The news is by your side.

Advertisement

ملک بھر میں کورونا کےکیسزکی تعداد 1200 سے تجاوز کر گئی

اسلام آباد : ملک بھر میں کورونا کےکیسزکی تعداد 1200 سے تجاوز کر گئی جبکہ کورونا سے جاں بحق افراد کی تعداد نو ہوگئی اور 23 مریض صحت یاب ہوچکے ہیں۔

تفصیلات کے مطابق نیشنل کورونا کمانڈ اینڈ کنٹرول سینٹرنے اعدادو شمارجاری کردئیے، جس میں بتایا گیا ہے کہ ملک بھر میں کورونا کے کیسزکی تعداد 1235 ہوگئی ہے۔

اعدادو شمار کے مطابق پنجاب میں کورونا کیسز کی تعداد 408 تک جا پہنچی جبکہ سندھ میں 429، بلوچستان میں 131 ، خیبر پختونخوا میں147،اسلام آبادمیں 27 کرونا وائرس کے کیسز رپورٹ ہوئے اور گلگت بلتستان 91،آزادکشمیر میں کوروناکیسزکی تعداد 2ہے۔

کمانڈ اینڈ کنٹرول سینٹر کا کہنا ہے کہ کوروناسےمتاثرہ 23 مریض صحت یاب ہوگئے، سندھ میں14،پنجاب میں 3،اسلام آباد، کے پی کے میں2،2 مریض صحتیاب ہوئے، پاکستان میں صحتیابی کی شرح 1.9 فیصدہے۔

اعدادو شمار کے مطابق کوروناسےابتک 9 مریض جاں بحق ہوچکےہیں، کے پی 3،پنجاب 3 ، سندھ، گلگت اور بلوچستان میں ایک،ایک مریض کی موت ہوئی۔

خیال رہے چیئرمین این ڈی ایم اے لیفٹیننٹ جنرل محمد افضل کا کہنا تھا کہ پاکستان میں قرنطینہ کیلئے ایک ہزار سات سو پچانوے ہوٹلز بک کرلیے گئے ہیں۔

دوسری جانب سندھ میں لاک ڈاؤن کے دوران راشن کی تقسیم کے لیے 58 کروڑ روپے جاری کردیئے گئے، راشن مستحق افراد اور یومیہ اجرت کمانے والوں کو فراہم کیا جائے گا۔

fb-share-icon0
Tweet 20

Comments

comments

یہ بھی پڑھیں