کراچی: نیشنل اسٹیڈیم میں کھیلے جانے والے تیسرے ون ڈے میچ میں پاکستان نے سری لنکا 5 وکٹوں سے شکست دے کر ون ڈے سیریز 2-0 سے اپنے نام کرلی، اوپنر عابد علی کو میچ کا بہترین کھلاڑی قرار دیا گیا، بابر اعظم سیریز کے بہترین کھلاڑی قرار پائے۔
تفصیلات کے مطابق کراچی کے نیشنل اسٹیڈیم میں کھیلے جانے والے تیسرے ون ڈے میچ میں پاکستان نے سری لنکا کی جانب سے دئیے جانے والا 298 رنز کا ہدف 48.2 اوورز میں 5 وکٹوں کے نقصان پر حاصل کرلیا، فخر زمان، عابد علی اور حارث سہیل نے شاندار نصف سنچریاں اسکور کیں۔
ہدف کے تعاقب میں پاکستانی اوپنرز نے 123 رنز کا عمدہ آغاز فراہم کیا، عابد علی 74 رنز بنا کر ڈی سلوا کا شکار بنے، بابر اعظم 31 رنز بنا کر پردیپ کی گیند پر ایل بی ڈبلیو آؤٹ ہوئے۔
اوپنر فخر زمان نے 76 رنز کی شاندار اننگز کھیلی انہیں پردیپ نے شناکا کے ہاتھوں کیچ آؤٹ کرایا، کپتان سرفراز احمد 23 رنز بنا کر پویلین لوٹ گئے۔
حارث سہیل 56 رنز کی شاندار اننگز کھیل کر شیہان جے سوریا کا شکار بنے، افتخار احمد 18 رنز بنا کر ناٹ آؤٹ رہے۔
سری لنکن فاسٹ بولر پردیپ نے 2 کھلاڑیوں کو پویلین کی راہ دکھائی، کمارا، جے سوریا اور ڈی سلوا نے ایک، ایک وکٹ حاصل کی۔
Iftikhar completes the act in the NSK with 22-ball 28!
Pakistan win by 5 wickets with 10 balls remaining 🇵🇰#PAKvSL SCORECARD▶️ https://t.co/UQjPC7fMle pic.twitter.com/NRCfdC7ZOm
— Pakistan Cricket (@TheRealPCB) October 2, 2019
تیسرے اور آخری ون ڈے میچ میں سری لنکا نے مقررہ اوورز میں 9 وکٹوں کے نقصان پر 297 رنز بنائے تھے اور گرین شرٹس کو جیت کے لیے 298 رنز کا ہدف دیا تھا، اوپنر گناتھلاکا شاندار 133 رنز کی اننگز کھیلی۔
سری لنکا کی پہلی وکٹ 13 رنز پر گری جب اویشکا فرنینڈو 4 رنز بنا کر محمد عامر کا شکار بنے، کپتان لہیرو تھریمانے نے 36 رنز بنائے انہیں محمد نواز نے آؤٹ کیا، اوپنر گناتھلاکا نے 133 رنز کی اننگز کھیلی ان کی اننگز میں 16 چوکے اور ایک چھکا شامل تھا، گناتھلاکا کو محمد عامر نے آؤٹ کیا۔
پریرا 13 رنز بنا کر عثمان شنواری کی گیند پر حارث سہیل کو کیچ دے بیٹھے، بھنوکا 36 رنز پر رن آؤٹ ہوئے، شیہان جے سوریا کو 3 رنز پر شاداب خان نے پویلین روانہ کیا۔
ڈی سلوا 10 رنز بنا کر محمد عامر کی گیند پر کلین بولڈ ہوئے، سنداکان بغیر کوئی رن بنائے پویلین لوٹ گئے، شناکا 43 رنز بنا کر وہاب ریاض کا شکار بنے۔
پاکستان کی جانب سے محمد عامر نے 3 وکٹیں حاصل کیں، عثمان شنواری، شاداب خان، وہاب ریاض اور محمد نواز نے ایک، ایک وکٹ حاصل کی۔
Innings Break!
Dasun Shanaka with 43 from 24 balls gets Sri Lanka up to 297-9 #PAKvSL LIVE ▶️ https://t.co/lCDZ7oXdVZ | @TheRealPCB_Live pic.twitter.com/qX4OcXnSH7
— Pakistan Cricket (@TheRealPCB) October 2, 2019
ٹاس جیتنے کے بعد سری لنکن کپتان لہیرو تھریمانے کا کہنا تھا کہ بیٹنگ کے لیے پچ اچھی ہے، کوشش کریں گے اچھا کھیلی۔ گزشتہ میچ میں بھی پچ اچھی تھی، مزید بہتر کھیلنے کی ضرورت ہے۔
ان کا کہنا تھا ڈریسنگ روم کا ماحول بہت اچھا ہے، سری لنکن ٹیم میں 3 تبدیلیاں کی گئی ہیں۔
قومی ٹیم کے کپتان سرفراز احمد کا کہنا تھا کہ 50 ویں ون ڈے میں کپتانی کرنے پر اللہ کا شکر گزار ہوں، میں بھی پہلے بیٹنگ کرنا چاہتا تھا۔
ان کا کہنا تھا کہ پاکستانی ٹیم میں 2 تبدیلیاں کی گئی ہیں، عماد وسیم کی جگہ محمد نواز اور امام الحق کی جگہ عابد علی کو ٹیم میں شامل کیا گیا ہے۔ کوشش کریں گے کم سے کم رنز پر سری لنکا کو روکیں۔
دونوں ٹیموں کے درمیان 3 ون ڈے انٹرنیشنل میچز کی سیریز کا پہلا میچ شیڈول کے مطابق جمعہ کو ہونا تھا جو بارش کے باعث منسوخ کر دیا گیا تھا۔
موسم کی صورتحال کو دیکھتے ہوئے پاکستان کرکٹ بورڈ نے دوسرے میچ کا شیڈول تبدیل کر دیا اور دوسرا ون ڈے میچ 30 ستمبر کو کھیلا گیا۔
دوسرے ون ڈے میں پاکستان نے مہمان ٹیم کو 67 رنز سے شکست دے کر سیریز میں 0-1 کی برتری حاصل کرلی تھی۔
ون ڈے سیریز کے بعد دونوں ٹیموں کے درمیان 3 ٹی ٹونٹی میچز کی سیریز کا آغاز 5 اکتوبر سے لاہور میں ہوگا۔ تینوں ٹی 20 میچز 5، 7 اور 9 اکتوبر کو قذافی اسٹیڈیم لاہور میں کھیلے جائیں گے۔
یاد رہے کہ سری لنکن ٹیم 10 سال بعد پاکستان آئی ہے، مہمان ٹیم کےلئے سیکیورٹی کے فول پروف انتظامات کیے گئے ہیں۔
