The news is by your side.

Advertisement

پاکستانی جیلوں میں 261 بھارتی قیدی ہیں، ترجمان دفتر خارجہ

اسلام آباد : پاکستان نے جیل میں قید بھارتی قیدیوں کی فہرست بھارت کے حوالے کردی ہے ، جس کے مطابق پاکستانی جیلوں میں 261 بھارتی قیدی ہیں، دونوں ممالک میں ہر 6 ماہ میں فہرستوں کا تبادلہ ہوتا ہے۔

تفصیلات کے مطابق ترجمان دفتر خارجہ ڈاکٹر فیصل نے کہا پاکستان نے جیل میں قید بھارتی قیدیوں کی فہرست بھارت کے حوالے کردی ہے، لسٹ آج اسلام آباد میں بھارتی ہائی کمیشن کے حوالے کی گئی۔

ترجمان دفترخارجہ کا کہنا تھا پاکستانی جیلوں میں 261 بھارتی قیدی ہیں، بھارتی قیدیوں میں 52 سولین جبکہ 209ماہی گیرشامل ہیں ، معاہدے کے تحت دونوں ممالک میں ہر 6 ماہ میں فہرستوں کا تبادلہ ہوتا ہے۔

خیال رہے دونوں ممالک معاہدے کے تحت سال میں دو مرتبہ یکم جنوری اور یکم جولائی کو قیدیوں کی فہرست کا تبادلہ کرتے ہیں۔

دونوں‌ ممالک میں ایک دوسرے کے سیکڑوں شہری قید ہیں‌ جن میں بڑی تعداد ماہی گیروں‌ کی ہے جو سمندری حدود کی نشاندہی نہ ہونے کے سبب دوسرے ملک کی حدود میں‌ داخل ہوجاتے ہیں‌ جہاں‌ سمندری حدود کی خلاف ورزی پر میری ٹائم سیکیورٹی کے اہلکار انہیں‌ پکڑ کر لے جاتے ہیں۔

یاد رہے وزیراعظم عمران خان نے بیرون ملک قید پاکستانیوں کے لیے بڑا قدم اٹھاتے ہوئے وزارت خارجہ کو قید پاکستانیوں کی رہائی کا ٹاسک سونپ دیاتھا اور 40 دن میں دنیا بھر میں قید پاکستانیوں کی تفصیلات طلب کرلیں تھیں۔

مزید پڑھیں : وزیراعظم عمران خان کا بیرون ملک قید پاکستانیوں کے لیے بڑا قدم

وزیراعظم آفس نے وزارت خارجہ کوقید پاکستانیوں کی رہائی پرخط لکھا تھا ، جس میں کہا گیا تھا بیرون ملک پاکستانیوں کی رہائی کے کےفوری اقدامات کیےجائیں، وزیراعظم آفس اور وزارت خارجہ کے درمیان ٹاسک مینجمنٹ سسٹم قائم کیا جائے۔

خط میں کہا گیا تھا معمولی سزا یاجرمانہ نہ ادا کرنےوالوں کی رہائی کےفوری اقدامات کیےجائیں اور اچھے سفارتی تعلقات ہونےپرقیدیوں کی بلامعاوضہ رہائی کی بات کی جائے، جوخاندان جرمانےادا نہیں کر سکتے، حکومت ان کوادائیگی میں مدد کرے گی۔

Comments

یہ بھی پڑھیں