اسلام آباد: روس اور پاکستان کے درمیان کراچی سے لاہور تک مائع گیس کی رسائی کیلئے پائپ لائن بچھانے کا معاہدہ طے پاگیا ہے.
روسی وزیر توانائی الیگزینڈر نویک اور وزیر پیٹرولیم شاہد خاقان عباسی نے اس معاہدے پر دستخط کئے، کراچی تا لاہور ایل این جی پائپ لائن کی صلاحیت بارہ ارب کیوبک فٹ ہوگی۔ گیارہ سو کلومیٹر طویل اس ایل این جی پائپ لائن کی تعمیر کے منصوبے پر دو ارب ڈالرز لاگت آئے گی۔
اس پائپ لائن کی تعمیر آر ٹی گلوبل نامی روسی حکومتی کمپنی کرے گی۔
اس موقعے پر وزیرِاعظم نواز شریف بھی موجود تھے، منصوبے کا پہلا مرحلہ دسمبر دوہزار سترہ تک مکمل ہوجائے گا۔
وز یر پیٹرولیم شاہد خاقان عباسی کا کہنا ہے کہ توانائی کے شعبے میں روسی کمپنیوں کا وسیعی تجربہ ہے اور پاکستان کو اس سے فائدہ ہوگا.
