقتدار کی ہوس پیدا کی جو اب بنگلہ دیش کو جلا رہی ہے۔

سابق وزیر اعظم نے مزید کہا کہ بنگلہ دیش اب ایک دہشت گرد ملک میں تبدیل ہو چکا ہے، ہمارے رہنماؤں اور کارکنوں کو اس طرح قتل کیا جا رہا ہے جسے بیان نہیں کیا جا سکتا، عوامی لیگ، پولیس، وکلاء، صحافی، فنکار اور سب کو نشانہ بنایا جا رہا ہے۔

بنگلہ دیش میں میڈیا پر پابندی کا الزام لگاتے ہوئے ان کا کہنا تھا کہ وہاں عصمت دری، قتل، ڈکیتی اور کچھ بھی رپورٹ نہیں کیا جا سکتا، اگر کسی نے رپورٹ کیا تو ٹی وی چینل یا اخبار کو نشانہ بنایا جائے گا۔

شیخ حسینہ کا کہنا تھا کہ میں نے ایک دن میں والدین، بھائی اور سب کو کھو دیا اور پھر انہوں نے ہمیں ملک واپس نہیں آنے دیا، اللہ میری حفاظت کرتا رہتا ہے، شاید وہ میرے ذریعے کوئی کچھ اچھا کروانا چاہتا ہے۔

امریکی صدر کی متنازع پالیسی کے سبب ٹیسلا کے سی ای او اور ڈونلڈ ٹرمپ کے قریبی ساتھی ایلون مسک کی نومبر 2024 کے بعد پہلی بار مجموعی مالیت 300 بلین ڈالر سے کم ہوگئی۔

میڈیا رپورٹس کے مطابق حال ہی میں امریکی صدر نے درجنوں ممالک پر ٹیرف عائد کرنے کا اعلان کیا جس سے اب ان کے قریبی افراد بھی متاثر ہونے لگے ہیں۔

گزشتہ روز پیر کو امریکی اسٹاک مارکیٹوں میں زبردست گراوٹ دیکھی گئی جس سے دنیا بھر کے سرمایہ کاروں کے کھربوں ڈالر ڈوب گئے۔

یہ بھی پڑھیں: ٹرمپ اور ایلون مسک کے خلاف مختلف ممالک میں مظاہرے

بلومبرگ بلینیئر انڈیکس کے مطابق عالمی منڈی کے کریش کرنے کے باعث ایلون مسک کو گزشتہ روز 4.4 بلین ڈالر کا نقصان اٹھانا پڑا۔

2025 میں اب تک ایکون مسک کو تقریباً 134.7 بلین ڈالر کا نقصان ہو چکا ہے۔

گزشتہ روز بلومبرگ کی دنیا کے 500 امیر ترین افراد کی فہرست میں ایلون مسک چھٹے نمبر پر تھے جن کی دولت کو بھاری نقصان پہنچا، مجموعی طور پر انڈیکس 271 بلین ڈالر گر گیا۔

عالمی منڈیوں میں یہ صورتحال اُسا وقت دیکھی گئی جب چین نے 34 فیصد امریکی ٹیرف کے جواب میں امریکا سے درآمد کی گئیں اشیاء مزید بھاری ٹیرف عائد کرنے کا اعلان کیا۔

ایک رپورٹ کے مطابق ڈونلڈ ٹرمپ کے ان متنازع اقدامات کی وجہ سے ایلون مسک کافی پریشان ہیں اور انہوں نے امریکی صدر سے نئے ٹیرف واپس لینے کی درخواست کی ہے۔

چین کے 50 فیصد ٹیرف لگانے کی دھمکی کے بعد ایلون مسک نے عوامی سطح پر اپنی مخالفت کا اظہار کیا لیکن انہوں نے امریکی صدر سے براہ راست اپیل بھی کی کہ وہ ان اقدامات کو واپس لے لیں۔

رپورٹ میں مزید کہا گیا ہے کہ انہوں نے جارحانہ ٹیرف کو روکنے کی کوشش کرتے ہوئے ڈونلڈ ٹرمپ کے ساتھ براہ راست بات چیت کی تھی لیکن ان کی کوششیں کامیاب نہیں ہوئیں۔