سابق کپتان اظہر علی نے گرین شرٹس سے اچھی امیدیں وابستہ کی ہوئی ہیں وہ کہتے ہیں کہ قومی ٹیم ورلڈ کپ میں سیمی فائنل سے بھی آگے جا سکتی ہے۔
اے آر وائی نیوز کے پروگرام میں اسپورٹس جرنلسٹ شعیب جٹ نے سوال کیا کہ چنائی کے اسپن ٹریک پر افغانستان نے موجودہ ورلڈ چیمپئن انگلینڈ کو شکست دے کر میگا ایونٹ کا سب سے بڑا اپ سیٹ کیا تو کیا اس پچ پر افغانستان پاکستان کو بھی پھنسا سکتا ہے۔
سوال کے جواب میں سابق کپتان اظہر علی نے کہا کہ پاکستان کو صرف انڈیا سے ہار کی بات کے تناظر میں نہ دیکھیں کیونکہ وہ تو پورے ایونٹ میں فیورٹ ٹیم ہے۔ گرین شرٹس ایک مضبوط ٹیم ہے اور ابھی بھی وہ ٹورنامنٹ میں بہت اچھا کر سکتے ہیں بلکہ میں کہتا ہوں کہ پاکستان سیمی فائنل سے بھی آگے جا سکتا ہے۔
اظہر علی نے مزید کہا کہ جہاں تک افغان ٹیم کی بات ہے تو اس بات کو ذہن میں رکھیں کہ ان کے پاس تین آف اسپنر ہیں جو کوالٹی اسپنر ہیں ان کو اپنے حق میں کنڈیشن ملیں گی تو ضرور فائدہ اٹھانے کی کوشش کریں گے۔
سابق وکٹ کیپر بیٹر کامران اکمل نے کہا کہ افغانستان ورلڈ کپ سے پہلے بھی بڑی ٹیموں جن میں پاکستان، افغانستان، سری لنکا اور بنگلہ دیش کو ہرا چکا ہے اس لیے انگلینڈ کے خلاف فتح کو اپ سیٹ نہیں بلکہ ان کی محنت کے کھاتے میں ڈالا جائے۔
ورلڈ کپ میں آسٹریلیا کیخلاف میچ سے قبل پاکستان ٹیم کیلیے اچھی خبر
جہاں تک بات ہے پاکستان کی تو جس طرح وہ بھارت سے ہارا ہے تو اس کے لیے تو تھریٹ ہے۔ اب قومی ٹیم کو خود پر اعتماد بحال رکھتے ہوئے اٹھنا پڑے گا مکمل گیم پلان کے ساتھ پازیٹو کھیلنا پڑے گا تب ہی افغانستان سے جیتیں گے اگر یہی کریں گے کہ راشد خان، محمد نبی اور مجیب کو کیسے ہینڈ کرنا ہے تو پرابلم ہوگی اس لیے گرین شرٹس کو اگلے میچوں میں اپنی پازیٹو باڈی لینگویج کا مظاہرہ کرنا ہوگا۔
