اسلام آباد: ڈانسنگ گرل آف موہنجو دڑو کا مجسمہ بھارت سے واپس لینے کا فیصلہ کرلیا گیا، مجسمہ دہلی کے میوزیم میں رکھا گیا ہے جو آج تک بھارت سے واپس طلب نہیں کیا گیا۔
پاکستان نیشنل کونسل آف آرٹ کے ڈائریکٹر جنرل اور اداکار جمال شاہ نے کہا کہ ڈانسنگ گرل کا مجسمہ موہنجو دڑو سے برآمد ہوا تھا،یونیسکو کنونشن کے تحت مجسمہ واپس طلب کیا جاسکتا ہے۔
فرخ اعجاز نمائندہ اسلام آباد نے بتایا کہ اس حوالے سے معروف اداکار اور ہدایت کار جمال شاہ کی جانب سے باضابطہ طور پر حکومت پاکستان کو خط لکھا جائے گا کہ وہ مجسمہ کی واپسی کے لیے بھارت سے بات کرے
اے آر وائی کے رپورٹر نے بتایا کہ مجسمہ دہلی کے ایک میوزیم میں موجود ہے جسے آج تک واپس نہیں مانگا گیا تھا تا ہم اب رقص کرتی لڑکی کے مجسمے کے حصول کے لیے باضابطہ رابطہ مہم چلانے کا فیصلہ کیا گیا ہے
واضح رہے کہ یہ مجسمہ پاکستان کے کلچر کا حصہ ہے اور پاکستان کے علاقہ موہنجوداڑو سے برآمد ہوا تھا،اس مجسمے کی حوالگی کے لیے جلد خط لکھ دیا جائے گا جو کہ اس وقت دہلی کے میوزیم میں موجود ہے۔
