The news is by your side.

شمالی وزیرستان میں سیکیورٹی فورسز کی کارروائی، دہشت گرد مارا گیا، جوان شہید

راولپنڈی: شمالی وزیرستان میں سیکیورٹی فورسز سے فائرنگ کے تبادلے میں دہشت گرد مارا گیا۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے شیوا میں دہشت گردوں سے فائرنگ کا تبادلہ ہوا، پاک فوج کے جوانوں نے دہشت گردوں کا بہادری سے مقابلہ کیا۔

ترجمان پاک فوج کے مطابق ہلاک دہشت گرد سیکیورٹی فورسز کے خلاف کارروائیوں میں ملوث تھا۔

آئی ایس پی آر کا بتانا ہے کہ علاقے میں دہشت گردوں کے خلاف آپریشن جاری ہے۔

ترجمان پاک فوج کا کہنا ہے کہ دہشت گردوں سے فائرنگ کے تبادلے میں حوالدار پاروش نے جام شہادت نوش کیا، شہید کی عمر 35 سال اور آبائی تعلق کوہاٹ سے تھا۔

یہ پڑھیں: شمالی وزیرستان میں فورسز کی کارروائی میں 2 دہشت گرد ہلاک

گزشتہ ماہ سکیورٹی فورسزنے شمالی وزیرستان کے علاقے میر علی میں انٹیلی جنس کی بنیاد پر آپریشن کیا تھا، فائرنگ کے تبادلے میں 2 دہشت گرد ہلاک ہوگئے تھے۔

آئی ایس پی آر کا بتانا تھا کہ ہلاک دہشت گردوں سے اسلحہ اور گولہ بارود برآمد ہوا، دہشت گرد فورسز پر حملوں اور شہریوں کے قتل میں ملوث تھے۔

Comments

یہ بھی پڑھیں