اسلام آباد : پاکستان میں سیاحتی سرگرمیاں بحال کرنے کی تیاری کرلی گئیں، زلفی بخاری نے کہا کہ وزیراعظم کی کامیاب حکمت عملی سے سیاحتی سرگرمیاں بحال ہورہی ہیں، کورونا کے خلاف کامیابی کا جشن مناتے ہوئے یہ نہ بھولیں کہ جنگ جاری ہے۔
تفصیلات کے مطابق ملک بھر میں سیاحتی سرگرمیاں بحال کرنے کی تیاری کرلی گئیں، نیشنل ٹورازم کوآرڈینیشن بورڈ کے سربراہ زلفی بخاری نے سماجی رابطے کی ویب سائٹ ٹوئٹر نے اپنے بیان میں کہا ہے کہ وزیراعظم کی کامیاب حکمت عملی سے سیاحتی سرگرمیاں بحال ہورہی ہیں، ملک بھر میں سیاحتی مراکز، ہوٹلزاور ریسٹورنٹس کھولنے جارہے ہیں۔
زلفی بخاری کا کہنا تھا کہ کورونا کے خلاف کامیابی کا جشن مناتے ہوئے یہ نہ بھولیں کہ جنگ جاری ہے، ایس او پیز پر عمل کرتے ہوئے ماسک پہنیں اور سماجی فاصلہ برقرار رکھیں۔
Thanks to PM's successful strategy, we are set to open Tourist spots from 8 Aug onwards, Restaurants/Cafes 10 Aug onwards. While we celebrate success against #COVID, we must not forget that the battle is not over yet. Please follow SOPs, wear mask and observe social distancing. pic.twitter.com/jK58ICZ42Y
— Sayed Z Bukhari (@sayedzbukhari) August 6, 2020
یاد رہے گذشتہ روز وفاقی وزیر اسد عمر نے میڈیا سے گفتگو کرتے ہوئے کہا تھا کہ کوروناوبا کے حوالے سےکافی بہتری سامنےآئی ہے، کرونا کے خلاف جنگ میں پاکستان کی کامیابی کو دنیا مان رہی ہے۔
انہوں نے کہا کہ معاشی صورتحال کی بہتری کے لیے اہم فیصلے کیے گئے ہیں، ایس او پیز کے تحت ریسٹورنٹس اور ہوٹل کھولنے کی اجازت دی جائے گی، سیاحتی مقامات کے ریسٹورنٹس اور ہوٹلز8اگست سے کھول دیں گے جبکہ سینما،تھیٹر،پبلک پارکس،میوزیم کو بھی10اگست سے کھول دیا جائے گا۔
خیال رہے وزیر اعظم پاکستان کے معاون خصوصی زلفی بخاری نے کہا تھا کہ 2021 پاکستان کی سیاحت کو بام عروج تک پہنچانے کا سال ثابت ہوگا، کرونا وائرس سے بخیر و خوبی نجات کے بعد انشا ء اللہ ملک کے طول و عرض میں ہوٹل ریسٹورنٹس، سیاحتی مراکز اور سیر گاہیں کھل جائیں گی۔