بلوچ ثقافت پاکستان کے دل کش سماج کا ایسا منفرد رنگ ہے جو پاکستانیوں کے ساتھ غیر ملکیوں کو بھی بہت بھاتا ہے۔
کراچی میں تعینات جرمنی کے قونصل جنرل ڈاکٹر روڈیگر لوٹز نے بلوچ کلچر ڈے کی مناسبت سے منفرد انداز اپنایا۔ جرمنی کے پرچم کے رنگ والی بلوچی پگڑی، ہاتھ میں لاٹھی اور شلوار قمیض زیب تن کر کے بلوچی ثقافت کے رنگ میں ڈھل گئے۔
انھوں نے بلوچ یوم ثقافت کی مناسبت سے بلوچی زبان میں مبارک باد بھی دی۔
اسلام آباد : پاکستان میں آج نمازِ تراویح کے روح پرور اجتماعات ہوں گے ، جس کیلئے ملک بھر کی مساجد میں خصوصی انتظامات کئے جارہے ہیں۔
تفصیلات کے مطابق پاکستان میں کل سے رمضان المبارک کی بابرکت ساعتوں کا آغاز ہورہا ہے ، آج مساجد میں نمازِ تراویح کے روح پروراجتماعات ہوں گے۔
جس کیلئے ملک بھر کی مساجد میں خصوصی انتظامات کئے جارہے ہیں، گزشتہ روز ملک بھر میں رمضان المبارک کا چاند نظر آنےکی کوئی شہادت نہیں ملی تھی۔
خیال رہے سعودی عرب، متحدہ عرب امارات، سلطنت عمان،مصر،قطر،کویت سمیت خلیجی ممالک میں آج پہلا روزہ ہے جبکہ ترکیے، انڈونیشیا اور فلسطین سمیت دنیا کے بیشتر ممالک میں ماہ رمضان کا آغاز ہوگیا ہے۔
گزشتہ روز سعودی سپریم کورٹ کی تصدیق کے بعد مسجد، الحرام اور مسجدِ بنویﷺ میں لاکھوں نمازیوں نے رمضان المبارک کی پہلی تراویح ادا کی۔
قطر میں بھی تراویح کا اہتمام کیا گیا جبکہ سڑکیں رنگ برنگ برقی قمقموں سے روشن ترکیے میں آیا صوفیا میں نمازِ تراویح کا اجتماع ہوا اور ماہ سیام کو خوش آمدید کہا گیا۔
امریکا،ملائشیا، برونائی،فلپائن اور سنگاپور میں مسلمان آج نمازِ عشاء کے بعد تراویح کا اہتمام کریں گے جبکہ بھارت، افغانستان، سرلنکا اور جاپان میں کل بروز اتوار دو مارچ کو یکم رمضان ہوگا۔
ہر سال کی طرح اس سال بھی طانیہ میں مسلم کمیونیٹی تقسیم بعض نے آج جبکہ بعض کل اتوار کو پہلا روزہ رکھیں گے۔۔
جاپان میں شرح پیدائش میں اضافے کے لیے کی جانے والی تمام تر کوششوں کے باوجود شرح پیدائش ایک سو پچیس سال کی کم ترین سطح پر پہنچ گئی۔
جاپان کی وزارت صحت کی جانب سے جاری اعداد و شمار کے مطابق حکومت کی جانب سے بچوں کی پیدائش کی شرح میں اضافے کے لیے اٹھائے گئے تمام تر اقدامات اور کوششوں کے باوجود مسلسل نویں سال شرح پیدائش میں کمی ریکارڈ کی گئی ہے۔
جاپان میں سال 2024 کے مقابلے میں بھی پانچ فیصد کم ہے جب 7 لاکھ 20 ہزار نو سو اٹھاسی بچوں کی پیدائش ریکارڈ کی گئی تھیں، شرح پیدائش میں سالہہ سال گراوٹ کے باعث جاپان میں عمر رسیدہ افراد کی تعداد بڑھتی جا رہی ہے، جاپان میں تقریباً تیس فیصد آبادی پہلے ہی 65 سال سے زیادہ عمر کی ہے۔
واضح رہے کہ کئی ممالک میں شرح پیدائش سست روی کا شکار ہے لیکن جاپان میں یہ مسئلہ خاص طور پر سنگین ہے جہاں حالیہ دہائیوں کے دوران متوقع عمر میں اضافے کی وجہ سے عمر رسیدہ افراد کی تعداد میں اضافہ ہوا ہے اور ان کی مدد کے لیے افرادی قوت میں کمی واقع ہوئی ہے۔
حکومت اس مسئلے کو حل کرنے کے لیے مختلف اقدامات کی کوشش کر رہی ہے ، جن میں بچوں کی دیکھ بھال کی سہولیات میں اضافہ، ہاؤسنگ سبسڈی کی پیش کش اور یہاں تک کہ شادی اور بچے پیدا کرنے کی حوصلہ افزائی کے لیے حکومت کے ذریعے چلائی جانے والی ڈیٹنگ ایپ کا آغاز بھی شامل ہے۔
پشاور: خیبرپختونخوا کی صوبائی حکومت نے تمام غیر قانونی مقدمات واپس لینے کا فیصلہ کر لیا ہے۔
تفصیلات کے مطابق کے پی کے ایڈیشنل ایڈووکیٹ جنرل محمد انعام یوسفزئی نے اے آر وائی نیوز سے گفتگو کرتے ہوئے کہا ہے کہ صوبے میں جس کے خلاف بھی غیر قانونی ایف آئی آرز ہیں، انھیں واپس لیا جائے گا۔
ایڈیشنل ایڈووکیٹ جنرل کے مطابق وزیر اعلیٰ علی امین گنڈاپور نے ہدایات دی ہیں کہ پورے صوبے کے غیر قانونی اور سیاسی مقدمات واپس لیے جائیں۔
محمد انعام یوسفزئی نے کہا کہ جس کے خلاف بھی مقدمہ نہیں بنتا، اسے واپس لیا جائے گا، غیر قانونی مقدمات واپس لینے سے عدالتوں پر بھی بوجھ کم ہو جائے گا، انھوں نے صوبائی حکومت کی کشادہ دلی کی ترجمانی کرتے ہوئے کہا ’’صرف پی ٹی آئی نہیں، بلکہ سب کے غیر قانونی مقدمات واپس لیے جائیں گے۔‘‘
انھوں نے کہا ہدایت کی کہ پراسیکیوٹرز میرٹ پر مقدمات دیکھیں، اور جو مقدمہ نہیں بنتا اسے واپس لیں۔ ان کا مزید کہنا تھا کہ پراسیکیوٹرز اپنے کام میں آزاد ہیں، اور ان پر کوئی دباؤ نہیں ڈال سکتا۔
واضح رہے کہ پاکستان میں سیاسی جماعتوں کے درمیان ایک دوسرے پر سیاسی نوعیت کے مقدمات بنانے کی ایک تاریخ چلی آ رہی ہے، حکمران جماعت آتے ہی سب سے پہلا کام مخالف پارٹی کے رہنماؤں کو جیلوں میں ڈالنے کا کرتی ہے، اور اس طرح ملک میں جمہوری سیاسی ماحول کی ترویج میں رکاوٹ ڈالی جاتی ہے۔
کراچی : ایڈیشنل آئی جی کراچی جاوید عالم اوڈھو نے اعتراف کیا ہے کہ ارمغان کیس میں پولیس کی نااہلی ہے، جو منشیات کی فروخت کا پتا نہ چل سکا۔
تفصیلات کے مطابق کراچی کے علاقے ڈیفینس میں کمیونٹی پولیسنگ کی تقریب سے خطاب کرتے ہوئے کراچی پولیس چیف جاوید اعلی موڈو نے کہا کہ کراچی میں24فیصد اسٹریٹ کرائم کم ہوا ہے، دسمبر،جنوری ،فروری میں جرائم کے اعدادو شمارسب سے کم رہے، 3 سال میں پہلی مرتبہ3ماہ میں جرائم کے اعدادو شمارسب سے کم رہے۔
جاویدعالم اوڈھو نے اعتراف کیا کہ ارمغان کیس میں پولیس کی نا اہلی ہے،اسکے کام کا پتا نہ چلا، ہم نے کئی افسران کے خلاف کارروائی کی ہے۔
ایڈیشنل آئی جی کراچی کا کہنا تھا کہ ارمغان 5بار پہلے پکڑا جاچکا ہے، سب لوگ اس سے خائف تھے لیکن پولیس نے اسے کئی سہولیات فراہم کی ایسے پولیس افسران کے خلاف کاروائی کی جائے گی۔
انھوں نے بتایا کہ ابھی ایک شخص کوپکڑا اس کےمنیجر کے اکاؤنٹ میں پیسے آرہےتھے، کیا اس شخص کے والد کو نہیں پتا تھا کہ اکاؤ نٹ میں پیسے آرہے تھے۔
کراچی پولیس چیف کا کہنا تھا کہ منشیات فروشی سے پیسے کمانے والوں کے خلاف گھیرا تنگ کیا جا رہا ہے، سندھ حکومت نے بھی ایسے کرمنلز کے خلاف سخت کاروائی کرنا چاہتی ہے، جو منشیات فروشی سے پیسے کما رہےہیں ان کو نہیں چھوڑنا ہے، کیس کے چالان کے بعد پولیس مزید کارروائیاں کرے گی۔
انھوں نے مزید کہا کہ آج کل کراچی میں روڈ حادثات کا مسئلہ سب سے بڑا ہے، پورٹ سٹی میں ہیوی ٹریفک کو نہیں روکا جا سکتا، ہم ایک خصوصی یونٹ بنانے جارہے ہیں،ڈمپرز، ٹینکرز میں کیمرے لگانے جارہے ہیں، کیمروں کی مدد سے ڈمپرز، ٹینکرز کی اسپیڈ بھی مانیٹر کی جاسکے گی۔
کراچی : محکمہ موسمیات نے رمضان کے آغاز پر ملک بھر میں بارش کی پیشگوئی کردی، کل اور پیر کو موسلادھار بارش کا امکان ہے۔
تفصیلات کے مطابق ملک کے بالائی علاقوں میں برف باری کا سلسلہ تھم گیا، تاہم سردی کی شدت برقرار ہے، لاہور، جہلم اور حافظ آباد سمیت پنجاب کے مختلف علاقوں میں بارش اور ژالہ باری سے موسم خوشگوار ہوگیا۔
محکمہ موسمیات نے رمضان کے آغاز پر ملک بھرمیں بارش کی پیشگوئی کرتے ہوئے کہا کہ دو اور تین مارچ کو سندھ، بلوچستان، پنجاب اور خیبرپختونخوا میں موسلادھار بارش کا امکان ہے۔
اس دوران گلگت بلتستان اور کشمیر میں بھی تیز بارش ہوسکتی ہے جبکہ ملک کے بیشتر علاقوں میں آج موسم خشک جبکہ بالائی علاقوں میں سرد رہنے کا امکان ہے۔
بالائی خیبر پختونخوا اور گلگت بلتستان میں چند مقامات پر ہلکی بارش پہاڑوں پر برفباری کی توقع ہے۔
دوسری جانب کراچی کا موسم تبدیل ہونے لگا ہے ، محکمہ موسمیات کے مطابق شہر کا موسم دن میں گرم رہے گا اور زیادہ سےزیادہ درجہ حرارت اکتیس ڈگری سینٹی گریڈ تک جانے کا امکان ہے۔
ریاض : سعودی فرمانروا شاہ سلمان بن عبد العزیز اور ولی عہد شہزادہ محمد بن سلمان نے رمضان المبارک کی آمد پر عالم اسلام کو مبارکباد دی۔
تفصیلات کے مطابق سعودی فرمانروا شاہ سلمان بن عبد العزیز اور ولی عہد شہزادہ محمد بن سلمان نے رمضان المبارک کی آمد پر عالم اسلام کو مبارکباد دیتے ہوئے کہا کہ اللہ کا شکر ادا کرتے ہیں کہ رمضان جیسے بابرکت مہینے سے نوازا۔
شاہ سلمان کا کہنا تھا کہ اللہ نے ہمیں اپنے مہمانوں کی خدمت کیلئے چُنا، یہ ہمارے لیے فخر کی بات ہے، رمضان کریم نیکیوں کا مہینہ، گناہوں کی بخشش اور اللہ کی رحمتوں کا ذریعہ ہے
شاہ سلمان بن عبدالعزیز نے امت مسلمہ کیلئے ترقی، سلامتی اور فلسطینی عوام کی حفاظت کی دعا ہے۔
سعودی وزیر اطلاعات نے خادم حرمین شریفین شاہ سلمان کا پیغام پڑھ کر سنایا۔
خیال رہے دنیا کے بیشتر ممالک میں رمضان کا آغاز ہوگیا ہے ، سعودی عرب، مصر اور خلیجی ممالک میں آج پہلاروزہ ہے، گزشتہ شب مسجد، الحرام اور مسجدِ بنویﷺ میں لاکھوں نمازیوں نے رمضان المبارک کی پہلی تراویح ادا کی۔
ملتان : ٹریڈنگ اور سرمایہ کاری کے نام پر 12 ارب کا فراڈ کرنے والے گروہ کو گرفتار کرلیا گیا، ملزمان نے 200 سے زائد افراد سے منافع کے جھوٹے وعدے کیے تھے۔
تفصیلات کے مطابق ایف آئی اے سائبرکرائم ملتان نے ملکی تاریخ کی بڑی کارروائی کرتے ہوئے ٹریڈنگ اور سرمایہ کاری کے نام پر 12 ارب کا فراڈ کرنے والے گروہ کو گرفتار کرلیا۔
ترجمان کا کہنا تھا کہ ملزمان نے 200 سے زائد افراد سے منافع کے جھوٹے وعدے کیے تھے، زاہد نامی ملزم بیرون ملک فرار کی کوشش میں لاہورایئرپورٹ سے گرفتار ہوا۔
ترجمان کا کہنا تھا کہ نشاندہی پرمزید2ملزمان کوماڈل ٹاؤن ملتان سےگرفتار کیا گیا جبکہ ملوث کمپنی کے 12 ڈائریکٹرز کے نام اسٹاپ لسٹ میں ڈال دیے گئے ہیں۔
آسٹریلین کرکٹ ٹیم کے جارح مزاج بلے باز میتھیو شارٹ کے آئی سی سی چیمپئنز ٹرافی 2025 سے باہر ہونے کا امکان ظاہر کیا جارہا ہے۔
آسٹریلیا کا چیمپئنز ٹرافی میں سیمی فائنل انڈیا یا نیوزی لینڈ کے خلاف آئندہ ہفتے ہو گا، آسٹریلیا کے جارح مزاج بلے باز میتھیو شارٹ انجری کا شکار ہونے کے باعث چیمپئنز ٹرافی کے سیمی فائنل سے باہر ہوسکتے ہیں۔
آسٹریلوی بلے باز افغانستان کے خلاف میچ میں گھٹنے کی انجری کا شکار ہوگئے تھے۔
آسٹریلوی کپتان اسٹیو اسمتھ کا کہنا ہے میرا نہیں خیال میتھیو سیمی فائنل کے لیے فٹ ہوں گے، میتھیو مشکل میں ہیں، وہ زیادہ حرکت نہیں کر سکتے تھے، میتھیو کے فٹ ہونے کے لیے وقت زیادتہ نہیں ہے۔
میڈیا رپورٹس میں کہا جا رہا ہے کہ میتھیو فٹ نہ ہوئے تو ان کی جگہ جیک فریزر میکگرک کو شامل کیا جا سکتا ہے۔
دوسری جانب آسٹریلوی کپتان اسٹیو اسمتھ نے افغانستان کے خلاف میچ میں اسپورٹس مین اسپرٹ کا مظاہرہ کیا جس کی ویڈیو سوشل میڈیا پر بھی وائرل ہوگئی۔
لاہور میں کھیلے گئے چیمپئنز ٹرافی کے نویں میچ میں آسٹریلوی وکٹ کیپر جوش انگلس نے امپائر کی جانب سے اوور پکارے جانے سے قبل ہی نور احمد کے کریز چھوڑنے پر انہیں رن آؤٹ کیا۔
ویڈیو میں دیکھا جاسکتا ہے کہ نور احمد ساتھی کھلاڑی عظمت اللہ عمرزئی سے بات کرنے بیچ پچ پر چلے گئے جبکہ امپائر نے اوور نہیں کہا تھا۔
ری پلے میں دکھایا گیا کہ نور کیریئر سے باہر ہیں لیکن اسٹیو اسمتھ نے امپائر کو تھرڈ امپائر کی جانب سے اشارہ کرنے سے منع کردیا۔
اگر اسٹیو اسمتھ اپیل واپس نہیں لیتے تو نور رن آؤٹ ہوجاتے۔
کراچی میں چوری اور لوٹ مار کی وارداتیں مزید بڑھ گئیں، ڈیفنس خیابان سحر میں موٹرسائیکل سوار ملزمان 30 سیکنڈ میں گاڑی چوری کرکے فرار ہوگئے۔
تفصیلات کے مطابق کراچی میں کارلفٹنگ کی وارداتیں رک نہ سکی، کراچی کے علاقے ڈیفنس خیابان سحر میں شہری اپنی قیمتی گاڑی سے محروم ہوگیا، شہری اپنی گاڑی اسلام آباد سے خرید کر کراچی لایا تھا۔
کار چوری کی سی سی ٹی وی فوٹیج سامنےآگئی، فوٹیج میں دیکھا گیا کہ موٹر سائیکل سوار ملزمان گھر کے باہر پارکنگ میں پہنچے، ایک ملزم نے اتر کر سیکنڈوں میں دروازہ کھولا اور گاڑی اسٹارٹ کر کے چلتا بنا۔
سی سی ٹی وی فوٹیجز میں ملزمان کو واضح دیکھا جاسکتا ہے، لیکن پولیس کئی روز بعد بھی ملزمان کا سراغ نا لگا سکی۔
دوسری جانب گوٹھ میں موٹرسائیکل سوار ملزمان نے پیڑول پمپ پر کیشئر سے اسلحے کے زور پر رقم چھین لی، یہ واردات دو روز قبل ہوئی تھی۔
اس کے عالاوہ کراچی کے علاقے سعید آباد مختار گھمن چوک پر بینک سے رقم لیکر نکلنے والا شہری لٹ گیا، مویشیوں کا تاجر بینک سے تین لاکھ روپے لے کر نکلا تھا۔
