نیویارک : پاکستان چار سال کیلئے اقوام متحدہ کے کمیشن برائے منشیات کا رکن منتخب ہوگیا اور اقوام متحدہ کی اقتصادی وسماجی کونسل کی زبردست حمایت پر شکریہ ادا کیا۔

تفصیلات کے مطابق پاکستان کو چار سال کیلئے اقوام متحدہ کے کمیشن برائے منشیات کا رکن منتخب کرلیا گیا۔

پاکستان کا انتخاب اقوام متحدہ کی اقتصادی وسماجی کونسل کےالیکشن میں کیا گیا ، جس میں  سال 2026 سے سال 2029 تک کمیشن برائے منشیات کا ممبر منتخب کیا گیا ہے۔

اعلامیے میں کہا گیا ہے پاکستان اقوام متحدہ کی اقتصادی وسماجی کونسل کی زبردست حمایت پر شکرگزار ہے اور کمیشن برائے منشیات کارکن منتخب ہونا اعتماد اور بھروسہ کا اظہار ہے۔

اعلامیے میں کہنا تھا کہ پاکستان عالمی انسدادمنشیات کی کوششوں اور کثیرالجہتی مباحثوں میں مؤثرکردار کیلئےتیار ہے۔

اعلامیے میں مزید کہا گیا کہ عالمی سطح پرانسدادمنشیات کی کوششوں میں پیش پیش رہا ہے، ساتھ ہی منشیات اسمگلنگ،پیداوار،استعمال کیخلاف نمایاں کرداراداکررہا ہے۔

شانگلہ : تحصیل الپوری مٹہ اغوان میں گاڑی کھائی میں گرنے سے چار افراد جاں بحق اور ایک زخمی ہوگیا، حادثہ تیز رفتاری باعث پیش آیا۔

تفصیلات کے مطابق شانگلہ کی تحصیل الپوری مٹہ اغوان میں گاڑی کھائی میں جاگری ، حادثے میں چار افراد موقع پر جاں بحق ہوگئے اور ایک زخمی ہوگیا۔

ریسکیو حکام نے بتایا کہ حادثہ تیز رفتاری باعث پیش آیا اور کار بے قابو ہو کر کھائی میں جاگری۔

ریسکیو حکام کا کہنا تھا کہ لاشیں اور زخمی کو ڈی ایچ کیو اسپتال منتقل کردیا گیا ہے جاں بحق افراد کا تعلق ملتان سے ہے۔

دوسری جانب گوجرانوالہ مین تیز رفتار لوڈر رکشہ الٹ گیا، جس کے نتیجے میں 7 افراد زخمی ہوگئے، حادثہ سالار منہیس اسٹاپ کامونکی کے قریب پیش آیا، یوٹرن کے قریب تیز رفتاری میں رکشہ الٹا۔

زخمیوں میں 35 سالہ اکرم،10سالہ عدنان،16سالہ کنزی،15سالہ ارم، 28سالہ آسیہ،20سالہ اسماء اور27سالہ زکیہ بی بی شامل ہیں، جنہیں اسپتال منتقل کردیا گیاہے۔

ایک اور حادثے میں فورٹ منرو میں سیاحوں کی کوچ حادثے کا شکار ہوگئی، جس کے نتیجے میں تین افراد جاں بحق اور تیس سے زائد مسافر زخمی ہوگئے۔

کوچ میں خواتین، بچے اور مرد سوار تھے، تمام مسافرملتان کے رہائشی اور ایک ہی خاندان کے افراد تھے۔

ابتدائی اطلاعات کے مطابق کوچ بریک فیل ہونے کے باعث بے قابو ہو کر پہاڑ سے ٹکرائی، مقامی افرادنےاپنی مدد آپ کے تحت زخمیوں کو قریبی اسپتال منتقل کیا، اسپتال ذرائع کے مطابق کئی زخمیوں کی حالت تشویشناک ہے۔

چکوال : میال ڈیم میں دو خواتین سمیت تین افراد ڈوب کر جاں بحق ہوگئے ، متاثرہ خاندان پکنک کے لئے میال ڈیم گیا ہوا تھا۔

تفصیلات کے مطابق چکوال کی تحصیل تلہ گنگ کے میال ڈیم میں 2 خواتین سمیت 3 افراد ڈوب ہوگئے ، ریسکیو ذرائع نے بتایا کہ تینوں کی لاشیں نکال لی گئیں۔

ریسکیو ذرائع کا کہنا تھا کہ جاں بحق ہونے والا نعمان بیوی اور بھابھی کے ہمراہ پکنک منانے ڈیم پر آیا تھا۔

دوسری جانب وزیرآباد کے خانکی بیراج میں 4 لڑکیاں نہاتے ہوئے ڈوب گئیں، ریسکیو ذرائع نے بتایا کہ 3 لڑکیوں کو بچالیا گیا اور ایک کی لاش نکال لی گئی۔

ذرائع کا کہنا تھا کہ زندہ بچ جانےوالی لڑکیوں میں سے ایک کی حالت تشویشناک ہیں ، فیملی خانکی بیراج کے مقام پر پکنک منانے آئی تھی۔

عینی شاہدین نے بتایا کہ وزیرآبادچاروں کزنز نہاتے ہوئے گہرے پانی میں چلے گئیں۔

اسلام آباد : سابق انسپکٹر جنرل (آئی جی) پولیس سندھ اور موٹروے راجہ رفعت مختار کو وفاقی تحقیقاتی ایجنسی (ایف آئی اے) کا  نیا ڈائریکٹر جنرل (ڈی جی) مقرر کر دیا گیا ہے۔

تفصیلات کے مطابق وفاقی حکومت نے آئی جی موٹرویزراجہ رفعت مختار کو ڈی جی ایف آئی اے مقرر کر دیا اور تعیناتی کا نوٹیفکیشن جاری کر دیا گیا ہے۔

مختار کو اس سے قبل 2024 میں نیشنل ہائی وے اینڈ موٹروے پولیس کا آئی جی تعینات کیا گیا تھا۔

دوسری جانب پولیس سروس میں گریڈ 20 کے افسر وقار الدین سید کو نیشنل سائبر کرائم ایجنسی کا ڈی جی تعینات کر دیا گیا ہے۔

پولیس سروس آف پاکستان کے افسر عمران یعقوب منہاس جنہیں حال ہی میں گریڈ 22 میں ترقی دی گئی تھی، ان کو وزیراعظم کی انسپکشن ٹیم کا رکن بنایا گیا ہے وہ اس سے قبل محکمہ انسداد دہشت گردی سندھ کے ایڈیشنل آئی جی کے طور پر خدمات انجام دے رہے تھے۔

اس کے علاوہ پولیس سروس آف پاکستان میں گریڈ 22 کے افسر محمد شہزاد سلطان کی خدمات کو نیشنل سکول آف پبلک پالیسی میں منسٹر انسٹرکٹر کے طور پر برقرار رکھا گیا ہے۔

یاد رہے جنوری میں وفاقی تحقیقاتی ادارے کے ڈائریکٹر جنرل احمد اسحاق جہانگیر کو عہدے سے ہٹا دیا گیا تھا ، بعد ازاں ایڈیشنل ڈی جی جان محمد کو ڈی جی ایف آئی اے کا اضافی چارج دیا گیا تھا،