کراچی: آج بھی کاروباری روز کے دوران سونے کی فی تولہ قیمت میں بڑا اضافہ ہوا۔
آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 1620 روپے مزید بڑھ گئی، جس کے بعد فی تولہ سونا 3 لاکھ 25 ہزار روپے کا ہوگیا۔
10 گرام سونے کی قیمت میں 1389 روپے کا اضافہ ہوا ہے، جس کے بعد 10 گرام سونا 2 لاکھ 78 ہزار 635 روپے کا ہوگیا۔
عالمی مارکیٹ میں سونا 10 ڈالر اضافے سے 3084 ڈالر فی اونس کا ہوگیا۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
معروف اداکار جوڑی عائزہ خان اور دانش تیمور کی بڑی بیٹی نے رمضان کا پہلا روزہ رکھ لیا، اداکارہ نے سوشل میڈیا پر تصاویر شیئرکیں۔
سوشل میڈیا پلیٹ فارم انسٹاگرام پر عائزہ خان نے اپنے بچوں اور اہلخانہ کے ہمراہ تصاویر شیئر کرتے ہوئے بتایا کہ ان کی بیٹی حورین نے الحمداللّٰہ رمضان المبارک میں پہلا روزہ رکھا ہے، تمام لوگ اس موقع پر کافی خوش نظر آرہے ہیں۔
عائزہ نے افطاری کی ٹیبل پر سجے کھانوں اور اپنی بیٹی حورین کی متعدد تصاویر شیئر کیں، پہلے روزے کے موقع پر عائزہ اور دانش کی بیٹی اور بیٹے نے ہار پہنا ہوا ہے۔
اورنگ آباد: بھارتی ریاست مہاراشٹر میں والدین نے گود لی ہوئی معصوم 4 سالہ بچی کو سفاکی سے قتل کر دیا۔
بھارتی میڈیا رپورٹس کے مطابق مہاراشٹر میں ضلع اورنگ آباد کے قصبے سلوڈ میں چار سالہ گود لی ہوئی بچی کے قتل کا دل دہلا دینے والا واقعہ پیش آیا ہے۔
پولیس حکام کا کہنا تھا کہ بچی کی موت مار پیٹ اور سر پر کسی بھاری چیز لگنے سے ہوئی ہے، ابتدائی تفتیش میں معلوم ہوا کہ قتل ہونے والی لڑکی کا نام آیت فہیم شیخ ہے، جس کے قتل کی وجہ تاحال معلوم نہیں ہو سکی ہے۔
پولیس نے دونوں ملزمان فہیم شیخ ایوب اور فوزیہ شیخ فہیم کو گرفتار کر لیا ہے، جن کے پہلے سے 4 بچے تھے، تاہم لڑکی کی خواہش میں انھوں نے لڑکی گود لینے کا فیصلہ کیا، اور 6 ماہ قبل جالنا کے شیخ نسیم عبدالقیوم سے 4 سالہ بچی آیت شیخ کو گود لیا۔
پولیس کے مطابق بدھ کی رات میاں بیوی نے اس لڑکی کو مارا پیٹا، اور لڑکی کے سر پر کسی سخت چیز سے وار کیا، جس سے اس کی جان چلی گئی، میاں بیوی نے اس کی لاش کو چھپکے سے دفنانے کی کوشش کی لیکن پڑوسیوں نے شک ہونے پر پولیس کو اطلاع کر دی۔
پولیس نے لڑکی کی لاش کو پوسٹ مارٹم کے لیے بھیج دیا ہے، ملزم میاں بیوی نے پولیس کے سامنے انکشاف کیا کہ انھوں نے لڑکی کو جالنا کے شیخ نسیم سے 5000 روپے میں خریدا تھا، بچی کا سودا جعفرآباد کے ایک مڈل مین کے ذریعے ہوا، جس کے دستاویزات بھی موجود ہیں۔
پولیس کا کہنا ہے کہ بچی کو مارنے کی وجہ فی الوقت معلوم نہیں ہو سکی ہے، بچی کو گود لینے کے عمل کی چھان بین کی جائے گی، اگر یہ عمل غیر قانونی پایا گیا تو بچی کے حیاتیاتی والد کے خلاف بھی مقدمہ درج کیا جائے گا۔
پولیس کے مطابق لڑکی کے حیاتیاتی والدین نازیہ فیروز خان اور شیخ نسیم عبدل کی طلاق ہو چکی ہے، نسیم نشے کا عادی تھا، بیوی نے طلاق لے کر کسی اور سے شادی کر لی، اس کی 5 بیٹیاں تھیں جن میں سے وہ 4 کو اپنے ساتھ لے گئی، جب کہ سب سے چھوٹی آیت اپنے والد کے ساتھ رہتی تھی۔
میانمار اور تھائی لینڈ میں 7.7 شدت کے تباہ کن زلزلے سے متعدد عمارتیں زمین بوس ہوگئیں جبکہ بڑے پیمانے پر جانی نقصان بھی ہوا ہے۔ زلزلے کے نتیجے میں 1000 سے زائد افراد کے ہلاک ہونے کی اطلاعات ہیں، ایسے میں ایلون مسک نے مدد کا ہاتھ بڑھایا ہے۔
غیر ملکی ذرائع ابلاغ کے مطابق ایسی صورتحال میں اسپیس ایکس کے سربراہ ایلون مسک کی جانب سے بھی مدد کی پیشکش کی گئی ہے۔
ایلون مسک نے اسٹارلنک کٹ فراہم کرنے کی پیشکش کی ہے تاکہ متاثرہ علاقوں میں رابطے بحال کرنے میں مدد مل سکے۔
مسک کا اپنی سوشل میڈیا پر پوسٹ میں کہنا تھا کہ ”میانمار اور تھائی لینڈ میں زلزلے سے ہونے والے نقصان پر دکھی ہوں، اسپیس ایکس کی ٹیم اسٹارلنک کٹس فراہم کرنے کے لیے تیار ہے تاکہ مواصلاتی ضروریات اور امدادی کارروائیوں میں تعاون کیا جا سکے۔
واضح رہے کہ اسٹارلنک ایک سیٹلائٹ انٹرنیٹ سروس ہے جو دور دراز اور دشوار گزار علاقوں میں انٹرنیٹ کی سہولت فراہم کرتی ہے، جہاں انٹرنیٹ کی رسائی میں مشکلات کا سامنا کرنا پڑتا ہے۔
دوسری جانب مسک نے ایکس اپنی مصنوعی ذہانت کی کمپنی ایکس اے آئی کو تینتیس ارب ڈالر میں فروخت کرنے کا اعلان کردیا ہے۔
مسک کا مقصد مختلف کمپنیوں کو آپس میں یکجا کرنا ہے تاکہ مصنوعی ذہانت کے ماڈلز کی تربیت کو مزید آسان بنایا جا سکے۔
مسک نے اس اقدام کو بڑی حکمت عملی کا حصہ قرار دیا،جس میں مختلف کاروباری اداروں جیسے ٹیسلا، اسپیس ایکس اور ایکس اے آئی کے درمیان تعاون بڑھایا جائے گا۔ مسک نے دوہزار بائیس میں ٹوئٹر کو چوالیس ارب ڈالر میں خریدا تھا۔
پاکستان دنیا کے سب سے زیادہ ماحولیاتی خطرے سے دوچار ممالک میں شامل ہے۔ ہر سال بڑھتے ہوئے درجہ حرارت اور بدلتے ہوئے بارش کے پیٹرن ہمارے کسانوں، خاص طور پر کپاس کے کاشت کاروں کو نقصان پہنچا رہے ہیں۔
کپاس ایک حساس فصل ہے، جو تاخیر سے کاشت ہونے کی صورت میں کم پیداوار، زیادہ کیڑوں کے حملے (جیسے پنک بول ورم) اور بیماریوں کے پھیلاؤ کا شکار ہو جاتی ہے۔ لیکن اس کا ایک آسان اور مؤثر حل موجود ہے – جلد کاشت!
مارچ اور اپریل میں کپاس کی کاشت سے کسان 14 سے 35 فی صد تک زیادہ پیداوار حاصل کر سکتے ہیں۔ پھول بڑے، نشوونما بہتر اور بیماریوں کا دباؤ کم ہوتا ہے۔ جو کسان 15 اپریل تک کپاس کاشت کرتے ہیں، وہ فی ایکڑ 1,50,000 روپے تک کما سکتے ہیں۔ پنجاب حکومت پہلے ہی ان کسانوں کے لیے 25,000 روپے کی مالی امداد فراہم کر رہی ہے جو 15 فروری سے 31 مارچ کے درمیان کپاس کاشت کریں گے۔
ٹیکسٹائل انڈسٹری کی ضرورت
لیکن یہ صرف کسانوں کی مدد کا معاملہ نہیں – یہ پاکستان کی معیشت کو مستحکم کرنے کا موقع ہے۔ ہماری ٹیکسٹائل انڈسٹری – جو ملک کا سب سے بڑا صنعتی شعبہ ہے – مکمل طور پر کپاس پر منحصر ہے۔ جلد کاشت ہونے والی کپاس اعلیٰ معیار کی ہوتی ہے، جو ہماری ٹیکسٹائل ملوں کو بہترین خام مال فراہم کرتی ہے۔ اس کا مطلب زیادہ برآمدات، زیادہ روزگار، اور مضبوط زرمبادلہ کے ذخائر ہیں۔ اس سے ہماری کپاس کی درآمد پر انحصار بھی کم ہوگا۔
کپاس صرف ایک فصل نہیں – یہ ہماری زمین، ہماری فیکٹریوں اور ہماری معیشت کی جان ہے۔ آج فیصلہ کریں – جلد کاشت کریں، زیادہ کمائیں، اور پاکستان کی معیشت کو سپورٹ کریں!
معاشی تحقیقاتی ادارے کی رپورٹ
معاشی تحقیقاتی ادارے اکنامک پالیسی اینڈ بزنس ڈویلپمنٹ کی رپورٹ میں کہا گیا ہے کہ اپریل کے وسط تک اپریل کی کاشت بہتر پیداوار دے سکتی ہے، کپاس کی فصل کو موسمیاتی تبدیلیوں کے نقصان سے بچانے کےلیے جلدی کاشت بہتر ہے، اور کپاس کی دیر سے بوائی کے موسمیاتی اثرات خطرناک ہو سکتے ہیں۔
ای پی بی ڈی کے مطابق کپاس کی دیر سے بوائی سے گلابی سنڈی کے حملوں کا خدشہ بڑھ جاتا ہے، اور یہ فی ایکڑ پیداوار متاثر کر سکتی ہے، کپاس کی بوائی 15 اپریل تک کی جائے تو پیداوار میں 14 سے 35 فیصد تک اضافہ ہو سکتا ہے، اور کسان ڈیڑھ لاکھ روپے فی ایکڑ تک منافع حاصل کرسکتا ہے۔
ای پی بی ڈی کے مطابق کپاس کی بروقت بوائی کے لیے پنجاب حکومت کا 25 ہزار روپے کا اعلان خوش آیند ہے، کپاس کی بہتر پیداوار معاشی ترقی کے لیے بہتر ہے، اس سے روزگار میں اضافہ ہو سکتا ہے، اور کپاس کی بہتر پیداوار غربت میں کمی کا سبب بن سکتی ہے۔
اسلام آباد: ڈریپ کی جانب سے جعلی، غیرمعیاری اور غیررجسٹرڈ ادویات کےخلاف کریک ڈاؤن کیا گیا، کمپنی سیل کرتے ہوئے ایک ملزم کو گرفتار کرلیا گیا۔
اے آر وائی نیوز کے مطابق لاہور میں نجی اسپتال سے غیررجسٹرڈ لیپیوڈول الٹرالیکوئڈ کی فروخت میں ملوث ملزم کو گرفتار کرلیا گیا ہے، سی او ڈریپ نے بتایا کہ ڈسٹری بیوٹرز کے خلاف چھاپہ مارا گیا، غیرقانونی اشیا برآمد کرتے ہوئے کمپنی کو سیل دیا گیا۔
سی او ڈریپ نے بتایا کہ لاہور میں غیرقانونی انجکشن فروخت کرنے والوں کو گرفتار کیا گیا، بغیر لائسنس کہوٹہ روڈ پر پلاسٹک یورین کلیکشن کنٹینرز تیارکرنے والی فیکٹری پکڑی گئی۔
ڈریپ حکام نے بتایا کہ فیکٹری سے غیرقانونی اشیا ضبط کرکے سیل کردیا گیا، مارکیٹ میں جعلی پروپیلین گلائکول کی موجودگی پر فوری الرٹ جاری کردیا گیا ہے۔
سی او ڈریپ نے کہا کہ متعلقہ اداروں کو خام مال کی سخت جانچ پڑتال کی ہدایت کردی ہے، غیرقانونی طبی آلات کی تیاری، ذخیرہ میں ملوث فارماسیوٹیکل کمپنی سیل کردی گئی، صوبائی محکمہ صحت حکام کےساتھ مل کر کامیاب کارروائیاں کی گئیں۔
اسرائیلی وزیرِ اعظم نیتن یاہو نے اپنی روایتی ہٹ دھرمی برقرار رکھتے ہوئے دھمکی دی ہے کہ اسرائیل کے لیے کسی بھی ممکنہ خطرے کی صورت میں لبنانی علاقوں پر حملہ آور ہوں گے۔
غیر ملکی میڈیا کے مطابق جنوبی لبنان اور بیروت کے جنوبی مضافی علاقوں پر جاری فضائی حملوں کے حوالے سے نیتن یاہو نے اپنے بیان میں کہا ہے جو لوگ لبنان کی صورتِ حال کو نہیں سمجھتے تھے انہیں ہمارے عمل سے ہماری سوچ کا پتہ چل گیا ہوگا۔
واضح رہے کہ اسرائیل کی جانب سے گزشتہ روز جنگ بندی معاہدے کے بعد لبنان پر پہلی بم باری کی گئی۔
بیروت پر اسرائیلی فضائی حملوں کو لبنان کے صدر جوزف عون نے اسرائیل اور لبنان جنگ بندی معاہدے کی خلاف ورزی قرار دیا ہے۔
دوسری جانب اسرائیلی فورسز کی جانب سے غزہ کی پٹی میں خون کی ہولی کھیلنے کا سلسلہ جاری ہے، 10 روز میں 900 سے زائد فلسطینیوں کو شہید کردیا گیا۔
غزہ میں فلسطینی وزارت صحت کے اعداد و شمار میں بتایا گیا ہے کہ گزشتہ 24 گھنٹوں میں غزہ میں اسرائیلی فورسز کی بمباری اور حملوں کے باعث 43 فلسطینی شہد اور 115 زخمی ہوگئے۔
سرحدی چوکی لکھانی پر حملے کے بعد پنجاب پولیس کے سرچ آپریشن کے دران 3 دہشت گردوں کو ہلاک کردیا گیا، کئی دہشت گرد زخمی بھی ہوئے۔
اے آر وائی نیوز کے مطابق ترجمان پنجاب پولیس نے بتایا کہ لکھانی پر حملے کے بعد آپریشن کےدوران 3 دہشت گرد ہلاک جبکہ متعدد دہشت گرد زخمی ہوئے، پنجاب پولیس، سی ٹی ڈی و دیگر اداروں نے آج صبح سرچ آپریشن کیا۔
ترجمان پنجاب پولیس نے بتایا کہ ڈی جی خان پولیس نے گزشتہ رات 20 سے 25 دہشتگردوں کا حملہ ناکام بنایا تھا، جوابی کارروائی کے دوران دہشت گرد اپنا سامان چھوڑ کر بھاگ گئے تھے۔
آئی جی پنجاب نے کہا کہ پنجاب پولیس ملکی سلامتی کے دشمن خوارج دہشتگردوں کیخلاف سیسہ پلائی دیوارہے، پنجاب پولیس الرٹ ہے، دہشتگردوں کو داخل نہیں ہونےدیں گے۔
امریکا میں محکمہ ٹرانسپورٹ کی تازہ رپورٹ میں بڑا انکشاف ہوا ہے کہ پچھلے سال 8 ہزار پیدل چلتے انسان ٹریفک حادثات کا شکار ہو کر اپنی زندگیوں سے محروم ہوگئے، اس طرح ہر روز پیدل چلتے تقریباً 20 افراد موت کے منہ میں چلے گئے۔
بین الاقوامی خبر رساں ادارے کی رپورٹ کے مطابق امریکی محکمے کی رو سے امریکا میں گاڑیوں کی بڑھتی تعداد اہم وجہ ہے، گویا امریکی سڑک کے آس پاس چلنا خطرناک وجان لیوا فعل بن چکا ہے۔
امریکی عوام کا مطالبہ ہے کہ پیدل چلنے والوں کو تحفظ دینے کے لیے سخت قوانین بنائے جائیں تاکہ قیمتی جانوں کے ضیاع سے بچا جاسکے۔
دوسری جانب سعودی عرب کے ٹریفک جنرل ڈیپارٹمنٹ نے 2023 میں مدینہ ریجن میں ٹریفک حادثات کی تین اہم وجوہات کی نشاندہی کی ہے۔
محکمہ کے مطابق گاڑیاں چلاتے وقت ہاتھوں کے ذریعے موبائل فون کا استعمال اس خطے میں ٹریفک حادثات کی کی سب بڑی وجہ پایا گیا۔
اس کے علاوہ دوران سفر اچانک سڑک کی لین کی تبدیلی اور گاڑیوں کے درمیان محفوظ فاصلہ برقرار نہ رکھنا بھی ٹریک حادثات کی دو بڑی وجوہات میں شامل ہیں۔
اس حوالے سے لوگوں میں آگہی پیدا کرنے کیلیے حادثات سے بچاو? سے متعلق سیمینار اور نمائش جاری ہے جس میں متعلقہ حکام شہریوں کا ٹریفک حادثات سے بچاو? کے لیے پیشگی ہدایات فراہم کر رہے ہیں۔
وزارت داخلہ کی جانب سے مدینہ منورہ میں ٹریفک سیفٹی کے بارے میں ٹریفک پولیس کے تعاون سے عوامی آگاہی نمائشی کا اہتمام کیا ہے۔
کراچی: سولجر بازار میں ڈکیتی مزاحمت پر جاں بحق نوجوان طاہر بزنجو کو قتل کرنے والا ایک اور ملزم ایس آئی یو کی بجائے لوکل پولیس کے ہاتھوں مارا گیا۔
تفصیلات کے مطابق 31 مارچ 2024 کو آئی جی سندھ نے ڈکیتی مزاحمت پر قتل ہونے والے تمام کیسز کا ٹاسک اسپیشل انویسٹگیشن یونٹ (ایس آئی یو) کو سونپ دیا تھا، لیکن اسپیشلائزڈ یونٹ آئی جی سندھ کی توقعات پر پورا اترنے میں مکمل ناکام نظر آتی ہے۔
2024 میں 112 شہری ڈکیتی مزاحمت پر جاں بحق ہوئے تھے، جب کہ 2025 میں اب تک 23 شہری ڈکیتی کے دوران جاں بحق ہو چکے ہیں، ایس آئی یو 2024 کی طرح 2025 میں بھی مکمل طور پر ناکام رہی ہے۔
سولجر بازارمیں 4 فروری 2025 کو ڈکیتی مزاحمت پر طاہر بزنجو نامی نوجوان کو قتل کرنے والا ایک اور ملزم گزشتہ رات کو شاہراہ فیصل پر پولیس اہلکار کی جانب سے مقابلے میں مارا گیا ہے، پولیس کے مطابق ملزم کی شناخت اعزاز کے نام سے ہوئی ہے، جس نے مقتول طاہر بزنجو پر گولی چلائی تھی۔
نوجوان طاہر بزنجو جن کی قیمتی زندگی کا چراغ ڈکیتی کے دوران بے رحم قاتل نے گل کر دیا، گولی لگنے کے بعد زخمی حالت میںملزمان کے گھروں کے پتے اور تصاویر تک نکال کر ایس آئی یو کو دی گئی تھیں
ملزم اعزاز کی گولی سے اس کا اپنا ساتھی عبداللہ بھی موقع پر مارا گیا تھا، اس واقعے کے بعد مقتول کے ورثا کی جانب سے ایس آئی یو کو ملزمان کی مکمل تفصیلات فراہم کی گئی تھیں، حتیٰ کے ملزمان کے گھروں کے پتے اور تصاویر تک نکال کر ایس آئی یو کو دی گئی تھیں، لیکن خصوصی یونٹ قتل کیس کے کسی بھی ملزم کو گرفتار نہ کر سکی تھی، ایس آئی یو کو یہ بھی بتایا گیا تھا کہ تمام ملزمان دھوراجی اور بہادرآباد کے رہائشی ہیں۔
گزشتہ رات مارا گیا ملزم اعزاز کئی تھانوں کی حدود میں ساتھیوں کے ہمراہ وارداتیں کر چکا تھا۔ 2024 اور 2025 میں بھی ڈکیتی مزاحمت پر قتل کے کئی مقدمات لوکل پولیس نے خود حل کیے لیکن ایس آئی یو کی کوئی ایسی کارکردگی سامنے نہ آ سکی جس کی توقع آئی جی سندھ کی جانب سے کی گئی تھی۔
لال قلعہ پر کانسٹیبل حسنات کو لوٹنے کی کوشش
ڈسٹرکٹ ایسٹ پولیس کراچی کے مطابق تھانہ بہادرآباد کی حدود میں لال قلعہ کے قریب پولیس کانسٹیبل حسنات (ایس ایس پی آفس ایسٹ) گزشتہ رات دوستوں کے ہمراہ شاپنگ کے بعد گھر واپس جا رہے تھے کہ 2 مسلح ڈاکوؤں نے روک کر انھیں لوٹنے کی کوشش کی۔
کانسٹیبل حسنات نے پیشہ ورانہ مہارت اور حکمتِ عملی کا مظاہرہ کرتے ہوئے بروقت مزاحمت کی، جس کے نتیجے میں دونوں جانب سے فائرنگ کا تبادلہ ہوا، فائرنگ کے نتیجے میں دونوں ملزمان شدید زخمی ہوئے، جو بعد ازاں ہلاک ہو گئے۔ پولیس نے موقع سے 2 غیر قانونی 30 بور پسٹلز مع ایمونیشن اور ایک بغیر نمبر موٹر سائیکل قبضے میں لے لی ہے۔
ہلاک ملزمان کی لاشیں ضابطے کی کارروائی کے لیے اسپتال منتقل کر دی گئی ہیں، پولیس حکام کے مطابق دونوں ہلاک ڈاکوؤں میں سے ایک اعزاز نامی ڈاکو جس نے ڈکیتی کے دوران نوجوان طاہر بزنجو اور اپنے ساتھی کو گولی مار کر ہلاک کر دیا تھا۔
پرانی سی سی ٹی وی فوٹیج
اس فوٹیج میں اعزاز نامی ڈاکو کو نوجوان طاہر بزنجو اور اپنے ساتھی ڈاکو پر گولی چلاتے دیکھا جا سکتا ہے۔ جسے کانسٹیبل حسنات نے گزشتہ رات ڈکیتی کی کوشش کے دوران گولی مار کر ہلاک کر دیا ہے۔
