خاتون نے بلی کو بچانے کے لیے اپنی جان خطرے میں ڈال دی جس کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر جاری کردہ ویڈیو میں دیکھا جاسکتا ہے کہ خاتون نے جب بلی کو سمندر میں ڈوبتے ہوئے دیکھا تو اپنی جان کی پرواہ کیے بغیر اس کو بچانے کے لیے پہنچ گئی۔
خاتون سمندر میں جاکر بلی کو بچانے میں کامیاب ہوئی اور اسے پکڑ کر ساتھ لے آئی۔
سوشل میڈیا صارفین کی جانب سے خاتون کو ’ہیرو‘ کا لقب دیا جارہا ہے اور ان کی تیراکی کی بھی تعریف کی جارہی ہے۔
ویڈیو کو انسٹاگرام پر ’اوریوی‘ کے پیج سے شیئر کیا گیا جسے ہزاروں کی تعداد میں ویوز حاصل ہوچکے ہیں۔
ایک صارف نے لکھا کہ بہت اچھا کیا آپ ہیرو ہیں، میں جانوروں سے محبت کرتا ہوں میں نے بھی ایک بار بلی کو بچایا ہے۔
دوسرے صارف نے لکھا کہ ’خاتون کی بہادری کی داد دینی چاہیے۔‘
