گیانا: دوسرے ٹی 20 میچ میں پاکستان نے ویسٹ انڈیز کو 7 رنز سے شکست دے کر سیریز میں 1-0 کی برتری حاصل کرلی، محمد حفیظ کو شاندار بولنگ پر میچ کا بہترین کھلاڑی قرار دیا گیا۔
تفصیلات کے مطابق گیانا میں کھیلے جانے دوسرے ٹی 20 میچ میں میزبان ٹیم پاکستان کی جانب سے دیے جانے والے 158 رنز کے تعاقب میں مقررہ اوورز 4 وکٹوں کے نقصان پر 150 رنز بناسکی۔
آندرے فلیچر بغیر کوئی رن بنائے محمد حفیظ کا نشانہ بنے، ایون لوئس 35 رنز پر ریٹائرڈ ہرٹ ہوئے۔
2nd T20I UPDATE: Pakistan won by 7 runs
Scorecard: https://t.co/XxwmmVi702#HarHaalMainCricket | #BackTheBoysInGreen | #WIvPAK pic.twitter.com/NS33WLJoAM
— Pakistan Cricket Live (@TheRealPCB_Live) July 31, 2021
شیمرون ہٹمائر نے 17 رنز کی اننگز کھیلی، نکولس پورن نے 62 رنز کی جارحانہ اننگز بھی ویسٹ انڈیز کو شکست سے نہ بچاسکی، کیرون پولارڈ نے 13 رنز بنا کر شاہین شاہ آفریدی کا نشانہ بنے۔
پاکستان کی جانب سے شاہین آفریدی، محمد حفیظ، محمد وسیم جونیئر اور حسن علی نے ایک، ایک وکٹ حاصل کی۔
The Spin King! An incredible four-over spell by @MHafeez22, 4-1-6-1 🙌🙌🙌#HarHaalMainCricket | #BackTheBoysInGreen | #WIvPAK pic.twitter.com/sHB6muai89
— Pakistan Cricket (@TheRealPCB) July 31, 2021
اس سے قبل پاکستان نے مقررہ اوورز میں 8 وکٹوں کے نقصان پر 157 رنز بنائے اور میزبان ٹیم کو جیت کے لیے 158 رنز کا ہدف دیا تھا۔
کپتان بابر اعظم نے شاندار 51 رنز کی اننگز کھیلی ان کی اننگز میں چار چوکے اور دو چھکے شامل تھے۔
گرین شرٹس کی پہلی وکٹ 46 رنز پر گری جب شرجیل خان 20 رنز بنا کر پویلین لوٹ گئے، محمد رضوان 46 رنز بنا کر رن آؤٹ ہوئے۔
2nd T20I UPDATE: Pakistan 157-8 in 20 overs
Scorecard: https://t.co/LO5Pj00DNL#HarHaalMainCricket | #BackTheBoysInGreen | #WIvPAK pic.twitter.com/i5dTJ6d6Vp
— Pakistan Cricket Live (@TheRealPCB_Live) July 31, 2021
محمد حفیظ 6 رنز بنا کر ڈی جے براوو کا نشانہ بنے، فخر زمان نے 15 رنز بنا کر کیچ آؤٹ ہوئے، حسن علی بغیر کوئی رن بنائے ہولڈر کو وکٹ دے بیٹھے، صہیب مقصود 5 رنز بنا کر چلتے بنے۔
ویسٹ انڈیز کی جانب سے آل راؤنڈر جیسن ہولڈر نے 4 کھلاڑیوں کو پویلین کی راہ دکھائی اور ڈی جے براوو نے دو وکٹیں حاصل کیں۔
قبل ازیں ویسٹ انڈین کپتان کیرون پولارڈ نے بابر اعظم الیون کو پہلے بیٹنگ کی دعوت دی تھی، ویسٹ انڈیز کی ٹیم میں دو تبدیلیاں کی گئی ہیں جبکہ گرین شرٹس انجرڈ اعظم خان کی جگہ صہیب مقصود کو شامل کیا گیا۔
2nd T20I UPDATE: West Indies win toss, decide to field.#HarHaalMainCricket | #BackTheBoysInGreen | #WIvPAK pic.twitter.com/OyA844SiEr
— Pakistan Cricket Live (@TheRealPCB_Live) July 31, 2021
ویسٹ انڈین کپتان کا کہنا تھا کہ پہلے بولنگ کرکے پاکستان کو کم اسکور پر روکیں گے جبکہ بابر اعظم کا کہنا تھا کہ اچھا پرفارم کرکے میچ جیتنے کی کوشش کریں گے۔
واضح رہے کہ دونوں ٹیموں کے درمیان ٹی 20 سیریز کا پہلا میچ بارش کی نذر ہوگیا تھا۔
Time to get it. Let’s go!🙌🏾 #WIvPAK #MissionMaroon pic.twitter.com/eWSmROxkjv
— Windies Cricket (@windiescricket) July 31, 2021
بارش کے باعث میچ کو 9 اوورز تک محدود کیا گیا تھا، ویسٹ انڈیز نے پہلے بیٹنگ کرتے ہوئے پاکستان کو 86 رنز کا ہدف دیا تھا، پاکستانی اننگز بارش کے باعث شروع نہیں کی جاسکی تھی اور میچ بے نتیجہ ختم کردیا گیا تھا۔