اسلام آباد: چیف جسٹس پاکستان عمر عطا بندیال نے عمران خان کو” گڈ ٹو سی یو "کہنے کی وضاحت دیدی۔
سپریم کورٹ میں سول مقدمے کی سماعت کے دوران چیف جسٹس پاکستان عمر عطا بندیال نے وکیل اصغر سبزواری سے مکالمہ کیا کہ آپ کو دیکھ کر خوشی ہوئی، کافی وقت کے بعد آپ میری عدالت آئے ہیں۔
چیف جسٹس پاکستان نے کہا کہ آپ کو دیکھ کر خوشی ہوئی یہ میں ہر کسی کو کہتا ہوں، مجھے گڈ ٹو سی یو کہنے پر تنقیدکا نشانہ بنایاگیا۔
چیف جسٹس پاکستان نے کہا کہ میں ہر ایک کو احترام دیتا ہوں، ادب واخلاق تو سب کیلئے ضروری ہے، ادب و اخلاق کے بغیر مزہ نہیں ہے۔
واضح رہےکہ چیئرمین پی ٹی آئی عمران خان کی گرفتاری کےبعد سپریم کورٹ میں پیشی کے موقع پر چیف جسٹس نے عمران خان کو دیکھ کر کہا تھا ’ویلکم خان صاحب! آپ کو دیکھ کر خوشی ہوئی۔‘
ان کے ریمارکس پر سیاسی رہنماؤں کی جانب سے انہیں شدید تنقید کا نشانہ بنایا گیا تھا۔
